المشاركة الأصلية كتبت بواسطة عبدالرحمن عبيدالله البجيدي
[align=center]
بسم الله الرحمن الرحيم
السلام عليكم ورحمة الله وبركاته
يطيب لي وبعد انقطاع ان اصافحكم بهذا النص المتواضع متمنيا ان يرتقي
الى مستوى ذوائقكم[/align]
[align=center]
عصفــورة الــوادي[/align]
[align=center]
[/[/align]
[align=center]
عصفــورة الــوادي[/align]
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عصفــورة الــوادي عـلامك حزينة =ماعـاد نسمـع لك تغـاريد والحـان
عذب اللحن كنتِي طـرب تطـلقينه= وانتي سعيدة لاهية بين الأغصـان
مدري غلب صوتك ضجيج المدينة= وللا الحزن خيم عـلى كل الأركـان
الله عـلى وقـتٍ مضـــى خـابـرينه =راح انتهى واللي بقـى كان ماكـان
ياحاضري ثارت مشـــاعـر دفـيـنه= ياحاضري ماينسى ماضْ الازمان
لابـد يبـقــى بالفـكـــر له حنـيـنه= لو هو يمـر مر السحـابة بلا عنـان
للنفس يحصل في مروره سكينه= يزورها عذب المشاعر والأشجـان
ذكـرى حبـايب غـيبتهـم سنـينـه =ذكـرى الطفـولة والرفـاقـة وخـلان
ذكــرى البساطـه والأواصـر متينه= بين القـرايب والجـماعـة وجــيران
نقـش المنـازل بالذهـن ناقشينه= مثل الوشم يكسي زوايا وجدران
هـذا الزمـن فـي سنته عـارفينه =مـاله رجـوعٍ والمســيرة بمــيزان
عصفـورة الـوادي عـلامـك حزينه =ماعـاد نسمع لك تغــاريـد والحان[/poem]
رد مع اقتباس
