[poem=font="Simplified Arabic,4,white,normal,normal" bkcolor="transparent" bkimage="backgrounds/22.gif" border="none,4,gray" type=2 line=1 align=center use=ex num="0,black"]
كل ما عديـت فـي راس المنيفـة=و إنعقد بالفكر جلسة و إجتماعـي
جلسة حساب النصيفـة بالنصيفـة=بين مجهود المطـوق و الذراعـي
نقسم اللي نطرحه واللـي نضيفـه= و نجرد المنتوج جرد أهل السلاعي
و نجتمع مثل إجتماع أهل الحليفـة=في سنة تسعين من عـام النزاعـي
إجتماعِ فيـه كـل رجـل ولفيفـه= جاب خطـة للهجـوم و للدفاعـي
حاسب حسـاب الثقيلـة والخفيفـة= و حاسيٍ ترياق لسمـوم الأفاعـي
و الكلام اللي رواه إبـن الحذيفـة=في كتـابٍ ألفـه إبـن الرفاعـي
من زمان الوالي و عصر الخليفـة= و عنونه بإسم الشجاع إبن الشجاعي
الرجل لا جاع مالـه غيـر سيفـه= إن جهم و اللا سرى مثل السباعي
و إن رجع لو ما لقى شقفة رغيفـة=السباع سباع لـو باتـت جياعـي
قالها يوم أوجس من الوقت خيفـة=يوم شاف الظبع تفرسـه الظباعـي
لعنبـو طيـرٍ يحـول يـم جيفـه= و لعنبو رجلٍ يطيـع ولا يطاعـي
و لعنبو وقتٍ يغـر النـاس ريفـه= لا صفق بالضيق من عقب الوساعي
باير الخلق إستوى به مـع شريفـه= و لابقى للطيب طلاب و مساعـي
ومن بغى الميراد مع خط الحتيفـة=لا يسير و باقي من الناس واعـي
الحرار تحـوم و عيـون العسيفـة=بالسطول و لا تمـادى بإرتفاعـي
و ما عزيز النفس مثل أبو الضعيفة=والصميدع مـا يقـارن بالرعاعـي[/poem]
رد مع اقتباس
المشاركة الأصلية كتبت بواسطة فهد الروقي
