الموهيم ..... اليوم ابي افش خلقي على قولت اللبنانين ...ابي اتكلم عن معاملة المدرسات المعقدات للطالبات ...
* في يوم من الايام اللي مضوا قعدت الصباح وتجهزت ولبست المريووول ورحت المدرسة ووقفنا في الطابووور وتفاجئنا بمعلمة تطـَـلّع بنت من الطابور ووقفت معاها قدام البنات توبخها وتصارخ بوجه البنت ..... تدرون ليش ؟! انا اقولكم ليش ..... قولي .... لان البنت صابغة خصلة من شعرها !!!!
* ولاّ في بنت فارقة راسها مفرق على شكل رقم ( 4 ) تجي المعلمة تتريق عليها قدام البنات وتقول لها " كأن في راسك زلزال "
* المدرسة اللي احنا فيها مشهورة بالنعل الاحتياطية ( اكرمكم الله ) , يعني البنت اللي جاية المدرسة بكعب عالي يخلونها تفصخ كعبها وتلبس نعلة قديمة ومقطعة .... وفي نهاية الدوام ترجع نعلتهم وتاخذ جزمتها !!!!!
* تخيلوا لدرجة انهم ( المعلمات ) بدأوا يذلون انفسهم ويقيسون طول الكعب بإيدهم ( الكعب لا يتجاوز الاصبعين فقط )
* ولا مرة من المرات في بنت بتتزوج وحنت رجلها وجت المدرسة وهي لابسة نعلة ( اكرمكم الله ) علشان ماتعرق رجلها ولاتصبغ الحنة عدل ... الموهيم ... يوم شافتها المعلمة قالت للبنت تفصخ النعلة اللي لابستها وتلبس نعلة ثانية من المدرسة !!!!
( وش هالتخلف )
وغيرها الكثير والكثير وهَـمّ بعد الكثير والكثير ... منها عدم لبس الخاتم والاكسسوارات الخفيييييفة وعدم لبس الجاكيتات ومشابك الشعر الملونة , يعني محددين ألوان معينة وهي الالوان الكئيبة " الاسود والابيض والبني والكحلي والرصاصي وبس "
كل هالمعاملات الصارمة من المعلمات ذات العقول المتحجرة والمتخلفة تركت اثر في نفوس البعععععععععض مو الكل ... البععض من البنات حتى انا فقدت اي رغبة في التزين ... حتى حسيت ان حالي حال العجوزة في كل شي
وماااااااا إن تخرجت من الثانوية حتى تنفست الصعداااااااااء ....فحسيت بالحرية واني انثى بكل معنى الكلمة واني شاااابة مو عجوزة وبدأت ألبس وأتزين واتمكيج (مأخوذة من المكياج ) واتبع الموضة واسوي اللي اسوي وما احد يقدر يمنعني ...
بس مااقول الا حسسسسسسسسسبي الله على هالمعلمات واللي على شاكلتهم اللي حطموا كل ذرة انوثة بداخل ....
هاااااه .... وشرايكم من هالمعاملات وهالاساليب .... ابي اشوف ردودكم ...
8
8
8
هذا والله مو كلامي ودي كل واحد استاذ أو طالب وكل وحدة تكتب مواقف المدرسات وتحكماتهم
أو بعض المواقف اللي تصير وأنا بقول موقف صار لي يوم اني كنت طالبة ...
يازين ذيك الأيام ..
مرة سويت مظاهرة بالمدرسة على أبلة ماتنادينا إلا يالحيوانات ولا دخلنا حصتها وطالبت باسم
البنيات أنها تعتذر ...
طبعاً يقولون إني أكلت ضربة من بكرة بس مشيت اللي براسي ..
رد مع اقتباس
