[align=center]بسم الله الرحمن الرحيم
السلام عليكم ورحمة الله وبركاته
مساء / صباح الخير جميعاً
أحياناً تكون لديك فكرة تريد أن تضعها في قالب شعري (قصيدة)
ولكن تجد أنك في أقل من سبعة أبيات أكملت الفكرة وهذا ممايجعل نشرها
فيه إحراج شيئاً ما ولكن أنا هنا أريد أن أشارككم بعدة أبيات على هذا النحو، وكلي أمل أن تحوز على رضاكم جميعاً. [/align]
[align=center]الأولى [/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تعثرت يوم أن الغضي بالعيون أشّر = وخفت الرموش العكش لاتجرح البشّره
لقح بك خفوقي حب من قبل ماعشّر = وسهجني غرامك كن في راسي الوشّره
على قولت أبن سمير ياليتك مدشّر = حرامً علي لاصير عشره على عشّره
الياوحيت صوتك كني بشوفك مبشّر = واليا شفت زولك لاحدً يالربع يشّره
لو انك تجي بالغصب ماكد قصرت الشر = لو ان العرب قالو لي فلان ياقشره[/poem]
[align=center]
الثانية[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياعنبرة شرق البلد مالكم كتح = وغياب شخصً مثلكم مايعوّض
من ناحية صكت علي قلت الوتح = ومن ناحية شخصً عليكم مفوّض
من دونكم بيبان ماتقبل الفتح = ومن دونكم سبعً ولاهو مروّض
شهلولكم ماتضهره خبرة المتح = والنفس ماتقبل هماجً مخوّض
الله يعوض بالقواطر عن اللتح = لو أن ذاك بذاك ماينتعوّض[/poem]
[align=center]
الثالثة[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
نظرات عيني سببت لي كسافه = يعزالي أقصد كل ماشفت عينيك
قصيدي اللي فيك ماهو حسافه = والله عطاك الزين وشلون ماعطيك
شعرً من أسبابك تحديت قافه = تزهاه يازين الوصايف ويزهيك
والله يالولا الحيا والمخافة = من واحدً ياداعج العين حاليك
أني بعمري لاستحل اللقافه = وأقضي حياتي كله أكتب شعر فيك [/poem]
[align=center]
الرابعة[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مقفلن يالهاتف اللي طلبناه = كيف أنت ياراع الجهاز المقفل
متطفل ٍ يبغى من علومك أتلاه = نبي على تال العلوم تنطفل
مغفلً عن وصل غيرك ولاماه = الا وصالك عنه ماهو مغفل
مجفلٍ عن ماردٍ منت بحماه = عن وصل غيرك يم وصلك مجفل
متنفلً بالوصل لاشيء يحداه = ليتك مثل خلك بوصله تنفل [/poem]
[align=center]الخامسة[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
واقلبي اللي سبب فرقاك متثقب = واعيني اللي يخونه منظرٍ ثاقب
يروح يومي لوصلً منك مترقب = ويروح ليلي وأنا لنجومه أراقب
أنا بمجنون حبك صرت متلقب = وأنا وطير السعد وياك متعاقب
الا لياشفت عينك وانت متنقب = أضيع فرحه ولايلقاني الناقب[/poem]
[align=center]كلي أمل بإن لاأكون أطلت عليكم.[/align]