السلام عليكم ورحمة الله وبركاته :ba1:
هاردلك يازعماء على المستوى الهزيل اللي ظهر به زعيمنا ليلة البارحه
والحمد لله إنها إنتهت بهدف وحيد والا المفروض لو إن الأهلي إستغل كل الفرص
اللي سنحت كان ردوا الرباعيه وعلى أرضنا بعد !
موضوعي هذا هو للإنتقاد فقط لاغير
ولاشيء غير الإنتقاد لأن أصلا لايوجد هناك شي يستحق المدح
لا إداره ولا مدرب ولا حتى لاعبين ولايهون الجمهور
فكل شيء من سيء إلى أسوأ
صدقوني انا قاعد أتكلم من حرقتي ورب الكعبه
لأني عارف حتى لو هبط الهلال لدوري الدرجه الأولى فراح نشوف مطبلين للرئيس
وإدارته وأنت بطولتنا الأغلى وأنت بطولتنا الأغلى !!
ثقوا ثقه عمياء
بان الأهم هو هلالنا فقط لاغير
وليس الرئيس الفلاني أو العلاني !
فياعبدالرحمن بن مساعد
واللي يرحم والديك ويخلي لك أمك إذا ماعاد عندك شيء تقدمه للفريق ياخي إستقل
إستقل وإرحم أممممممممممه الهلاليين
إستقل يرحمممممممممم والدييييييييييك
إستقل قبل مانكرهك وأنت اللي حبيناك أول ماجيت
في كل مباراه نتأمل خير ونقول المستوى رجع وهو خرطي لا رجع ولاهم يحزنون !
بيروزي مقلب وشربناه
هل تعلمون بأن بيروزي يحتل المركز التاسع في الدوري الإيراني هذا الموسم
يعني مثله مثل نجران عندنا مع إحترامي لفريق نجران
مدرب لايفهم شيء في الكره
ولسان حاله يقول ( أكمل موسمي بأي شكل من الأشكال وأمشي ) !
إداره ماهمها الا تفادي الشروط الجزائيه بالإضافه إلى الكذب على الجمهور وإخفاء
حقيقة التأمين على مدافع أندرخلت البلجيكي أسامه هوساوي والقول بأنه مصاب !!
نجي
لجهازنا الطبي المشلول !
عيسى المحياني ورب المصحف إني شايفه بعيني هذي اللي بياكلها الدود يتدرب مع الفريق
طيب أمس وينه مو بالتشكيله ؟؟؟!! هل هو محارب ؟؟
عبدالعزيز الدوسري كم له وهو مصاب ؟؟ ووش نوع إصابته
نامي وينه مختفي !!!
البيشي سلطان وغيرهم
مدرب لايفقه شيء في التدريب نهائيا
ظهيرنا الأيمن معدووووووم كليا
عانينا من غياب سلطان البيشي في مباراة الغرافه
والشباب الإماراتي ثم آخرتها مع الأهلي ليلة البارحه !
والمدرب أعمى مايشوف !
الجهه اليمنى شوارع
ياناس وقسم برب الكعبه شي يقهر ويرفع الظغط
وربي لولا الله ثم أسامه هوساوي البارحه والا كان تمرمطنا بـ 4 والا 5 أهداف !
لاعب قلب دفاع
تحطه ظهير ليش ؟؟!!!!
لا والشيء المضحك في الموضوع هو في حالة الهجمه على الهلال من جهة عبدالله
الدوسري تحصلونه يرجع لقلب الدفاع ويخلي منطقته ههههههههههههههههه
لاحول ولاقوة الابالله بس
بصراحه
الإداره قاعده تهدم اللي بنته خلال السنوات الماضيه
وينك يارادوي
وينك يالي يونق ؟
وينك يانيفيز ؟
هل الإداره عاجزه عن جلب لاعبين أفضل من اللي راحوا ؟
إداره قاعد تلعب وتخطط على الإستثمار في النادي فقط لاغير
إعارة ياسر كان فيها مكسب للإداره
وبيع عقد رادوي كذلك كان فيه مكسب للإداره !
ونيفيز ماباعوه الا بعد أخذ وشد وكيف بتسددون لنا ومن هالكلام ؟!
لي يونق مبدع في الجهتين اليمنى واليسرى
تستغني عنه ليششششششششش ؟؟؟
رادوي جدد عقده معك تروح تبيعه لييييييييييش ؟
القحطاني الآن يفكرون في بيع عقده وفيه أخبار عن مرونه المفاوضات مع العين
بينما سعادة الرئيس ينفي هذا الخبر ونشوف وش راح تبين لنا الايام الجايه !
!!!!!!
توماس دول
المدرب السباك الأصلي
تعاقدت الإداره معه بعدما تعاقدت مع العربي وهرماش وإيمانا ؟؟!!!
بذمتكم
عمركم شفتوا إداره تتعاقد مع المدرب بعد المحترفين ؟؟؟!!!
ولو إنه فاهم في التدريب كان على الاقل شفنا له بصمه في الفريق لكن للأسف ولا شي يذكر لتوماس دول !
إيمانا النجم الكاميروني الكبير
وأفضل لاعب في دوري الدرجه الأولى الإسباني للموسم الماضي
شريناه بذاك المبلغ الخيالي في نظرنا كجمهور
ولكن غباء وجهل توماس دول ونوم الإداره لم نوظفه بالشكل المطلوب
هل يعقل أن تتعاقد مع محترف أجنبي وتخليه إحتياط ؟؟؟!!!
برودوم مدرب الشباب
قال لخالد البلطان مابي لا ويندل ولا ياتارا
وطيرهم البلطان مع إنهم كانوا مبدعين
ولكم في إدارة الشباب عبره
ياعبدالرحمن بن مساعد
إذا كنت تدور الرخيص والكويس
وإذا كنت تدور الإستثمار والشراء بمكسب والبيع بمكسبين !
وإذا كنت تتفادى دفع الشروط الجزائيه والدليل إقالة توماس دول في الوقت
الذي يمنح إدارة الهلال أحقية إقالة المدرب دون دفع الشرط الجزائي
بالإضافه إلى التمسك الواضح بفشل إيفان هاسيك وهو المدرب الذي مسح
بكرامة الهلال الأرض والإداره لامن شاف ولا من درى !
فـ رح إمسك إدارة نادي من النوادي اللي كل أملها هو البقاء في دوري زين فقط لاغير!
أيعقل أن يصرح رئيس نادي ويقول أملنا هو التأهل لدور الثمانيه من كأس آسيا ؟!
يعني إذا وصلنا لدور الثمانيه وطلعنا عادي !! هذي بطولتنا
ههههههههههههههههههه
اللهم صبرنا يارب
سامي + بونان
وأروع ثنائي مسك تدريب الهلال
دربوا الهلال في 3 أو 4 مباريات وأبدع الهلال أيما إبداع
من اللي كان يتوقع أن يفوز الهلال على الإتحاد في جده والرياض وبنفس النتيجه ؟؟
من اللي كان يتوقع أن يفوز الهلال مستوى ونتيجه على النصر في كأس ولي العهد
وكأننا كنا نشوف برشلونه اللي يلعب مو الهلال !
جاء هاسيك
مات الفريق
راحت روحه
ضاع الدوري
7 تعادلات مع فرق أقل من الهلال !
وأخيرا :
خساره لطف الله بالهلال فيها فخسر لقاء الأهلي بهدف وحيد !
وكل ذلك بضياع لاعبي الأهلي وليس بفن لاعبي الهلال
تلعب على أرضك ومطالب بالفوز
وتلعب بمهاجم واحد !!!
ظهيرك الأيمن معدووووووووووووووم ولا كأنك تشوف !!!
يابو فيصل
مباراة الأهلي الجايه قد تكون المباراه الأخيره للهلال في حال عدم التأهل للنهائي لاسمح الله
فـ أقل هذا المدرب السباك وإكسب رضا الجمهور كأقل تقدير
حتى لو خسر الهلال بدون هاسيك صدقوني راح يكون وقعها أقل بكثير من وجود هذا السباك
لاننا بإختصار سوينا شي
ولكن قدر الله وماشاء فعل !
الأهلي صعب
وصعب تتجاوزه في أرضه
وإذا سامي مادرب الفريق في مباراة الإياب فأحسن الله عزاكم في هلالكم
نقطه أخيره :
زلاتكو جبتوه وأنتوا عندكم بونان المبدع ؟؟!!!
وعيسى المحياني دمرتوه ورحل!
والآن تبون تقصمون ظهورنا ببيع عقد ياسر للعين !!
فما نقول غير لاحول ولاقوة الابالله
اللهم إني أستودعك الهلال وجمهوره من إستثمار إدارة بن مساعد
ورب الكعبه إننا نحبك يابو فيصل
وماكتبت هالكلام الا لكي لا نكرهك
قبل إقالة هاسيك
أتمنى ومتأكد بأنها أمنية الكثير من الجماهير الهلاليه بأن يستقيل الرئيس قبل المدرب
اللهم وفق الهلال في مباراته القادمه يارب
في أمان الله
رد مع اقتباس
