أسعد الله مساكم بكل خير , هذي قصيدة وجهها لي الشاعر / سلطان الهاجري يقول فيها :
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قريت مرة كتابة واحد عنّي =كتابةٍ بيّض الله وجه قايلها
شكراً على ( دقّتك ) يا الكاتب الفنّي = ( دشداشتي ) والله إن كنّك مفصلها
الله في عيون جمهوري مجملني =واسماء الرياجيل تعرف من فعايلها
هل تعلم إن الملابس ما تمثلنّي ؟! =وأنا اتقدم وامثل قوم بأكملها
كانك يا عبدالله الراجس على ظنّي=الأوله من بني اخينا تحملها
والثانية فرّق الشيعي من السنّي=حدّ المطية وروضّها وعقّلها
وإن جات ترفذ بفزعة هن بن هنّي =ارتاح في المجلس المفروش وازهلها
حنا هالعلم واهل السن والعنّي = بسيوفنا كل ما مالت نعدّلها
وامهاترات الصحافة ما تزعلنّي = بعد اختلط عج حابلها بنابلها
زيف وتماثيل ما راحن ولا جنّي =عطها صحافة خليجية وتنقلها
لو تنعرض قصة ( السرحان والجنّي ) = ( لحسين عبدالرضا ) يمكن يمثلّها[/poem]
وسلامتكم
سلطان الهاجري
وكان ردي عليه كالتالي :
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المرجله يمتنيها كل متمنّي = واللي ما يتعب عليها ما يحصلّها
هجوس ( سلطان بن وسّام ) نادنّي = للرحلة اللي يلوح البرق فَــأولها
مضرم وشميت ريح الهيل والبنّي =لو إنها زنجبيله ما عنيت إلها
اضمن جهودي وابن وسّام ضامنّي =يرفع بيوت الهجينية واكملها
واللي يجامل لغيري لا يجاملنّي = مانيب من يطبخ الحرجة وياكلها
لولا غلا صاحبي ما جيت متعنّي =مالي شغل في الطبول اللي يطبلها
اخذ العبارة واخذ تفسيرها منّي =لاشك نفسه علينا وش مزعلّها
واصابع الكف عندي ما تساونّي =والخيل بسروجها والا جلايلها
وانا طبيعة إليا منه ضحك سنّي = اعز نفسي عن الهرجة وادللها
وابتمادى وابطرب فنّك وفنّي =واقول ما للزعامة كود قايلها
[/poem]
وسلامتكم
عبدالله بن راجس
رد مع اقتباس
