أعضاء منتديات غرابيل
بعد التحيه والسلام
كيفكم عساكم تمام
بدعوه من الأخ الشاعر فايز آل بذال يشرفني أن أكون أحد أعضاء هذا الصرح الشامخ
وأضع بين أيديكم آخر ماكتب عسى أن يجد بعض القبول
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقول خل العتب ياصاحبي والملام = وانا بخلّي ملامي يالخوي وعْتبي
سلام قلته وقلت انته عليك السلام = وذلحين ابا اطلبك تكفى لا ترد اطلبي
تعش عندي دخيلك ياعزيز المقام = سلمت لي ياعريب الساس والمنسبي
إلك وعد يالكريم ابن الرجال الكرام = أجيك في وقت ثاني غيرها وشتبي
طيّب علومك 00بخير ابفضل رب الأنام = وعربْك وشلونهم 00في خير كل اعربي
روحات جيّات 00 لا والله بيت ودوام = وبالليل جلسه مع اخواني وحضرة أبي
باقي تقول الشعر ولاّ عكست النظام = 00كيف اعكسه والشعر هو زادي ومشربي
فواز مال الشعر عندي ياخوك اهتمام = مير اذكر اللي خلقك وصل على النبي
أخذت لي ما يقارب يالخوي نصف عام = متابع إلـ ( شاعر المليون ) فى ابو ظبي
ماهو عشان الشعر عشان بدر التمام = روضه حلاها سباني يالثبيتي سبي
في كل ليلة ربوع ان جات عشره تمام = عند التلفزون لجل اشوفها محتبي
بالله ياللي معاي وتسمعون الكلام = وشرايكم في هروجٍ قالها صاحبي
يالربع عادي صقر ويحب صيد الحمام = لكن خسران ماحوله ولا مكسبي
وجدي على صاحبي روّح ضحيّة غرام = وانا بعد شاعر المليون زاد اتعبي
ياللي تقولون يافواز شد الحزام = ورح شارك بشاعر المليون كانك صبي
لو انّها بالشعر رحت وكسبت السنام = ومليونهم كان ماجبته حلقت اشنبي
المشكله في محل النور حل الظلام = واللي بعد ما فهمها والله انّه غبي
ومشاعري بالدراهم لا حشا ماتسام = كلٍ على مذهبه وانا على مذهبي
ما اخسّر الناس لجل أكسب علي بالحرام = أعيش واموت ما واحد خسر بسببي
ونارٍ من اسبابها عين الكفو ماتنام = لن كان ما اطفيتها ما زدتها بحطبي
الاوّله مرّت وعدّت بخير وسلام = مع ان وضع القبايل كان متكهربي
والخوف بكره يجي بين الصفوف انقسام = كلّه لجل شاعر المليون فى ابو ظبي[/poem]
رد مع اقتباس
