كيرلا .. فآتنة الهند ..

[( وجـه القمر )]

السلام عليكم ورحمة الله وبركاته

كل عام وانتم بخير
ورمضان مبارك على الجميع

كيرلا
فاتنة الهند
جنة الله في الأرض
منطقة اللي يشوفها يكون شاف تلاتة ارباع جمال الطبيعة في العالم
لا تتمالك أمام جمالها الا انك تردد ( سبحان الله )

هي ولاية استوائية تقع جنوب الهند بها العديد من المدن .. التي تتنافس في جمالها وسحرها
بدأت السياحة تزدهر فيها مؤخرا .. لكنها مازالت تحتاج للكثير الكثير لتصبح من أشهر الأماكن السياحية في العالم
وربما كان عدم الاهتمام بالسياحة هو سر الجمال .. لأنك ترى فيها الطبيعة البكر ..

أبدأ في سرد تقريري .. لذا سأزيح الفصحى جانبا

وأرجع للهجتي .. عشان آخد راحتي
وبما اني التقطت اكتر من 1500 صورة .. سار لازم اقسم الموضوع لحلقات أو محطات عشان اصنف الصور واختار افضلها من جوالي >> نسيت الكاميرا معلقة على باب السيارة اللي وصلتني المطار .. وما اتذكرتها الا وانا في الطيارة .. وبغيت ابكي من القهر

ماكانت الهند أبدا في قائمتنا .. وما كان السفر اصلا في بالي .. كنت ادور في النت عن افضل الاماكن السياحية عشان ماما وبابا .. وسمعت اسم كيرلا مدري فين .. وسويت بحث .. وطلعتلي صور تبكِّي .. ومن وقتها شبطت فيهم .. وقلت مالي شغل .. بسافر معاكم يعني بسافر معاكم .. والا اروح الجوازات ادعي اني هندية متخلفة .. وخليهم يسفروني

طبعا خافوا أسويها .. فأخدوني معاهم .. وعشت الحلم

خططنا للرحلة عن طريق مكتب .. كنا خمسة .. أب وأم وتلاتة أطفال .. عفوا قصدي أبناء خخخخ
وللأسف كان قرارنا متأخر فما لقينا حجز الا على شركة هندية نسيت اسمها .. أظن ( جت إيروايز ) .. والعودة على السعودية .. وكلفت التذكرة الوحدة 2600 ريال .. علما انها كانت قبل اسبوعين من حجزنا وشراءنا للتذاكر بين 1900 و 2300 ..
وكان خط سيرنا كالتالي :
كوتشي
مونار
تكدي
كوماراكوم
إلبي
كوتشي
السعودية

وجا اليوم المنتظر .. وحركنا من الطايف على جدة ..
وركبنا الطيارة ..
وبعد تقريبا 5 ساعات وصلنا مطار مومباي اللي عرفت بعدين انو هيا نفسها بومباي
ولما وصلنا .. لقطت صورة مالها داعي .. بس ما كنت حارتاح لو ما أخدتها :)
وانتبهت لحاجة .. انو حظنا في المقاعد مرة مو حلو .. دايما مقاعدنا عند الجناح .. مهما كان رقمها .. ليش وكيف .. مادري !!!!
26 عند الجناح .. 32 عند الجناح .. 45 برضو عند الجناح .. مدري هما يحركوا الجناح ويجيبوه عند مقاعدنا والا ايش الحكاية



واتلطعنا هناك حوالي 8 ساعات .. واتمرمطنا مرمطة .. لدرجة نمنا على كراسيهم المتواضعة .. وفوقها اتأخرت الرحلة لكوتشي تقريبا ساعة
المهم اننا في الأخير ركبنا الطيارة وشويات واحنا في كوتشي أو كوتشين .. محطتنا الأولى

[( وجـه القمر )]

المحطة الأولى : كوتشي أو ( كوتشين )

استقبلنا ( سونين ) سواق الرحلة عند المطار .. كان وصولنا العصر أظن .. مشينا على فندق ( هوليدي إن ) .. كان رائع ومريح وجديد صارلو 3 أشهر تقريبا اشتغل .. وهادي صور للفندق ..



والغرفة



ديمة نايمة بعد التعب



تاني يوم .. وبعد الفطور الراقي في مطعم الفندق .. بدأنا جولتنا ..

وشفنا في الطريق اول منظر طبيعي أخضر



رحنا شلال ( أثيرابلي ) .. شلال كبير وقوي ذكرني بشلالات نياقرا - بس على أصغر طبعا - خخخخ

قبل المنتزه اللي يودي ع الشلال .. شفنا منظر للشلال من بعيد .. وصحت انا من الفرحة .. واقول للسواق وقف ابغا اشوف .. قلي طيب اهدي .. قدام شوية نروح جنب الشلال .. بس انا اصريت اني انزل واصور .. ونزلت .. وما ندمنا أبدا ع الوقفة .. وكانت النتيجة الصور دي ..





عند مدخل المنتزه اللي يطل ع الشلال قابلنا عيلة سعودية .. صاروا يقولولنا ننصحكم لا تنزلوا .. والله مرررررة تعب
سألناهم طيب يستاهل التعب والا لأ ؟؟ قالوا والله يستاهل .. قلنا اجل والله بننزل
واحنا فنص الطريق .. قابلنا عيلة تانية .. الحرمة تقول لماما والله مررررة تعب .. بغينا نموت الين ننزل ونطلع ..

كويس اننا ما اتأثرنا بكلامهم .. والا كان فاتتنا المناظر دي ..







ونزلنا لأسفل الشلال .. من طريق متعب جدا وبالذات في الطلوع .. بس كانت التجربة تستاهل .. وصلنا لأسفل الشلال .. وكانت في أشجار كثيفة تحجب رؤية الشلال من الأسفل .. ومن قوة الموية .. كان رذاذ الموية الصادر من الشلال لما يصطدم بالأرض عامل تيار هوا قوي مع .. فلما نوقف مواجهين للشلال يجينا هوا قوي على وجوهنا مع رذاذ موية بااااردة .. يالله شعووور ما ينوصف .. سبحان الله


خرجنا غرقانين من المطر ومن موية الشلال .. ورحنا لشلال تاني نسيت اسمو .. أصغر بكتير من الشلا الأول .. بس روعتو اننا نكون قريبين منو .. ويوصلنا التيار المصحوب بالرذاذ ..





وعجبني الكشك دا على مدخل منتزه .. لفتني السقف



ورجعنا البيت تعبانين وهلكانين وغرقانين وبردانين .. بس مع كل دا مبسوطييييين ع الآخر .. ونردد .. سبحان الخالق

ونمنا استعدادا للجولة القادمة في مونار






وللحديث بقية

[( وجـه القمر )]

عذرا .. التصوير مرة تعبان

وكل ما اشوف الصور .. انقهر ع الكاميرا اللي نسيتها هنا :(

بس ان شاء الله انها تنقل لو شي بسيط من الجمال الساحر اللي انا شفتو

انتظر تعليقاتكم .. عشان اعرف اكمل والا لأ :)

[غـــربة الــروح]

كيرلا يا كيرلا

ايش هالمناظر الخلابة

قلت لك بدخل وانشغلت وتعرفين ليه

لكن قلت ما عني وعن كيرلا بروح اشوفها وارد على قمري

اولا

مغامرين كيف دخلتوا بين الاشجار

ما جاكم شي من هنا والا من هنا

لو انا صلبت مكاني وخليتهم يروحون ويجون يلاقوني انتظرهم

بلا شلال بلا يحزنون وبعد مرتفعات ممكن ازلق

بس بصراحة مناظر رهيبة وطبيعة خرافية

خلاص

مثل ما خبرتك شكلي بروح ضيفة هناك هههههههههههههههههه


ابدعتي قمري

وتصويرك رائع لا تتعذرين

فيه شي تطرحينه مو حلو

الله يعطيك العافية حبيبة قلبي

وانتظر الباقي والا السجن ينتظرك

[( وجـه القمر )]

هلا والله بأم رعد

أحلا مافي موضوعي إنك أول وحدة رادة :)

أي مغامرين .. كان نفسي من جد أدخل غابة حقيقية وأشوف النمر وهوا يفترس غزالة خخخخ
بس ربي ما كتبلي .. وأصلا غاباتهم كلها اللي نشوفها في الطريق مالها مداخل .. مدري كيف يدخلوها

روحي يا أم رعد اكسبيها قبل ما تصيري جدة ومعد تقدري تتحركي من جنب احفادك :)

وشكرا ع المجاملة بخصوص الصور :)
نورتي والله ياعسل

[أبوعبدالرحمن]

متابع لتقريرك يا وجه القمر

وفعلا ولاية رائعة وجميلة جدا

وصراحة الشلال هذا يستاهل من يزوره لكن للاسف ما دريت عنه إلا من تقريرك الان

ننتظر تكملة التقرير

[( وجـه القمر )]

مرحبا مديرنا أبو عبدالرحمن

فعلا ولاية ساحرة

بس الشلال دا بعيد عن كوتشي .. قطعنا المسافة في ساعتين تقريبا .. عشان كدا مو كل السواقين يقولوا عليه
بس الحمدلله حظنا في السواق كان حلو :)

نورت التقرير يا ابوعبدالرحمن
وانتظر زيارتك في المحطات القادمة

[كاسب العز]

وجه القمر

الحمدلله على السلامه وشهر مبارك على الجميع

تقرير رائع جداً

مناظر سبحان الله الخالق صحيح جنة الله في ارضه

ننتظر باقي محطاتك بتوفيق يارب

[( وجـه القمر )]

الاستاذ كاسب العز

الله يسلمك .. ويتقبل صيامك وقيامك

شكرا لمرورك

نورت التقرير
وانتظر زيارتك في المحطات القادمة

[مفرح بن مناحي]

منظر حلو جداااا


وصراحة لازم نحاسب بشير السواق لأنه ما ودانا له هههههههههههههاي


للأمانة شلال خرافي سبحان الخالق


مشكورة يا وجه القمر

[غرام المشاعر]

يعطيك العافيه اختي على التقرير الرائع

سبحان الله
طبيعه رائعه وتفتح النفس

تسلم إيديك على اللقطات الجميله

[( وجـه القمر )]

منظر حلو جداااا


وصراحة لازم نحاسب بشير السواق لأنه ما ودانا له هههههههههههههاي


للأمانة شلال خرافي سبحان الخالق


مشكورة يا وجه القمر

ايوة صراحة لازم تحاسبوه .. فوت عليكم نص كيرلا

من جد سبحان الله

نورت المكان استاذ مفرح

[мαηѕoя]

--





دآيم أسئل أي هندي نجيبه جديد .. أقول له :
أنت من ( كيرلآ و لآ من مدراس و لآ من دلهي ) مسوي عليهم فاهم
و أنا مآ أعرف عنها إلآ أسآميهآ ~
بس الجد العمال الي يجو من مدرآس و دلهي يكونون ( سنعين )



المهم :

الحمد لله على السلآمه على أنهآ متأخره > أهم شيء نقوم ب الوآجب

تقرير طيب جدا ً و ب أنتظآر المزيد منك ،
وآصلي طرحك و لك ِ كل التقدير و الشكر مقدما ً

[شقاوي 2008]

كملي وجه القمر والله داخله معك جو انا اموت على الطبيعه بس اخاف من المرتفعات يسلموووووووووووو

[( وجـه القمر )]

يعطيك العافيه اختي على التقرير الرائع

سبحان الله
طبيعه رائعه وتفتح النفس

تسلم إيديك على اللقطات الجميله

اهلين غرام

والله تفتح النفس بقووووة :)

الله يسلم قلبك ياعسل
نورتينا