[poem=font="Simplified Arabic,6,blue,bold,normal" bkcolor="transparent" bkimage="" border="none,6,gray" type=2 line=1 align=center use=ex num="0,black"]
أنا اليافكرت في بعض الاحوال=وأخذت لي في عالم اليوم جوله
من ماتشوف العين يارثالها الحال=وتمسي به عقول الاوادم ذهوله
شي(ن)به عقول الفهيمين تهتال=ويصيق فيه الكون عرضه وطوله
به طال مايلنا على رجوى الامال=اللي بها نبغى نعدل ميوله
بس الامال بحال والواقع بحال=ماكل طارد حلم يقدر ينوله
وشلون اجل حلم(ن) به الأف الاجيال=يصبح له التحقيق يسرد سهوله
أكيد صعب وصعب ويحتاج لأبطال=وكل العرب به تشترك بالبطوله
جاهل ومتعلم وحرمه ورجال=ودم(ن)ودين وكل شعب(ن) ودوله
في موعد(ن) موعد فرح يطرب البال=وشفك يوم(ن) الجيش تقرع طبوله
جيوش(ن)تطالعها من الجال للجال=أرواح أهلها للملاقى عجوله
الياوجهة تونس على الارض زلزال=من حر ماكبود الجنود مغلوله
يبون الأخذ بثارهم ظلم واذلال=اللي عنه خمسين عام اسكتوله
ذاقوا بها منه طعم مر الأنكال=في شعبهم بالشر يشعب ذلوله
ان صالحوا بمصافح الكف يحتال=ناقض عهد ميثاق فعله وقوله
محتل ظالم مقترف شين الأفعال=حتى أبرك الأشجار دمر حقوله
هدم مدن شرد شعب يتم أطفال=ألقى وطن واغتال حلم الطفوله
هذا هو اللي لازم اليوم ينقال=اللي ماهو ينقال لازم نقوله
اليامتى وحنا على هذه الحال=نخفي جروح(ن)بالكبود محموله
قصة وجع جرح(ن)قديم(ن)ولازال=وصل بها المولود سن الكهوله
لفصولها صور وتفاصيل وأشكال=تشبه زمنا في تناقض فصوله
لأيننها وصلت بنا لأسوء الأحوال=وعدواننا دين العقيده عدوله
قرأن من نزل تبارك والانفال=يدوسه السجان بأسفل رجوله
حتى بصحافتهم خبيثين الأعمال=كم شوهو بالرسم صورة رسوله
من فعلهم هز الحشا تقل زلزال=زلزال جرح(ن)بالحنايا نزوله
وفجأة صحى النايم على صياح جهال= من حلم في غفوة منام معسوله
نسألك يامن كون النون والدال=فرد(ن)صمد أمرك سريع(ن)نزوله
أنك تحفظ الدين من شر الانذال=والحاقد الغدار بأمرك تزوله[/poem]