[align=center]بعد التحيه و المزيد من التقدير
اضع بين يديكم هذه الابيات ارجو تقبلها [/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياأحمد السكران راحت تحسب عيوني خطاها =راحت و خلت معايه كل جرحاٍ من سببها
حملتني فوق حدي يوم شافت بي غلاها=و اشعلت بالقلب نارً خلت اضلوعي حطبها
صورت لي حبها جنه و لا شخصٍ لقاها=و قالت انت بجنتي بس الوحيد اللي كسبها
عشت من جرحاٍ لجرح و خطوتي تركض و راها =ما خشت من غلطةٍ يا خذ جزاها من حسبها
انتقد فيها الخطاء ثمً تعمّد في خطاها=و الخطيه لجل قلبي عمد قامت ترتكبها
وش هدفها من جروحي و الا وش هو مبتغاها =او تظن اني سجين الخد و الا في هدبها ؟!
انتهى صبري و قلبي كل فرصه به عطاها =لين كمل عدّها يا احمد و مللني نشبها
و الله اني ما نويت الصد و لا قلبي نساها=ودايمٍ اطلب رضاها لو يتعبني طلبها
خلها تعرف بانه ما يقيدني حلاها=و خلها تعرف بانه ما يسليني طربها
كل سلعه راضيٍ بعيوبها منهو شراها =و الجحيم يحس في كوية لضاها من قربها
خلني يا احمد و حيد و لا ابي منها رضاها=و قلها تجلس تعيش اطلال حبٍ قد سلبها
كانها غلطة زماني يوم قرب لي مداها !=منهو اللي جا لها من واقعي ثمً نهبها ؟
راحت و ماتت بعدها كل ورده في ثراها =و انتهت قصة غراماٍ تو شعري ما كتبها
اخفي همومي و لكن يتضح فيني لظاها=شاب راسي يا بو ناصر من لضى ساعر لهبها
لو سئلت رمال نجدٍ منهو اللي قد سقاها ؟=جاوبت لك زايد الروقي من دموعٍ سكبها
خلني برحل ولو تبطي جروحي في شفاها=برتحل عنها و ابترك دارها و انسى عربها
برتحل في نجد يمكن اتسلى عن هواها =و اشتكي لرمالها لين البحر يسمع غضبها
وخلني بسهر عيوني من دموعي في بكاها =لين يعجز كل قاعي عن دموعي ما شربها
ضاق بي جو القصيم و ضاق بي حتى فضاها=حين مر الوقت كل افراحي قلبي لي سلبها
ان سمعت بموتتي يا احمد مع من روحي نعاها =خبر اللي كل صوتٍ بي تردد ثم ندبها
بانني ما خنتها صابر و لا اشكي شقاها =و اتجاهل كل دلوعه تقرب لي بادبها
ابتدأت قصة عذابي زاد جرحي في عناها=و انتهت قصة غرامي و انتهى حبٍ لعبها[/poem]
[align=center]وسلامتكم جميعاً[/align]
رد مع اقتباس
-new.gif)
