سلااام
هذه نصائح مهمه لك اختي البنت المغلوب على امرك لو جاكم ضيوف فجأه وانت مخططه لزيارة من اول
الاسبوع ومعلنه حالة الطواريء في البيت بعدم استقبال اي ضيف
1_اسألي امك اذا هي اللي عازمتهم من وراك؟
اذا كانت الاجابه نعم سلمي امرك لله عاد امك وش تقولين لها:(
واذا كانت لاااا استعدي لتطفيشهم في اسرع وقت وذلك باتباع الاتي:
1_ادخلي عليهم عابسة الوجه مدعيه الصداع والزكام وكل شوي قولي اوووف من هالزكااام
2_اجلسي بالقرب منهم وكحي بقووووووووه في وجوههم وحبذا تكون كحه مصحوبه بفتح فمك للاخر
3_عند تقديم العصير حاولي ان يكون منتهيه مدته واذا لم يوجد لديك اعملي عصير بالبيت ماء وسكر وقليل
من النكهه واحلفي عليهم يشربونه
4_بعد العصير اتركيهم لمدة ساعتين بلا قهوه واذا لاحظت امك التطنيش وطلبت منك احضار القهوه قومي
عاد تفلسفي عليهم وقولي القهوه بعد العصير سبب رئيسي لامراض المعده والتهاااب الكلى لازم يكون فتره
كافيه بين الاثنين
5_عند تقديم القهوه وهنا مربط الفرس تعرفين عاد العجايز يقدسون القهوه قومي بصب اول فنجال وتجاهليهم
ولا عاد تصبين لهم الا بعد ربع ساعه وقولي يؤ يا خاله ما انتبهت ان فنجالك خلص
طبعا مع القهوه اكيد به حلى احلفي عليهم يخلصون الحلى كله وقولي ليش ما اعجبكم انا اللي مسويته لكم لا
تفشلوني وخليهم ياكلون الحلى كله وهذه اروع طريقه لتعذيب اللي وزنهم زايد
6_حاولي استفزاز ورعانهم وذلك باظهار مالديك من حلاو وشوكلااته طبعا هم بس يشوفونه يبدا الصياح
ويروح عند امه يصيح يبي حلاو انت تعالي بكل براءه وقولي وش تبي حبيبي؟
ولا قال ابي حلاو قولي ليت عندي واعطيك طبعا هو بيصيح عند امه صياحا مستمرا تعاف منه الجلسه
7_اذا عندهم اطفال تحت الرابعه حاولي انك تخرجين مالديك من العاب عرائس دببه والا طلبها رجعيها
بالدولاب واحملي الطفل لامه وهو يصيح وقولي مادري وش جا ولدك لا يكون اكل شي من الحوش وتسمم
8_اجلسي معهم ماسكة الريموت بيدك واقعدي قلبي في هالقنوات واثبتي على قناه فيها شي يبونه والا شفتيهم
مندمجين غيري القناه او العبي في اليرموت حتى تخرب القناه
9_اذا فشلت كل خططك وشفتيهم مصممين على الجلوس اكثر حضري العشا بسرعه وحبذا يكون العشا لذيذ
وبه كل الانصاف اللي تفتح النفس ويوم يبدأون الاكل اقعدي علميهم عن حادث
فظيع سمعتي عنه واوصفي لهم منظر الناس والدم والجثث
10_بعد العشا قومي بالتثاؤب يعني ان النوم ذابحك
11_اذا شفتي كل هالخطط فشلت وقررو النوم عندكم جهزي لهم مكان نومهم واصعدي لغرفتك وانتي تجرين
ذيول الهزيمه وافقدي الامل في الخروج من البيت وصفقيني لو قدرتي تنامين من القهررررررررررررررررررررر رررررر:(
تحذير رسمي:
كل هالكلام نفذيه في غياب اخوانك يعني ما يكون بالبيت الا النساء فقط حرصا على سلامتك اختي المواطنه:بفكر:
رد مع اقتباس
