في غربتي

[مي العقيلي]

في
غربتى
مانى بمرتاحة البال
[poem=font="simplified arabic,5,black,bold,normal" bkcolor="transparent" bkimage="backgrounds/5.gif" border="double,4,deeppink" type=2 line=0 align=center use=ex num="0,black"]
في غربتى مانى بمرتاحة البال = القلب في ديره وجسمى بديره
هم وهواجيس وطواري وغربال = تدور في قلبي بنفس الوتيره
ياشين دمع الشوق لاهل همــال =تبقاله الروح الغريبه اسيره
الحزن يعزفها على كل موال = يترجمه ضيقي بدمعة نظيره
عليك ياشوقي وحلمى والامــال = الشوق مشقينى صبابه وحيره
والله ما غيره بها الكون رجـال = له كل مافينى .. ولاهو لغيره
شيخ ٍ عريب الجد والعم والخال = من خير من عاشوا بشبه الجزيره
حبه ملا قلبي من الجـال للجـال = الى الابد يربط مصيري مصيره
عسفتله نفسي على القول لاقال = سيري تحت امره وخطة مسيره
لوبينى وبينه مسافات واميال = يزيد مقداره محبه وغيره
لجله رضيت الهم في كل الاحوال = فدوة غلا بين العشير وعشيره
متى على الله تنفرج كربة الحال = واليسر ينسينا الليال العسيره
[/poem]

[جارح الكسر]

ياشين دمع الشوق لاهـل همـال
تبقاله الـروح الغريبـه اسيـره
الحزن يعزفها علـى كـل مـوال
يترجمه ضيقـي بدمعـة نظيـره



صح لسانك

الله يحقق لك مرادك

جارح الكسر

[محمد الروقي]

صح لسانك لين ترضين


جزلة يامي جزله تقبلي مروري وتقديري

[عبدالعزيز عبيد العدواني]

[align=center]

والله ما غيره بها الكـون رجـال
له كل مافينى .. ولاهـو لغيـره

الله الله

لجله رضيت الهم في كل الاحوال
فدوة غلا بين العشير وعشيـره

بيتان لا أجدهما إلا في نوره الحوشان رحمها الله






الشاعره / مي




إحساس إمرأه تجلى في هذه الفاتنه عزف على أوتار الصدق بأجمل صوره




جدا أعجبتني هذه القصيده وماخرج من القلب تعانقه القلوب حقا وبلا دستور




أكتبي هكذا ودعي القلب يبوح بصدقه لنقرأ الشعر الحقيقي




شكرا من الأعماق وهنيئا لمن نزف لأجله هذا الطهر[/align]

[عوادالعلي]

الشاعره / مي

صح لساانك

رغم ان هالشطر ماتمنيته بين هالروائع العذبه


((والله ما غيره بها الكـون رجـال))

[أبوعبدالرحمن]

مبدعه يا مي


صح قلبك وكلك


وسلمت اناملك


واشتقنا لمعانقة حرفك مجددا


تحيتي لك

[محمد الدغيري]

الشاعره / مي

صح قلبك وكلك يا الغالي

حضور مميز .. يجبرنا على انتظار المزيد


الغالي : عواد العلي
لا تأخذه من ناحيه النظره الشموليه
فللشاعره الخصوصيه في النص




ننتظر تواصل جديدك


تحيه عطره

محمد الدغيري

[راشد الاطرم]

مـــــــــــــــــــي صح الله لسانك
وعتلا شانك يابنت الرجال واخت الرجال

القصيده جزله ولا عليه كلام
ولكن؟؟؟؟

والله ماغيره بها الكون رجال

هو ماخذي على القصيده

ولو قلتي (ابعيني ماغيره بها الكون رجال )

لا كان ارقى واجمل

تقبلي مروري

[عوادالعلي]

الشاعره / مي
صح قلبك وكلك يا الغالي
حضور مميز .. يجبرنا على انتظار المزيد
الغالي : عواد العلي
لا تأخذه من ناحيه النظره الشموليه
فللشاعره الخصوصيه في النص
ننتظر تواصل جديدك
تحيه عطره
محمد الدغيري

نعم اعترف واعتذر لان مروري السابق قبل نهاية الدوام
والتركيز لك عليه هههههههههه
((والله ما غيره بها الكـون رجـال))= له كل مافينى .. ولاهـو لغيـره
صح لسانك

[فايز آل بذال]

والله ما غيره بها الكـون رجـال
له كل مافينى .. ولاهـو لغيـره
شيخ ٍ عريب الجد والعم والخـال
من خير من عاشوا بشبه الجزيره



أبيات من طراز رفيع


حقيقه نص مبهر ومتوشح بالجمال من كل الزوايا

صح نبضك وسلمت يمناك يا مي

[صلاح الأحمدي]

[align=right]

مي العقيلي
صح بيانك وكلك، يسلم بوحك ونبض روحك
لاهنت، مودتي.................؛

[ عِطر آلوَرد ].\..

[/align]

[فهده]

الشاعره مي
صح قلبك ملايــــــــــين

<<تصدقين حبيتك من شفت اقامتك المدرسه دئلت
قلت الحال من بعضه خخ
سلام..

[& مشاوير &]

الله اكبر...
وصح الله لسانك...

قصيدة جزلة من شاعرة جزلة ويعطيك الف عافية


مشااااااااااااااوير

[محمد بن ضاوي]

والله ما غيره بها الكـون رجـال
,,,,,,,,,,, له كل مافينى .. ولاهـو لغيـره

يوم قريت صدر البيت بغيت اسوي اغلاق للصفحه وامتنع عن الرد ههههههههه بس بعد ماقريت عجز عذرتك وشلنا عنك اللوم



لجله رضيت الهم في كل الاحوال
,,,,,,,,,,,,,,,, فدوة غلا بين العشير وعشيـره

الله ,, الله

ياسلام لما توصل المشاعر لهالرقي

مي العقيلي ,,

صح لسانك ولاهنتي واياك والمقاطعه هههه

[حامد الروقي]

الله يسعد مسا ءالشاعره والشعر

صح لسانك قصيده جميله جدا والصدق واضح فيها .

تحياتي.