قصة على كيف كيفك.... تفطس من الضحك

[نسمة الشمال]

[align=center]قصه قصيره..صيفيه الى فرنسا..
قرر الأب اذا نجحوا كل عياله يوديهم في الصيف لفرنسا..أنبسطت منيره مره لما سمعت هالخبر لأنه صار لهم زمان ماسافروا..المهم شدت البنت حيلها في المذاكره وأخوانها مثلها..وجت نهايه السنه نجحوا كلهم وسافر بهم أبوهم مثل ماوعدهم..
كانت منيره مستانسه بس في شيء منكد عليها كل السفره..ومخلي الأخلاق في النازل..أبوها شرط عليها ماتشيل العبايه.. ياعبايه يامافي سفر..رضخت منيره لأبوها راحت بالعبايه والطرحه..محجبه بس (يحمد ربه بعد)..البنيه أول مره تسافر بعد ما كبرت..كانت ماخذه راحتها أول لاكن الحين خلاص(البنات كبرت)..تمشوا وراحوا وماخلوا قرنه في فرنسا مادعسوا فيها..المهم العيال شبوا على أبوهم يبون شاطىء يسبحون ونزلت الطامه الكبرى على منيره!!وشلون تروح الشاطىء بعبايتها؟!
كيف تشوف أخوانها يسبحون وهي لا؟! طبعا مالها الا تستسلم وتطس معهم...الزبده
راحت خويتنا وهي مطنقره بينما العيال يسبحون ويمرحون(الله يفكهم من شرعينها)
راحت هي على جنب قعدت لحالها من زين الأخلاق..(خبركم راكبتها أم العبيد) وقامت تمقل بخلق الله بينما هي كذلك(حلوه قلبت عربي) لمحت ذاك الشاب الفرنسي اللي يموووت ويجننن طوييل ووسيييم جسمه عضلات ولونه برونز(لابس مايوه)وشعره متروس جل ولابس ذيك النظاره الشمسيه الماركه..طالعها هو وأبتسم بغى يغمى عليها يوم شافت صفت اسنانه..أبتسمت هي الأخرى قام و من باب الميانه قرب قرررب لين أرتز جنبها..وهي تسألون عن حالها مسيكينه مسبهه.. متنحه..في نفس الوقت مستحيه..وبعد متوهقه خايفه يشوفها أبوها تحاكي ذا الأطخم يقوم يسفرها لديرتها دايركت(حرام عليه أبوها مايكفيه ركز دميجته وحكرها بالعبايه يقوم يتفلسف)
التفت عليها أبوالشباب وانفلت بالحكي طبعا هي ثور الله في برسيمه ما تدري وش
قاعد يرطن هو شافها توزع هالأبتسامات عرف ان ماعندها دبره..قام سألها:do you sbeak english.. هو سأل ولا ماسأل..بغت تحب راسه البنيه..على طول
ييييس.. وداربينهما الحوار التالي: أبوالشباب:أنت من وين شكلك مو فرنسيه(أنواع المجامله أجل هذا شكل فرنسيه تتشمس بعبايتها) منيره:أنا من المملكه العربيه السعوديه (مكبره بالخلاقين) طبعا لاتنسون أن كل هالبربره بالأنجليزي..أبوالشبابوهو متحمس) كيف وصلتم هنا؟منيره:وصلنا من كم يوم عادي!أبوالشباب:بس كيف عبرتو البحر؟منيره:أي بحر؟مامرينا على أي بحر رحلتنا كانت دايركت الرياض باريس..أبوالشباب مستغرب) يعني ماجيتو على بعاريين؟!منيرهكن أحد مدغدغها)
أي بعارين أنت تمزح جايين بطياره ولا بالجديده بعدأم شاشات..(ياشاين السرج على البقر)أبوالشباب:عندكم طيارات؟ منيره:أي عندنا ليه وش فاكرنا؟ أبوالشباب:أنا اللي أعرفه عن السعوديه أنها صحراء قاحله والناس يتنقلون فيها بالجمال والحريم يركبون وهم متغطيين على الجمال والرجال وراهم شايلين براميل البيترول!!
منيره:وين ياعمي؟وش ذا أحنا عندتا كل وسائل التكنولوجيا في ديرتنا..سيارات وطيرات وأنترنت وشوارع متطوره وترى عندنا فيصليه ومملكه(هذي موبحسن تنطق وتقابل فيصليتها ولاتفشلنا بره) أبوالشباب:أجل آسف أنا فهم شيء بس الواقع طلع شيء آخر بس أنت ليه ماتسبحين؟ منيره:مقدر أسبح لأني محجبه..أبو الشباب: أشوه أنت مومنهم.. منيره: من مين؟ أبوالشباب: اللي متشوهين.. منيره:أي متشوهين؟!
أبوالشباب:الحريم اللي يغطون وجيههم عندكم متشوهين صح؟ منيره: لا طبعا أي متشوهين؟ الموضوع موتغطيه بس ديننا هو اللي فرض علينا كذا درءا للفتن( أبو الفلسفه) أنا هناك أغطي وجهي.. مثلا انت الحين شا يفني مشوهه؟أبوالشباب: لا أبد أنت جميله ولونك حلو بس موحرام جميلات مثلكم يضطهدون؟ منيره ليه يضطهدون؟
من قال أحنا كذا؟ أبوالشباب: مثلا ممنوعين من السواقه..منيره:مين قال لك أحنا نبي نسوق كل حرمه وبنت لها سواقها الخاص نسوق ليه؟ (شطحت البنيه وتكبر بالخرق)
أبوالشباب:طيب مايقبلونكم بأي وظيفه؟بس مدرسه صح؟ منيره:الدوله الله يعزها ماتوظف بناتها الا في وظايف تناسب قدراتها بس موبس تدريس..البنت السعوديه طبيبه صيدلانيه وسيده أعمال وموظفه حكوميه بس الأغلب في قطاع التربيه لأنه هوالأقرب لطبيعتنا البنات..أبوالشباب:بس مانعينكم عن المناصب الكبره مخلينها للرجاجيل ولاتقولين لأ؟ منيرهأخذتها العزه وقامت تألف) من قال كذا أصلا أنت ماخذ فكره مرره سيئه عنا المرأة تتقلد مناصب كبيره حتى أنا خالتي وزيره..أبوالشباب: متأكده أنا أعرف أن السعوديه مافيها حرم في حكومتها..منيره:كل معلوماتك غلط قلت لك خالتي وزيره..أبوالشباب: شكرا على تصحيحك لمعلوماتي وبهالمناسبه أنا عازمك الليله على خرجه(قلط أبوالشباب) منيره:وين عازمني؟ (متشققه..)أبوالشباب: في بار جنب بيتنا أمرك ونروح له..منيره:وين أحنا؟ هي ترى ماعندنا هالشغلات أحنا موبحقين بارات..ديننا محرم علينا الشرب والأختلاط والتبرج..وبعدين حرام أطلع أنا وأنت بروحنا..هذي تسمى خلوه.أبوالشباب:يعني أيش خلوه؟ منيره: يعني بنت وولد مايعرفون بعض ولا محرم لما يجلسون في مكان لوحدهم..
أبوالشباب:طيب ونت الحين قاعده معي؟ منيره:لا هذا مكان عام ومليان ناس.. أبوالشباب:على العموم انا أكررعزيمتي ..منيره:وأنا أكرر رفضي..أبو الشباب:ترى اذا قمت مافي تغيرين رايك..منيره:لا أبد..قام ابوالشباب ومشى خطوتين وبعدين رجع لمنيره..وهي على جلستها انحنى عليها ونزل نظارته على طرف خشمه طالعها بعيونه وقال لها بالسعودي أجل خالتك وزيره ها؟ وكل بنت لها سواق وعديتها لك..لكن هذي قوووويه[/align]

[حبوبه الرياض]

ههههههههههههههههههههههههه هههههاي
الله يعطيك العافيه

[دلوعة أهلها]

أووووووووووووه يافضحي فضحااااه
وهي تشلخ أم الشبااااااااااااب ,,
ههههههههههههههههههههههههه ههه
مشكوره خيتي ’’

[نسمة الشمال]

[align=center]
حبوبة الرياض

مشكورة اختي على مرورك[/align]

[نسمة الشمال]

[align=center]دلوعة اهلها


مشكورة اختي على مرورك [/align]

[&&الوردة الحمرة&&]

حلوووووة مرررررررررة ........... تسلمي ..........
بس حبيت اقول ان البنت اساس نجاحها هو حجابها وانو لما تغطي وجهها هنا (في السعودية) ولما تروح اي دولة ثانية تفتح وجهها مايصير ............. الانو في كل مكان الله موجود ويشوفها ..........

[نسمة الشمال]

[align=center]
الوردة الحمراء

تسلمين اختي على مرورك

وانا معاكي ان الحجاب هو اساس كل شي
[/align]

[سعود]

ههههههههههههههههههههههههه


ياشين الفشيله



اكيد وجه البنت صار الوان



مشكوره اختي نسمه على هيك موضوع



تحية عطرة

[نور بني تميم]

ياااااااااااااااااااااااا ااااااااي وش هالفشيله.......................
ياااااااااااااااااااااااا اااااااااي الولد وشلون يصير شكله فرنسي
عيالنا شهبان لهبان الا قله قليله<<<<<<<<<<<هههههههههه ياويلي من التماسيح

نسمه يسلمووووووووووو

[نسمة الشمال]

[align=center]سعود

مشكور اخوي على مرورك

ومن جد فشيلة بس حظها كذا

ههههههههه[/align]

[حــنــيــن]

ههههههههههههههههههه

مو فشيله وبس..انوااااااااااااع الفشايل..خخخخ

نسمة الشمال يسلمووووووووووووووو..

[النجلاء]

ههههههههههههههههههههههههه هه نسمة الشمال


حبل الكذب قصير ,,, بس اما خالتها وزيره هذا اقصر حبل شفته بحياتي ههههههههههههههههههههههههه ههههههههههههههههههههه

تسلمين ياقمر على موضوعك الجميل ,,,,


يعطيك العافيه

[متمرده بلا حدود]

[align=center]يسلموووووووووووو

من جد خطييييييييييييييييييييييي يييره القصه ..

والله مت من الضحك ..

انا لو منها قلت لا بس انا كنت انكت .. خخخخخ

اصلا انا استغربت قلو البنات اللي على البحر يجي للمتحجبه .. حبيت هالفرنسي حسيته مؤدب .. أثاريه من تماسيحنا ..

نيته شينه .. يبي يطيح وجهها بس

صدقتي والله خيتوو نور الكون ,, وين طلع ذا منه .. فرنسسسسي .. كثرو منهاااا

احنا الاطخم الاطخم قالو اسباني .. >>>> احمدي ربك والله الاسبانيين حلوين ..خخخخ


يسلموووو حبيبتي على الموضوع الحلو [/align]

[فهده]

ههههههههههههههههههههههههه ههههه

عشان تعرف ان الله حق وما تكذب
<<<الضعيفه راحت فابو ثعبل
<<<والله لو اني مكانها لصفقه كف اخليه يروح لسعوديه على تيس مو بعير

مشكوره يا نسمه ونستينا يالغاليه

سلام..

[][aJgJI pJLc][]

ههههههههههههههههههههههههه هههههههههههههههههههههه

لوووووووووووووووووووووووو ووووووووووووووول

هو يكلمها ويخليها تسترسل وهي ثور الله في برسيمه:هاها: :هاها:

الآ على فكرة < معقولة ماعرفت انه سعودي

< تراهآ مزحة يالدوب

سلمووو عن جد ضحكتاني