السلام عليكم ورحمة الله وبركاته
صلوا على خير البشر .
جيت والمرجع مدارس أمل عبدالعزيز
بعد مافزت وتمكنت في وقتٍ وجيز
جيت بين مثقف وناقد وشخصٍ عزيز
والثقه مطلب وانا واثق وشعري ثقه
/
\
/
\
مصافحه أولى كان الفضل لله أولاً ثم للأخت الشاعره أمل عبدالعزيز في خروجها للنور
ومن هذا المقام أوجه لها جزيل الشكر وعظيم الإمتنان على ماقدمت وتقدم للشعر..
أتمنى أن تجد لصاحبها القبول قبل أن تجده لها .
:
:
[poem= font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
القلب قاسي ولكن فيه حنيه =يعاملك وفق مبدا توّه اختاره
لكل أيّت خطا ردة خطا زيه =معاكسه الاتجاه ونفس مقداره
مادام مرت سنه ماصادفت جيه =القلب ناوي سنه مايجري زياره
أبتركك هالسنه لالك ولاليه=شوفه ولاضمه وسهرات نواره
هذا قراري ولي نظرات ناريه =العين تشّر وقلبي ولع الشاره
وش اللي خلاني افكر بجديه =إلا إني أقرا عن نيوتن واخباره
قريت يومٍ صدف ذيك الإطاليه=تفاحةٍ طايحه من عالي أشجاره
وقفت.. ثم رحت لايامٍ خلاويه=يوم اني مرات انا أدعيك محّاره
ومرات اناديك تفاحه سعوديه=والحين شبّهت مشواري بمشواره
اليوم طحتي ومن قلبي وعينيه=وكسرتي اغصان بعدك مالها جباره
نفس السبب جاذبيه بس علويه=تمركزت في جبال الحقد وحجاره
رقى عذولي الجبل شافك شماليه=قام وجذبك بأكاذيبه وبسحاره
مانبهك قلبك القبله جنوبيه=استغفري ثم صلي اليوم كفاره
هذا السبب آه كم صفقت بيدَيه=هذا عذولي وهذا الكي من ناره
إن كان قلبك تندم واخلص النيه=وإن كان وده يرد القلب بجواره
خله يجيني بعصريه وفجريه=خله يجيني ترا داري هي دياره
ولك اني آغير المبدا بكليه=ويصير لك بعد مايتغيّر بشاره
لكل أيّت خطأ رده سماحيه =مجابره له بعد وتزيد مقداره
ماهمني نيوتن وربعه وطاريه=واللي زعل يضرب براسه على جداره
لجل اننا يالغلا نبقى سواسيّه=وقفت في جبهة القانون واخطاره[/poem]