[align=center]
مساكم الله بالخير اخواني اعضاء غرابيل
شهر مبارك
واتمنى ان تنال استحسانكم
[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=1 line=0 align=center use=ex num="0,black"]
يوم جاني يسحب أذيال الهزيمة من بعيد =قمت يمه وانتشلته لين عود منتصر
شدني في وسط عينه دمعة الشخص العنيد=لا انكسر في يوم و أصبح بالمذلة يحتضر
قالوا ارحم من تذلل من بعد ما كان سيد=وقمت أنا لك بنصرك مادام لك عز وقدر
والله إني لجل عينٍ جرحها عندي حميد=لجل عين إن رجعت يمي نظرها ما تذر
لأقوم الدنيا و أقعدها و أجاوب وش تزيد=لو تآمر العالم أبعثرهم و أكربهم و أفر
ذاك لو انه زعل من شانه أفك الحديد=وان رضا قلبي رياح الشوق بأطرافه تمر
لا يا بعد منهو عزيز وشيخ و إمام وعقيد=لا يا بعد قلبي وفكري و الخفوق وما ضمر
شفت دمعك ذا ترا ماهوب سايل من جديد=واعرف انك من بعد ما جيتني جالك ظهر
شفت قامت من يذلك حق لأحنيهم عبيد=شفت الأرض اللي تهينك شرط لأجعلها قفر
والله إني لجل عينك ما افعل إلا ما تريد=تآمر وتنهى و أنا بقول لك أمرك أمر
استرح و آمر تمنى وش تبي .. قلب ووريد ؟؟=اشترط يا عم لو تآمر على نور البدر
واعرف إن بجوف صدري بالحشا قصرٍ مشيد=للهموم اللي تحارب من بجوفي مقتدر
و أنت من شان العيون السود أرسل من بعيد=همك اللي مزعجك ويصير مخفي الأثر[/poem]
لها ظروفها
طلال..
[/align]