التعاليل

[سعد بن فراج العريدي]

[align=center]الله يمسيكم بالخير والرضى

يسعدني مشاركتم هذا المساء


التعاليل[/align]



[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لا والله الا زان نظـم التماثـيـل=يوم ان فكري للسهرشـد حيلـه
تزين مع نظم القصيـد التعاليـل=دام الشتاء ساعات ليلـه طويلـه
في وسط بيتً للنشامـا مداهيـل=امثولثً يشـدي سـواد المخيلـه
مالي نديم الا القلـم والمعاميـل=ونـارً سناهـا للمضيـع دليلـه
أسري مع الهاجس واجر المواويل=وانقى جزيل القاف واترك هزيلـه
الله ولا منـة رخـوم الرياجيـل=ضعوف النفوس مشاورين الحليله
طرت علي بيوت من يتعب الخيل=الشيخ ابن حثلين حـام الدبيلـه
ياليت في بعض الرياجيل تبديـل=ياليت في بـدل الرياجيـل حيلـه
الرجل لا ضاقت عليـه المداخيـل=يزبن على اللي ما يخيب دخيلـه
الواحد المعبود منشـي المخاييـل=سبحان من مدات جـوده جزيلـه
والعز تشريه القـروم الحلاحيـل=ونفسً ترجى غيـر ربـي ذليلـه
ويازين ياللي تكحل العين بالميـل=شومي عن اللي يكسبون الفشيله
لا يخدعك طول اللحى والازاويـل=المرجله ماهـي بهـرجً وزيلـه
القصر ما عذرب عريض السراويل=والجرم ما فاد النسـور الهظيلـه
المرجلة عد ٍ صعيـب المناويـل=يقدر عليها مـن يشيـل الثقيلـه
تبغى رجـالً باللـوازم مشاكيـل=وتصعب على راع اليمين البخيله
اللي يصر القرش بالصبح والليـل=متنومسَ حتـى الحـرام يعديلـه
ما يدري ان الوقت مثل المحاحيل=واللي على متنه يسجل حصيلـه
ولا يدري ان الموت ماله مراسيل=اللـي يفاجينـا بغـارات خيلـه
والموت ما عقبه سلام وتساهيـل=الا الحسـاب بدقهـا والجليـلـه
في ساعة فيها العجب والتهاويـل=راع البنوك بجنـب راع البليلـه
يالله عسانا من جزال المحاصيـل=وشفيعنا الهادي رسول الفضيلـه
دنياً غثاها بيـد الحـال والحيـل=اقفت على قـوم ً تعـن الاصيلـه
اهل الكرم واهل السيوف المصاقيل=واهل العوايـد كاسبيـن النفيلـه
اللي تقك الـذود وتعـدل الميـل=والحمل لو هـو كايـدً ترتكيلـه
وستر العذارى لابسات الخلاخيـل=يوم الردي يسبرمحـارم زميلـه
على النقا ما يشركون المحابيـل=والكل منهم مـا يخـون بعميلـه
تاريخهم تاج ً على هامة الجيـل=باقي على مر السنيـن الطويلـه
لو كان ما عشته خذيت التفاصيل=من مجلسً شيبان ربعـي تجيلـه
وصلاة ربي عد ما يجري السيـل=على الذي حارب جيوش الرذيلـه [/poem]


[align=center][align=center]سعد بن فراج العريدي[/align][/align]

[محمد الروقي]

صح لسااااااااااااااااانك

الى رضااااك تقبل التقدير والاحترام

[النوري]

طرت علي بيوت من يتعب الخيـل
الشيخ ابن حثليـن حـام الدبيلـه{هل هي القبيله؟


سعد بن فراج العريدي

حي الشعر والشاعر الجزل

صح لسانك


تقبل تقديري والشكر

[احمد مناحي]

سعد بن فراج العريدي

هلا بك وغلا

صح لسانك الى رضاك

قصيده كامله متكامله بناء ومعنى وكل شي ..

شاعر جزل وقصيدك وافي ..

مبدع الله لايضرك

تقبل مروري

[خالد0الروقي]

الاخ سعد بن فراج
صح لسانك مليون
تقبل مروري

[نـواف الشمــري]

الله يمسيك بالرضا والسرور




مرحبا ملايين يبو فراج




وصح الله لسانك ولا هنت




تقبل مروري المتواضع

[محمد الدغيري]

جزيل يا الغالي


صح لـ سانكـ
وبيض الله وجهك


انتظر ابداع قادم قريباً


تحيه عطره

محمد

[سعد بن فراج العريدي]

صح لسااااااااااااااااانك

الى رضااااك تقبل التقدير والاحترام

صح بدنك

واشكرك على مرورك الجميل

تحياتي

[خــــالـــــد]

[align=center]
سعيد العرادي
ـــــــــــــــــــــــــ ــــــ
صح لسانك واعتلا شانك أخوي

وتسلم يمينك على القصيدة

لاهنت يالذييب
ـــــــــــــــــــــــــ ــــــ
أخوكـ/خالد
[/align]

[عبد الرحمن مازن العطاوي]

[align=center].
.

الله ولا منـة رخـوم الرياجـيـل
ضعوف النفوس مشاورين الحليلـه
طرت علي بيوت من يتعب الخيـل
الشيخ ابن حثليـن حـام الدبيلـه
ياليت في بعض الرياجيـل تبديـل
ياليت في بـدل الرياجيـل حيلـه
الرجل لا ضاقت عليـه المداخيـل
يزبن على اللي ما يخيـب دخيلـه



عزالله قصيدةٍ جزله ياسعد
وصح لسانك ملاييين ولاهنت
تحيتي لك

.
.[/align]

[عبدالله بن زيد]

سعد بن فرراج

تلعب بالالفاظ

وكأنك ساحر والفاظك السيرك

كنت أشك وزاد يقيني بعد قصيدك
انه من اراد توظيف المفرده
ان كان شاعرا سيستطيع

والموت ما عقبه سـلام وتساهيـل
الا الحسـاب بدقـهـا والجليـلـه
في ساعة فيها العجـب والتهاويـل
راع البنـوك بجنـب راع البليلـه


تقبل مروري
أخوك : عبد الله بن زيد

[سليمان الضويحي]

صح لسانك اخوي

وبيض الله وجهك

[فهد الشمري@]

[align=center]صح السانك اخوي[/align]

[مفرح بن مناحي]

صح لسانك يا أبو فراج

قصيدة جزلة ورائعة

لله درّك

وبانتظار جديدك

[سعد بن فراج العريدي]

لا والله الا زان نظـم التماثـيـل=يوم ان فكري للسهرشـد حيلـه
تزين مع نظم القصيـد التعاليـل=دام الشتاء ساعات ليلـه طويلـه
في وسط بيتً للنشامـا مداهيـل=امثولثً يشـدي سـواد المخيلـه
مالي نديم الا القلـم والمعاميـل=ونـارً سناهـا للمضيـع دليلـه
أسري مع الهاجس واجر المواويل=وانقى جزيل القاف واترك هزيلـه
الله ولا منـة رخـوم الرياجيـل=ضعوف النفوس مشاورين الحليله
طرت علي بيوت من يتعب الخيل=الشيخ ابن حثلين حـام الدبيلـه
ياليت في بعض الرياجيل تبديـل=ياليت في بـدل الرياجيـل حيلـه
الرجل لا ضاقت عليـه المداخيـل=يزبن على اللي ما يخيب دخيلـه
الواحد المعبود منشـي المخاييـل=سبحان من مدات جـوده جزيلـه
والعز تشريه القـروم الحلاحيـل=ونفسً ترجى غيـر ربـي ذليلـه
ويازين ياللي تكحل العين بالميـل=شومي عن اللي يكسبون الفشيله
لا يخدعك طول اللحى والازاويـل=المرجله ماهـي بهـرجً وزيلـه
القصر ما عذرب عريض السراويل=والجرم ما فاد النسـور الهظيلـه
المرجلة عد ٍ صعيـب المناويـل=يقدر عليها مـن يشيـل الثقيلـه
تبغى رجـالً باللـوازم مشاكيـل=وتصعب على راع اليمين البخيله
اللي يصر القرش بالصبح والليـل=متنومسَ حتـى الحـرام يعديلـه
ما يدري ان الوقت مثل المحاحيل=واللي على متنه يسجل حصيلـه
ولا يدري ان الموت ماله مراسيل=طلاب دين ٍ ما يشاور عميلــه
والموت ما عقبه سلام وتساهيـل=الا الحسـاب بدقهـا والجليـلـه
في ساعة فيها العجب والتهاويـل=راع البنوك بجنـب راع البليلـه
يالله عسانا من جزال المحاصيـل=وشفيعنا الهادي رسول الفضيلـه
دنياً غثاها بيـد الحـال والحيـل=اقفت على قـوم ً تعـن الاصيلـه
اهل الكرم واهل السيوف المصاقيل=واهل العوايـد كاسبيـن النفيلـه
اللي تقك الـذود وتعـدل الميـل=والحمل لو هـو كايـدً ترتكيلـه
وستر العذارى لابسات الخلاخيـل=يوم الردي يسبرمحـارم زميلـه
على النقا ما يشركون المحابيـل=والكل منهم مـا يخـون بعميلـه
تاريخهم تاج ً على هامة الجيـل=باقي على مر السنيـن الطويلـه
لو كان ما عشته خذيت التفاصيل=من مجلسً شيبان ربعـي تجيلـه
وصلاة ربي عد ما يجري السيـل=على الذي حارب جيوش الرذيلـه