صحيح الحبّ الأعمى خالقه ربي بدون عيـون
لكنّي شايف اللـي فيـك يـا خلّـي محبّبنـي

نزاهة روحك و ندرة وفاك وعرضك المصيون
وطهارة قلبك وسطوة حـلاك اللـي معذبنـي

وذكاك ومنطق أسلوبك لا سولفت بغلا مجنون
هذا غير الوصوف اللـي مخبيّهـا وتعجبنـي

أنا ما ودّي أبحث في خبايا الشكل والمضمـون
أقول المختصر .. كلّك على بعضـك تناسبنـي

أناظرك وتناظرني ونظـرات العيـون تمـون
لا قمت أسألك بعيوني .. وبعيونـك تجاوبنـي

أحبّك كثر ما قلبي يـدق وخاطـري مشحـون
وأحّبك كثر ما طيفك علـى طاريـك يجذبنـي

وأحبّك كثر ما شابت من لحون الغرام لحـون
وأحبّك كثـر مـا تقرانـي عيونـك وتكتبنـي

رميت بفلسفة عشقك على سقراط وافلاطـون
ولا فكوّا رموز ٍ في غرامـك بيتهـا مبنـي !

تغيب ويمتلي صدري من الشوق ويضيق الكون
تقول أنّك مع غيابـك عـن الدنيـا مغيّبنـي

أخذني معك يا سيد الحبايب لا تقـول شلـون
على كف المحبّه ودّني فـي قلبـك وجبنـي !

لا تتركني تحت رجوى وصالك والجفاء ؟؟؟؟
عقوبه .. مالي ومال العقوبـه .. لا تعاقبنـي

منقول