اخواني الكرام
هذه القصيده قدمتها لشاعر المليون
واثناء عليها الاستاذ / بدر الصفوق وقال بعظمة لسانه
ليس فالك المليون بل لك المليون بهذه القصيده فقط
ولكن لا اعلم مالذي حصل بعدها ..
اليكم
[poem=font="Arial,5,firebrick,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياحبي الضايع ويا ضلع مكسور = صوتك وصلني رغم صدك وهجرك
عامين واشواقي لها داخلي جور = مدري متى ينحل قيدي من اسرك
محكوم اعيش بسجنك اعوام وشهور=كنك نذرتي بي وتوفين نذرك
صحيح مال السجن بيبان مع سور = لكن بدى قلبي من الشوق يدرك
اني بدونك لازم اعيش مأسور = وابقى على مر الزمن تحت امرك
دونك لقيت النور يفرق عن النور = وقدر التعاسه مستوي لي بقدرك
ابكي على باب الرجا كلي قصور = وابكي على باب الامل تحت قصرك
ماشي على درب المتاهات مجبور = في كل ديره لي قصيد ن على اثرك
قالولي اصحابي ترى منت معذور = اترك هواها قلت انا ويش ابترك
معذور انا ياصاحبي وانت مجبور = تفتح لصاحب وقتك اليوم صدرك
وشلون ابتركها وهي دايم تزور = عيني واشوف ابها المقادير واشرك
كنت الحزين اللي نسى كلمة سرور = اللي على عينه بيمناه يفرك
ومعها لقيت ان الفرح بيت معمور= وان الحزن ذنبن خذا منك اجرك
وشلون ابترك حزني الغادر يثور = خذيت عذري وان حصل هاك عذرك
معذور ياللي مالك احساس وشعور = ياللي رميت احساسك وصار حدرك
يمكن على قولتك انا انسان مسحور = لكن انا معذور واحتاج صبرك
عندي رساله والوفا منك مخبور = ماهوب لك وحدك ولا هيب عبرك
عبر الاثير اللي على سمعك يدور = ولكل من يقرى قصيدي ويدرك
قولولها اني من البعد مقهور = واللي قهرني زود مابان غدرك
كني معك مغدور ولا نيب مغدور = مابين ذيك وذيك جالس افبرك
ماهوب ذنبي احمل احساس مذعور = وماهوب ذنبي واقفن فوق جمرك
قولولها اخر خيالات ممخور = بعد الفراق وطول عمره وعمرك
ليا مشى فيه الزمن وانتهى الدور = يصير قبره واضح ن جنب قبرك[/poem]
وسلامتكم
( عبد المجيد سعد الممخور )
رد مع اقتباس
المشاركة الأصلية كتبت بواسطة عبد المجيد سعد
