السلام عليكم
البارح كنت جالس في الصاله ومعاي شباب اغلبهم من اهل المنتدى
فيهم واحد صوته ماشالله عليه حلو لكن للأسف مو مقدر صوته....
طبعا انا تقريبا من سنتين وانا اقوله صوتك حلو ومو مصدق
وساعات كان يدندن بصوت خفيف وكنت اتعذر اني مثلا يعني مضيع تلفوني وقاعد ادور عليه جنبه وانسجم مع صوته (حلوه انسجم)
وساعات اقصر التلفزيون واسوي روحي اتكلم بالتلفون لان اذا طالعته مايكمل
البارح للأسف صادني ههههه
كان يغني عن الغربه وفجأه ماكمل هواش انا معاه عشان يكمل
لكن للأسف مامن رجى :مدري:
انا كتبت هني على شان يشوف الموضوع ويعرف اني جاد بكلامي ولدام صار في شات صوتي بالمنتدى انشالله بقنعه يسمعكم صوته......
ملاحظه: ترى حطيت الموضوع هني لأني احترت وين اوديه صارلي ساعه افتر فيه تقول مطلقه
يعني لا تحسب اني حاطه هني للأستهزاء في موهبتك
:نأ: