اولا
أحلف لكم بالله ياجماعة أني بحاله غريبة الحين وماأقدر أركز زين والله العظيم اللي شفته ويمكن اللي متزوج حاس بهذاالشئ
أن لحظات الولادة صعبه جدا وما أبالغ اللي يقول من سكرات الموت أهون شفت أختي اليوم وأنا معها وهي بالطلق الأول الساعة 11 بالتمام وجلست ماسكتن يدها وهي تشد على يديني وأنا أصيح عندها واقرى واسبح وأحط على اثمها الكمامه حقت البنج ويخف الألم ويرجع مرة ثانيه بسبب الطلق كان وراء بعض ياجماعة الأم فضلها عظيم قسم بالله معاناة معاناة معاناة
وبعدها الممرضات عندهم تعليمات مايدخل غرفة الولادة أكثر من شخص المهم تناوبنا مرة أنا وأطلع مره أبوي مره أم زوجها المهم صارت الساعة 1 بالضبط وقالوا ولادة وفعلا 1 وربع بالضبط سمعنا الخبر الحلو أنها جابت وليد جعله من مواليد الرضا والسعادة
ما أطول عليكم ولكن ياجماعة هذا إحساسي ووش أوصف لكم أكثر مهما عبرت مااقدر أوصف إحساسي
أمانه ياجماعة أمهاتكم انتبهوا عليهن تراهن ذاقوا المر
وطلعت الساعة 4 من المستشفى وكانوا بينزلون أختي للسويت
الله يعطيها العافية وسلامي لكل أمهات العالم
محبتكم
ياسميناااااااااااااااااا