طريقه تكتشف انك ترطن انجليزي

[هبلا وتهبل]

ازعجونا في اللغه وهي سهله بس المشكله في المعلم, فقع روسنا بالقواعد والفاعل والمنصوب والناصب والحرامي

لكن انا جيتكم وبعلمكم بدون وجع راس يالله نبدأ:

افرض واحد ضربك على اصبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i = معنها = انا

هل تحب جبنة بوك= لاحظ بوك بس نوع فاخر +بوك= book = كتاب
هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخكم
هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول

وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ككك; farmer <<<< مزارع


من مايعرف الرئيس الامريكي ( بوش ) بوش -بوش = push = يدفع _يعني = يدف = وتلاحضونها على الأبواب

يعني تقدار تقول= ادفع الباب او دف الباب = push the door = بوش ذا دور

كلمه ثانيه:واحد يقولك: كيل تفاح تصير قوي_ كيل برتقال _كيل موز

لاحظ ( كيل ) كيل -كيل = تعني = يقتل او اقتل = kill
مثال = اقتلني = كيل مي = kill meاو= اقتله = كيل هيم= kill him

كلمه ثانيه:

واحد يطق الباب وش تقوله: اكيد تقول ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:


وعلى فكره كلمة = com الي تشفونها في الرابط = تعني = شركه = وهي اختصار كلمة = company

تسمعون البزر يقول الى امه : ماما يالله قوه البيت = قوه قوه = ياقليب قليبوه
المهم واضح معنها لكم :
go = كوه = قوه
يالله نروح= let is go = ليتس قوه



كف = فيه احد ما جاه كف على وجه ؟ انا بصراحه تصفقت لين دخت

كف= معنها = كحه . كف = cough تقدار تقول= i have cough = اي هاف كف = انا عندي كحه او سعال

مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم

محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم

مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين

مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر

كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو

انا اهتم = i care = اي كير

باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان

هورس = حصان = horse باوار= قوه =power

ركزوا معي في تركيب الجمله = انا عندي حصان = i have horse =

لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره

الرئيس الأمريكي السابق ( بيل كلينتون )

بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك

بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس


هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي

سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك

سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر

فار = مخلوق نذل يصعب مسكه الى اذا جبت له قطو لأن القطو رجال ومايخاف اما نحن الرجال الله يخلف علينا والله ننحاش وتوصل انه ننقل من الحي كله ونترك له البيت

فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدار تقول= u are very far =يو ار فيري فار = على كيفكم

ني = اللحم ني او الدجاج مو مستوي ني
ني= knee = معنها = ركبه

بس ماعليكم من حرف الكاف في بداية الكلمه ماينطق =k nee = تنطق = ني

كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم

كان = CAN = يستطيع او يقدر = انا استطيع = I CAN

ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه


طيب وش رايكم كسبت التحدي ولا لا؟

<<<<اقول صدقة عمرك قم بس قم <<<<< stand up just stand up


تحياتي
نغم الورود

[ندى الحروف]

8
<< اكتشفت اني اعرف انجلش بقوة ما شاء الله :مزون:

i have cough

ما ننسى a و an للتعريف :مزون:

يسلموووووووو نغم عالموضوع المفيد جدن جدن جدن :هاها:

و ننتظر جديدك يالغلا

[صخيلة ام الخلاقيل]

احلى ياللغة بس حلو ربط الكلمات

[][ عبدالعزيز ][]

ههههههههههههههههه

احلى مافي الموضوع انه فيه خفه دم وفي نفس الوقت مفيد

بالله كثري من هالمواضيع ولا عليك آمر

والله استفدت من جد

(( نغم الورود ))

الله يعطيك الف عافيه على هيك موضوع

[الدندووووونه]

<-ياهووووه طلع عندي لغه .. بلا دورات بلا هم..!!خخخخخ


نغم الورود..

الله يعطيك العافيه..

مودتي لك..

[New moon]

[align=center]شكرااااا على المووووضوع الحلوووو
والله كلمات سهله ماحسينا فيها
سلمت يمناك
تقبلي مروري[/align]

[مانبي اللي مايبينا]

.
.
.
لااااا :واء:
مابي ظيعت كل اللغه اللي كاااااااااانت عندي
صدق كلهم 5 أو 6 كلمات بس تبخروا:زعلان:
أبآخذ دبلوم عشان أرجعهم 6 كلمات مو شويه:بايو:
.
.
.
.

[هبلا وتهبل]

[grade="00008B FF6347 008000 4B0082"] ندى الحروف
مبروك اللغه الجديده
وياهلا فيك[/grade]

[هبلا وتهبل]

[grade="00008B FF6347 008000 4B0082"]صخيله ام الخلاقيل
مشكوره على المرور[/grade]

[هبلا وتهبل]

[grade="00008B FF6347 008000 4B0082"] طاقية زري
يسلمو
على المرور الحلو[/grade]

[هبلا وتهبل]

[grade="00008B FF6347 008000 4B0082"] الدندونه
الله يعافيك
مشكوره على التعليق الروعه[/grade]

[هبلا وتهبل]

[grade="00008B FF6347 008000 4B0082"] new moon
العفو
الله يسلمك
ويا هلا[/grade]

[شحروره]

<<< مقهووووورة اثر الانقلش كلش سهل وانا متعبه عمري افحط بين ممراته
وضاااربه طابلون بين بحوووثه وطفشني شكسبيره واحزنتني قصائد اميلي

كف= معنها = كحه . كف = cough

ذكرتني مره اشرحهاا لطالباتي عااد وحده نتفه
قامت تقول يا بلة أخاااف اسافر امريكا
اقول كف ويعطيني كف << و الله النتف ذوول روووعه

ثاااااااااااااانكس يااا مووووون ع الأنقلش المسكرب المنيس

[سعود]

<<= جالس يفطر ويستمتع بالقراءه



تووووي ادري ان الانقلش سهل


الله يسامح مدرسنا كان معقدنا


ومصعب الماده علينا


هذا الموضوع المفروض يكون عنوانه


تعلم الانقلش خلال دقيقة


تسلمين اختي على هيك موضوع تعليمي جونااان


تحية عطرة

[بــنت عـــز]

الله يعطيك الف عافيه