[align=center]مساء الخير يا حلوين
ياحبايبنا الكرام من زود حبي لكم
أبيكم دايم مبسوطين وفرحانين مثلي يعني
(قولوا ما شاء الله)
وحبيت أعطيكم نصائح من القلب للقلب
يا حبايبي دائما نقلق على أشياء بسيطة جدا
مالها أي قيمة بس من زود دباشتنا نخليها كبيرة
ونقلق علشانها
ولو خليناها تعدي وتمر مرور الكرام كان نسيناها على طول
يمكن تقولون وشي هال أشياء
أجيب لكم مثال عن الحريم (النساء)
بعض الحريم إذا كانن جالسات مع بعض من كثر القرق (الكلام)
لازم يكون فيه كلام غلط أو وحده تغلط على ثانية
مثال تقول وحده لوحده:
بلوزتك أو تنورتك شكلها رخيصة ماهي ماركة
تقولها بعفويه من غير حقران للثانية
بس الثانية تحطها برأسها وما تخليها لها
وتقعد تفكر وشلون ترد عليها
وتتخيل إنها تقوم وتأخذ البيالة وتصنها (تضربها) مع الراس
وأنها تقولها أنتي اللي بلوزتك زي وجهك وذوقك شين (وع)
وتبدأ الأفكار تأخذها وتجيبها
ويضيق صدرها ولا تنبسط في العزيمة (المناسبة)
ويمكن تدق على زوجها أو أحد إخوانها ويوديها للبيت
حتى تغير ملابسها (زي ماسوت وحده تقرب لي)
وكل هذا بسبب كلمة قالتها وحده يمكن تكون أقل الموجودين
بس هال كلمة صارت قبة عند صاحبتنا وهذا غلط...
ومثال ثاني للرجال أو الشباب الحلوين مثلي احم احم
يكون الواحد راكب في سيارته ويمشي ماله من الشر طريق
مايدري إلا واحد خاطم عليه (يقطع أمامه)
بدل انه مايطنش ولا يهتم بالشيء هذا
نلقاه يقنع نفسه بأنه لازم يحمق ويعصب عليه
وبعدها يتخيل انه ينزل ويتهاوش معه ويتضارب
ويخليه يشوف نجوم الليل بعز الظهر
وكل هذا وهو يفكر وفي خياله
وبعدين يروح لأصدقائه ويقولهم عن اللي خطم عليه
بدل ماينسى هال موقف نشوفه صار سلفه
صح أو لا
كثير منا يفكر هاتفكير
بس بدل ذلك ليش ما نطنش ونتبع المثل العامي اللي يقول
(طنش تعش تنتعش)
ونخلي اللي يخطم علينا يروح في حال سبيله وننساه
وليش ما نتركه يصدم في مكان ثاني؟؟؟
ونعطف عليه ونتذكر المشاكل اللي راح تجيه
من هالعجلة الزايدة
وبكذا راح نرتاح ونبعد عن المشاكل وهذا مو إنهزامية من جانبنا
بل هو الذكـــــــــــــــــــــ ـــاء
إخواني فيه كثير مثل الأمثلة والأمور الصغيرة في حياتنا
بس الواجب علينا مانقلق ولا نتضايق من الأشياء الصغيرة
فكثير من الناس يتعبون وتروح طاقتهم بالقلق من الأشياء الصغيرة
فياحبايبنا عيشوا حياتكم وخلوا قلبكم كبير
راح تكونوا عطوفين ورومانسيين
وانتم ماتدرون
جربوا وراح تشوفون
مـــــــــع الســـــــــــلامــــــــ ـــــــــــة
*المـســـــــــــــــــــ� �ـــــــافـــــــــــــــ� �ـــــــــر*[/align]
رد مع اقتباس
$$$جيتك وقلبي فوق كفي لك هدية$$$
