،
،
،
السلام عليكم ورحمة الله وبركاته،،
وأسعد الله أوقاتكم بكل خير
قصيدة من عبق الحاضر بسبب عبق الماضي :)
ياحي من يكتب وياحي هالقاف
قافٍ بتالي الليل هيض شجوني
مثل المطر وصلك لو سنيني عجاف
وصلك حيا ياحي منك المزوني
حياك دام القلب لك دوم مضياف
وصلك جواب ان قيل لي ويش لوني
يافرحتي ياللي مابعدك تحسّاف
لاصرتي بقربي همومي تهوني
وليا فقدتك آه عاشق ومنلاف
حتى الفرح يطغى عليه الحزوني
والله احبك حب يسمع وينشاف
ويحس فيه وتهتويه الظنوني
حبٍ من الله مادخل به تكلّاف
قلبي واعرفه لاعشق مايخوني
ياحظ قلبي فيك لو غيري آلاف
وياحظك بقلبي كثر من يبوني
وسلامتكم،،،
رد مع اقتباس
