الشاعر نــاجي الــصقـار ولا شي
.
الشاعر نــاجي الــصقـار ولا شي
مع موسيقى
https://www.youtube.com/watch?v=J2u3TptasaM
..
..
بدون موسيقى
https://www.youtube.com/watch?v=c6iGoCtxL8w
.
[IMG][/IMG]
.
.
ولا شي
ما تدري إني في غيابك ولا شَي..وما شوف من حولي سوى ذكرياتك
لوَّعتني يا زين وأسرفت بالغي ...... ماحدٍ يسوي في حياتي سواتك
ولا طب نافع في علاجي ولا كَي..جسمي نَحَل والروح راحت تلاتك
مكتوب ومقدر لغيري ولا لَي ...... ليته ولا ذاق الحلا من شفاتك
بالعين والدوحه وعجمان ودبي ...... كل العذارى قلدوك بصفاتك
وفي سوق واقف يوم إجيتك برجلي .. تمشي وتذبحني بخفة عباتك
ما شافت عيوني ولا مثلها زَي ..... تبرز معالمها من مواصفاتك
سبحان من سوى الخصر ملويٍ لَي .. متلوّع ومحروم من مغرياتك
مشتاق الك ولهان وارحمني شوي .. عيني ولا شافت بشر في حلاتك
ومالي رفيق ولا خليلٍ ولا خَي ..... ولالي بديلٍ عنّك إلا انت ذاتك
أشعلت نيرانك والأشواق بيدي .... وبين الظلوع النار شبّت غلاتك
أطلب تمناني وانا حاتم الطّي .. لو تطلب الروح رخصت لك وجاتك
ولاني بميت في غيابك ولا حَي .. باقي على عهدي وحافظ وصاتك
ومابي عذر منك ولا قولة خطي .... وشلون متهني وعايش حياتك
...؟
الشاعر ناجي الصقار
.
رد مع اقتباس
