هذي اول مشاركه في شاعر العرب
[poem=font=",5,blue,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
بسم الله ابدا كلمتي واحكم كلامي واضبطه=في اول بدايه والنصوب اول مطرها رشرشه
اقرا الكتابه حرف حرف وكل حرفٍ بنقطه=واجمع حروف بلا نقط وتصير كلمه مدهشه
ما فيك حيله والدعاوي هابطه وملخبطه=قامت تدور الدايره وظروف بقعاء مدوشه
الناس تغزي بالكدايش والاصيل بمربطه=والعظم فيه عراش لكن ما لقا من يعرشه
ثورة قنوات الفضى غطت مجال الاشرطه=والشعر حكمه والحكم جارت عليها الدردشه
اضحت مشاعر كل شاعر شخمطه في شخمطه=حسبه تسوّق صورته في عارضات الاقمشه
هذا زمان الفبركه والدبلجه والمغنطه=والدهوله والبهوله والنقرشه والزرقشه
ان كان نصك ما يجمل شد صوتك واشحطه=حتى تنال اعجابهم مثل عليهم وارقشه
كم شخص يهفي ذمته ويقدم اللي يسفطه=لا صار يبغا زف الاطرش زف الاطرش بطرشه
لا خبط الماطور قش الراس عند المخرطه=وعقل البنادم كان خبط كود موته يقرشه
يا للعجب ياهل الادب ماني بحب المرمطه=احب مفهوم الحياه الراقيه والمنعشه
شاعر قديم ولي مجالي في جميع الانشطه=انحت وفاء شعري على صم الصفايح وانقشه
اطاء على البيدا بهون بمشط رجلي وابسطه=واعرف مداري فالسماء وابرح طريقي وابرشه
اخط خطي فوق تخطيط المخطط وخططه=وادرج مخطط كل خط يخططه لين اكفشه
وابني نمط شعر النبط حسب اتزانه ونمطه=على الصحيح ويمرض القلب المغشش بغششه
ان كان في هرجي غلط كلن محاسب بغلطه=وان كان بلشني مبلش جعل ربي يبلشه
مابه نجاح الاّ يقومون العداء في منشطه=ويشككون بموقفه ويكثرون الوشوشه
قيل الجمل ما يشتكي من ثقل حمله وشططه=والحر يشهر للمعالي والطيور معشعشه
واختامها ضاعت حقوق الاوسمه والانوطه=عن كاسبين المعرفه خذها كديشه ودبشه
صلوا على من لازمه وحي الكتاب بمهبطه=عليه صلى الله وسلم والعلوم منقرشه
[/poem]
رد مع اقتباس
-new.gif)
