صلااااااام يامتغربلين
قبل ماقول وش اللي مغيبني هذي العصور كلها عن المنتدى
فيه حركة ترفع ضغطي وتنرفزني <<< اي تخلي وجهي كانه قرطاس معفط
اذا جاك واحد ينزل موضوع ويكتب في العنوان : موضوع شيق وجميل ، ادخل وشوف وماتندم
ولا يقولي ارجوا التثبيت ، لو انا من المشرفين امسكه بكراعينه واسحبه برى
<<<<< مايقصد احد ابدن :مزون:
بصراحة اذا قلبت في هالمنتديات وصفحاتها ، اجد ان شعبنا لديه كتاب مثمرين ،
ثروة قلمية <<< ماقد سمعنابها ذي يابو الشباب
منجد اشوف كتابات ولااروع لكن اشك في رجال طيب يساعدهم اسمه ( الكوبي) :مزون:
الكوبي هذا مايرد احد ورجال خدووووووووووووووووم بالحيل
جعلنا الله وأياكم في عافيه :مزون:
وقصم أني مالطشت شي :مزون:
مع أني لا أنكر خلوا ملفى من هاذه التهمه :مزون:
على بالي الأعضاء مايعرفون الا منتداهم ماعمرهم طبوا منتدى غيره
<<<< مشكلة اللي توه سوى ايميل ويجيك ذيك الموضوع اللي ماغط طبلونه وتجي انت وتلصقه بمنتداك وانواع الردود توصلك واللي يطلبك خاص
وتتفاجا كمان يثبتون موضوعك وانت رايح في امها وناااااااااااسة
وماتكمل الفرحة الا واحد يعلم عليك <<<< نسمع بها في الابتدائي :مزون:
المهم ماطول عليكم ندخل في موضوعنا اللي هو منو اللي مزعلني في المنتدى عشان كذا ماصرت ادخل
بحمد من الله وتوفيقه وبعد كرف 17 سنة من العلم والمثابرة والبراشيم تم تخرجي من الجامعة
بعد ماخليت مكتب دكتور الا وتسدحت عنده <<< لاتفهموني غلط
ومابقيت اسطوانة لدكتور الا وعبيتها ولاخليت قسيمة الا وسددتها <<<< عشان يقال له ابوه لواء في المرور :مزون:
توني عرفت اني انسان دافور لمن استلمت الوثيقة ، اصلا وشو نيوتن عندي
وبقدرة قادر وبدعاء الوالدين وحظ يفلق الصخر نزلت سبع وظايف اعادة في الجامعة قبل التخرج
وتم ترشيحي واول ماشفت اسمي اقعد اهايط في الجامعة واسوي زحمة واشتري كل المذكرات
واجلس في الماصة الاولى وماصرت احضر اخوياي
لكن بعد جلسة تامل وتفكر ، على كوب شاهي وفي اعلى قمة في جبل السودة
والضباب يداعب انفي الجميل ، قلت لو لاسمح الله صرت مدرس في الجامعة
وبعد يومين يبتعثونك للخارج وتدرس الين تطلع ريحتك واخوياك فالين امها هنا في السعودية
وبعد 9 سنوات ترجع بلقب الدكتور محمد لكن المصيبة العظمى والداهية الكبرى بيكون راتبك 9000 ريال فقط :mf_depres
قمة في الظلم وسلب الحقوق
بينما يجي عسكري ماعند امه سالفة بعد مايتخرج بسنة ياخذ راتب اكثر من 10000 ريال
لمازا وليه وعشان ايش يفضل عند العرب وخاصة السعوديين الضابط عن الدكتور
اذا كان هناك اصلا مجال للمقارنة
بصراحة اعضاء هيئة التدريس في الجامعات السعودية مهضومة حقوقهم ويعانون من شظف العيش <<<< يالبيه على اللغة :مزون:
<< تكلم عن نفسك :مزون:
ممايجعلهم يفكرون الف مرة قبل الالتحاق بالبعثات الللي تقدمها الجامعة بالبحث عن وظيفة مستقرة اوفر نصيبا من التدريس الجامعي واكبر مكانة في المجتمع
والسلام عليكم ورحمة الله ططقطقطقطقطقططقطقطقطقطقطقط ق
رد مع اقتباس
حاولت بس ماقدرت
