تعلم الطبخ مع السيف

[السيف]

[ALIGN=CENTER]اخواني الأحباء

تحيه حاره اقدمها لكم من برنامجكم المفضل (( مطبخ السيف و المرض قريب ))

اليوم راح نتعلم كيفية صنع (( التشيز كيك ))

التشيز كيك عباره عن :( والله الي وهقت نفسي

اقول هو شي ما عمري ذقته ولا شفته بس يقولون زين

السعرات الحراريه : اسئل عنها اقرب ميكانيكي

المقادير :

1 لتر ماء من البزبوز

قوطيين حليب السعوديه من بقالة (( السلف ممنوع ))

و سطل لبن من لبن زمان

18 بيضة

60 ملعقة سكر

3 اكياس طحين

قوطيين مربى جح (( بطيخ ))

4 علب تونه

نصف ملعقة شاي فانيلا

بيك اند بودر (( علبه كامله )) و ان لم يتوفر يمكن اضافة (( بودرة اطفال ))

للتزين

نستخدم فراوله + قرع + باذنجان + منجا + زيتون + برشوم ( تين شوكي )

طريقة الصنع :

نضع الماء في القدر و نحطة على النار لين ما يتبخر

و بعد ما يتبخر نحط اللبن لين ما يلزق بالقدر

و بعدين نضيف الحليب على اللبن الازق بالقدر

تكسر البيض بالمغسلة لأنا ما راح نحتاجه و نقوم بأستخدام قشر البيض و نظيفة

على الحليب (( همييييييييين )) <====== العرق دساس

نقوم و ناخذ الطحين و نحطه عليه

و بعدين نجيب مربى الجح و نحطه بعد

و نجيب الفانيله بس ما نحطها نتفرج عليها

و بعدين نجيب البيكن بودر و نحط نصه و النص الثاني ما نحطه نخليه للتزيين

نظيف السكر بس بشويش عشان ما تخرب الطبخه يعني بعد ما تحط اربع ملاعق

سكر كل ملعقه وحده يعني ملعقه كل اربع مرات

و بعدين نجي للمهم و هي نحط مربى الجح (( البطيخ )) و التونه و نحطهم بالخلاط

و نضربهم ضرب لين ما يعرفون انه الله حق و يصبحون كتله من الأدب

نظيفها للخبصة الي بالقدر

و بعدين نطلع الخليط (( الخبيص )) من القدر و نصبة بصحن و نحطهم بالفرن

بس انتبه لازم يكون الصحن حديد مب ورق عشان ما يحترق

ولا تنسى تحط كيس نايلن بين الصحن و الخليط عشان ما يلزق بالصحن

و بعد ما حطيناهم بالفرن على درجه 1700 فوق الصفر

نخليه ساعه

و بعد ساعه ناخذه و نحطه بالثلاجه بدرجه 200 تحت الصفر

و نخليها اسبوع


<
<
<
<
<
<
<
<
<
<
<
<
<

(( و مر اسبوع ))

بعد اسبوع نطلع الخليط من الثجه

وراح نلاحظ انها صلبه مره لدرجه انك لو تصفق فيها راس يهودي اسلم

و نطلعه من الصينيه

و عشان نطلعه بشكل صحيح من غير ما يخرب الشكل

نستخدم (( زراديه + مطرقه + سكروب موجب + دريل ))

و اول شي نجيب الدريل و مرره على الحواف

بعدين نجيب الزراديه و نعفط فيها الصينيه لحد ما تصير منبسطه زي صحن غدانا

و بعدين نجيب السكروب و المطرقه و نطق الخليط فيه لحد ما يطله


بعد ما طلعناه

نحطها بالغساله و نخليها ربع ساعه على حركه قويه عشان تاخذ شكل انسيابي

و بالنهايه

تجيب المكونات الي احنا جبناها للتزين و هي عباره عن :


نستخدم فراوله + قرع + باذنجان + منجا + زيتون + برشوم ( تين شوكي )

و نحطها كلها فوق الكيكه

و نجيب منشار كهربائي للتقطيع

و بهاذا نكون وصلنا للنهايه و حصلنا على احلا واطعم سارس قصدي تشيز كيك

و بالهناء و الشفاء


(( و تبون نصيحتي ، ليش ما تروحون تشترون التشز كيك من السوق (^_^) = )

والله البخلاء صحيح كل شي يبون يسونه في البيت

اخوكم / الموقع ادناه[/ALIGN]

[الأميرة الناعمة]

ههههههههههههههههههههههههه ههههههههاي

يا هوووووووووووووو اشوف الحركتاات بدت تطلع

بس ايش التشيز كيك هذا صار تونة كيك :D

يسلموووووووو يا عسوووول على الاكلة الكوووووووول

بس اهم شي لحد ينسى الزرادية داخل الكيك

سوسي

[الطير]

الله يرجك يالسيف ......... تبي تموتنا ,,

(((( 60 ملعقة سكر - 3 اكياس طحين - بيك اند بودر (( علبه كامله )) و ان لم يتوفر يمكن اضافة (( بودرة اطفال ))

طيب وين المستشفى ...

الطـــــــــــــير (( طيرالحب )) ;)

[أبوعبدالرحمن]

ههههههههههههههههههههههههه ههه


والله اني عارف ان الطبخه كلها من جنبها من يوم قريت علبة تونه في المقادير :)


سيف صراحة موضوع من اجمل ما قرأت

يعطيك العافية على هالتخبيص

واسمح لي بعمل نسخه من موضوعك لمنتدى الغربلة

واخليهم يشوفون طبختك ويغربلونك معها :)

[أبوعبدالرحمن]

http://www.sfsaleh.com/vb/showthread...&threadid=3236

رابط الموضوع بالغربلة

:)

[السيف]

هلا والله بالحساسه ان شاء الله تكونين استفدتي من الطبخه

و جدزهي الورقه و القلم

قريباً طريقه صناعة البيتزا

عشان كذا من الحين جهزي المقادير (( صمغ و الخبز و العنب ))

(^_^)

اخوك / الموقع ادناه

[السيف]

اقول يا طير

لا تحكم على الشيء قبل ما تذوقه

ان اول ذقها واذا الله كتب لك عمر قلي وش رايك فيها (^_^)

تحياتي لك

الموقع ادناه

[السيف]

اقول والله هالموضوع مافكرت فيه اليوم الا عشان يكون ملك كل من يقراه

هاذا موضوعك و سو به الي تبي

و هالموضوع ما جاء الا من اثر عزوبيه و رجل مكسوره يعني مافيه الا تست و جبن

(^_^)

تحياتي لك

اخوك / الموقع ادناه

[][*+عجــايب+*][]

لأ

لأ

لأ



وش هذاااا ؟؟؟؟






حرام عليك



انت تبغى تدمر مطبخي؟؟؟


تبغى تسبب أزمة قطعية معوية للزواااار؟؟؟؟



تقبل خالص التحايا على جهودك المبذولة في سبيل مطبخي

ومطبخي هو مطبخك .. وخذ راحتك فيه


والله لا يحرمنا من هالطبخات الخزعبلية..

تحياتي المقررررشة


عجيبكوووو بيكووووو

[راعية الشوق]

هههههههههههههههههههاي الف شكر لك بس والله انااقرا واضحك يسلموااا على الطبخة بس ليه هي كذاااااااا ههههههههههههههههههههاي

راعية الشوق

[السيف]

ليش انتي شفتي شي

تو الناس

تعالي شوفي نفس الموضوع هاذا في منتدى الغربله

و شوفي الطبخات و الطرق الي في الردود (^_^)

تقبلي انتي تحياتي

اخوك / الموقع ادناه

[السيف]

صراحه انا شقا منتدى الصحه نايم قلت بشغله شوي و اجيب لك زباين

كن واحد متسمم على كم واحد قالبه كبده (^_^)

تحياتي لك

اخوك / الموقع ادناه

[أمل عبدالعزيز]

سيف يحلفون أنى رديت على موضوعك برد مادرى هو طار مع كيكتك ولا وش جااااااااااااه |199| بس يااااااااااااويله ألى حذفه والمووووووووووووووت له

[السيف]

لا والله ما انحذف

بس نقلوها لمنتدى الغربله و الصرقعه

و تلاقينه هناك راز وجهه (^_^)

اخوك / الموقعا دناه