سلام عليكم ورحمة الله وبركاته
اسعد الله جميع اوقاتكم ...ولكم هذه المتواضعه بعد طول غياب ارجو قبولها
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الطير تقديره على العين والـراس=اقـدره واعطيـه كامـل حقوقـه
لقيت في نقلـه معـزه ونومـاس=الوافي اللي مرهيـن فـي لحوقـه
هجر الكراع محضب الريش قرناس=راكد على التكاي تومـي سبوقـه
طوله وعرضه مستوي ماله اجناس=المقفيه لـو عزمـت مـا تعوقـه
اشقر ولونه فيه من لمعت المـاس=على شعاع الشمس تلمـع دقوقـه
كف حرش مخالبه مثل الامـواس=لاكوبـر الحفـال بـت معلـوقـه
اخذتبه في نجد سجـه ومـرواس=يشوقني فعلـه وصوتـي يشوقـه
اسمه على عطب المضاريب عفاس=شيخٍ ليا شاف الخطر حـل فوقـه
عفاس رمزٍ للشجاعـه ونبـراس=يوم الزمان يشق يرفـى شقوقـه
فعايلـه تشهدلهـا قـب الافـراس=تصعب على كل النشامـا طروقـه
اليا تعزوى عزوته ترهب النـاس=كم كبد شيخٍ من عـداه محروقـه
يوم القنى والسيف والدرع والطاس=ترعى الخطر في دار الاجناب نوقه [/poem]
رد مع اقتباس
