بلادة أطفال الروضة مورتطني؟؟؟

[شموخ في زمن الإنكسار]

السلام عليكم ... وشلونكم ..

حبيت اعرض عليكم مشكلتي وهي انه أطفال الروضه ماعندهم حماس ..

ولايشاركون ولافي تجاوب منهم حتى الرد وراي مايردون ..

لدرجة إن مشرفة الميداني (التربيه العمليه) انتقدتني في هذا الشي ..

وردت السالفه على راسي لا وبعد تقول إذا استمروا على كذا احلمي بالإمتياز...

ابغى مساعدتكم كيف ممكن احمس الأطفال واخليهم يشاركون معي ..

علمنا بأن وسائلي في الشرح (مش بطاله ) ومتعوب عليها...

ارجوكم لاتبخلوا علي بأفكاركم.. معليش استحملوني توني عظمي طري...

السموحـــــــــــــــــــ ــــــــــــــه

وآسفــــــــــــــــه على الإطــــــــــــــــــــا لـــــــــــــــــــه

[سارهـ]

هلا حبيبتي

انا بقولك يالغالية

ان اللي اشوفه في طالبات التربية العملي اللي احضر لهم


انها تتكلف في الوسائل التوضيحية جهداً ومالاً


ويغيب عن بالها أن المحور الأساسي هو المعلم وأسلوبه في اثارة الأطفال وشد تفكيرهم من نظراتك ونبرات صوتك


وان الوسيلة تكون مساعدة للمعلمة

[سارهـ]

هناك يا شموخ طريقة حلوووووة وسهله

في جذب الأطفال وتحفيزهم

إذا جاوب الطفل او شارك معك في الحلقة

كافئيه بشئ كنجمة في لوحة المتميزين ومن يجمع اكبر عدد من النجوم في النهاية البسية تاج من اللي يباع عند ابو ريالين


واذا كان عدد الأطفال قليل كافيئهم بإلصاق الستكرات على قمصانهم



ترى لها تحفيز قوي من ناحية التعليم ومن ناحيتك في حبهم لك

ولا تنسين انك تهملين احد من الأطفال اللي شاركوا

[شموخ في زمن الإنكسار]

مشكوووووووووووووره اختي ساره ....

الله يجزاك الخير... بس وشلون شكلها لوحة المتميزين هذي...

[لوريا]

هلا بك اختي شموخ

بالنسبه لمشكلتك ترى هي بسيطه جدا ،،،،،،،،،،؟؟؟؟؟ قولي ليه

من خلال خبرتي المتواضعه ومن خلال الأطفال اللي عايشتهم وكنت قريبه منهم حيل اكتشفت ان التحفيز عنصر مهم جدا والمديح الفعال لأمر قد يكون في نظر المعلمه بسيط لكن صدقيني بس طيري اي طفل يعمل اي نشاط بالهوى من المدح وراح تشوفين تفاعل الباقين معاك بشكل كبير لو حتى تمدحين ضحكته او حتى تفكيره وتركيزه معك وبعدييييين الهدايا البسيطه والله تخليهم شعله من النشااااط حاولي تعرفين وش اكثر شي يحبونه وحاولي قد ماتقدرين بأبسط الطرق التنفيذ جربي الطرق وردي لي خبر !!!!!!!!!!!!

انشاء الله لقيتي مرادك بكلماتي ولاتنسين طريقة التحفيز اللي قالت لك عليها ساااااروووونه وانشاء الله المشكله تنحل والأمتياز من نصيبك ولا تنسين ان لكل مجتهد نصيب توكلي على الله ولن يخذلك ،،،،،

اختك

لـــــووريـــا

[شموخ في زمن الإنكسار]

تسلمين اختي لوريا .. ومشكوووووووووورة على المرور..

الله يعطيك العافية .. ............وربي يوفقك في حياتك..