تحليل الشخصيات من خلال الردود

[بدر]

الرهيبه ...

اسمحي لي بتحليل شخصية في مكتب بدووووووووري لتحليل الشخصيات واستقدام العمالة المنزليه ..



بسم الله نبدأ ...

طبعا لايخلوا اي واحد من العيوب بجانب المزايا ... ولكن اكيد الشخص لابد ان يزيد بمزاياه حتى لاتلاحظ عيوبه ..


انتي اختي العزيزه . قوية باسلوبك .. مرحه .. اكثر من رائعة بكتاباتك . توفين المواضيع حقها .. ولاتكثرين .... متابعة لكل المواضيع .. رقة اسلوب مع شفافية أخلاق .. ردك لايجد عليه اي عضو تعليق حيث انه لايجد اي ثغره من جهة مواضيعك وردودك .. توفينها حقها بكل امانه ..

انا صراحه من اكثر المعجبين باسلوك وخصوصا لما تكتبين باللهجة الأردنية .....والله اني اقرأها وانا من جد اضحك على فصاحتك فيها ...

تتقبلين النقد بكل رحابة صدر .. ذربة التعامل وحسنة التعبير ....


بالنسبة للعيوب .. راح اكون معاك صريح ..

فيك شوي غطرسة .... يعيبك قلة مواضيعك ......لاحظي مواضيعك مو ردودك .. تجحفين بحق بعض اقسام المنتدى ...

هذا مايحضرني الآن...... وإذا لاحظت شئ باقول لك ..


يالله اللي يبي احلله .. يمحطني بطلب ....


بدووووووووووري

[طـــــارق]

بدورررررررررررررررررررررر ررررري

ماعاش من يمحطك......


لكن انا بقلبها ميانه وبمحطك بطلب .........


وانا في انتظار تعليقك....
















اخوكم الصغير
مغربل

[أمل عبدالعزيز]

هلاااااااوغلاااااااا ببدوري هههههههههه

بصراحة كل شيء أتقبله وبصدر رحب...........

بس الشيء إلى حسيت أنك ظلمتني فيه هو الغطرسة؟;)

لو أنك تعرفني شخصياً كان غيرت رأيك تماماً ههههههههههههههههههههههه

بس أحترم كل حرف كتبته ,,,,,,,,

العذر فى قلة المواضيع الحرص على متابعة الأعضاء أولاً..........

ثانياً: تقل مواضيعي فى أقسام دون أقسام ...... يعنى( العام, الغربلة, الخواطر, الإسلامي) هنا لن تفقدني بتاتاً........... لاموضوع ولا رد .........

قد يكون لي قاعدة معينة وهو أن كل موضوع ياخذ حقه فلا أحبذ أن تكون الصفحة فقط للرهيبة .........

أما بقية المنتديات فبالفعل أنا مقصرة معهم بس هذ1ا باتفاق بيينا فى الإدارة أن يهتم كل مجموعة بنوع من المنتديات وفي حالة وجود وقت نقوم بالتشييك عليها كامل , لكن لتعلم أن كل موضوع ينزل لابد اقراااه.....

وردودي قد تجد فيها الكثير من الإسهاب حتى يأخذ الموضوع كامل نصابه من النقاش وهذا يحتاج لوقت.......

تحياتي لك من كل قلبي وياليت تمحط بمغربل ولو أنه مارد علي وناقشنى في راي فيه؟

[saud-m]

اختي الغالية الرهيبة

اخي الغالي بدووووري

ارجوا ان تحللوا شخصي الكريم

بس ابي هجوم مزدوج

لاني بصراحة ودي اعرف قدري بهالمنتدى


رحم الله امرءاً عرف قدر نفسه


تحية عطرة

[عاشق الحزن]

الرهيبة

الله يرج ابليسك وش ذا التحليل كبر راسي خلاص ما اشوف ...:D

<<<<<<<< مو مصدق يقول كل هذا فيني


عموما الله يعطيك العافية اختي وهذا من ذوقك والله ...


وبنسبة للبن نادك يقلون خلاص بيدمجون نادك مع النيدو ....


تحياتي ....


ياتاعبني ..؟

[أمل عبدالعزيز]

|3|سعودي أنت فى الطريق بس خلنى أفضى لك شوى لأنك مهم بشكل ماتتوقعه يعنى ......

خليك على الهوا .............

[خوبال وهوبال]

ياحبني لك سيف ... محد جاب خبري فذا المكان غيرك ..

خوبال وهوبال ...

اروع شخصين خفيفين دم يعرفون يخلونك تضحك صح

طيبين مره و ردودهم لطيفه مره بس تواجدهم في المنتدى

يقتصر على منتدى الغربه و الصرقعه رغم كل هذا

محبيبن لقلب الكثير من الأعضاء
.................

والله انك اطلق انسان بالدنياا ...


موضوع حلو يبيله شاهي شاهي منعنع ومغشوش


خلوني احلل بس من يجي على بالي الحين بس ....


خوبال وهوبال ....

ابن امه اللي يجيب له تحليل :(

الرهيبه ..

ذو اخلاق فريده .. حبوبه ... شخصيه حلوه .. ولكن تخفي الكثير من تحتها ... تعامل الجميع بطيبة
قلب مشهود لهــا ... فوق هذا شعرها عراده ... :D

مخاوف قلب ...

ياحبني لها ... خبله منسمه داجه ببرطم واحد من ظاهرها ... حنونه عندها حبتين رومنسيه ... تحب الجميع
نادمه على اشياء سووتها في الماضي ... مثل يوم هجت من البيت رايحه السوق خخخخخخخخ ..

حساســه ...
لاتخفى على الجميع ... طيبه متحركه ... تحب اللقافه بشكل غير طبيعي ... تفكر بقلب لا بعقل .. تخطا كثيرا
متخوفه من المواجهه مع الغير ... تخفي بعض الضعف خلف محاولتها لارضاء الجميع ..
<<< بيتصفق بس هذا االلي انا شايفه ...

قوت القلوب ...
بريئه ... لاتعرف الكثير عن الدنيا ... تتاخذ الامور بمرح زائد ... الجديه شبه غائبه في حياتها ....

عشق ليل ...
يحب القياده مع افتقاده لبعض اسسها ... يخفي اغلاطه لو بتغيير الحقيقه ...
يحتاج الى بعض الدروس عشان يصير اوكيه .. يحب بسرعه ويكره بسرعه ... عنده طيبه قلب يمكن
ملاحظتها ..

سهم المنايا ...
يستحق ان يكون افضل مما هو عليــه الان ...

عجايب ...
قمــه في كل شي ... اعتب عليها قلة تواجدها ... كرشها كابر من كثر ماتحضر بالمطبخ ..

رمــــاد ...
مرحـــه .. طيبه جدا .. تحب الكل ... تشجع الاهلي .. تطمح ان تكون مهاجمه في ذاك ...

المفكـــر ...

انسان رائع ذو شخصيه اروع ... ذو نظره بعيده .. مثقف يحب النقاشات البناءه ...

خبل بس عاقل ...
خبل مهوي والا ياليت الايام تجمعنا .... نشري علب مناديل ونجفف مدامعنا ... :D

عاشق الحب ..
انســان راقي .. صاحب شفافيه مشهود لها ... يعتبر الحرف صديقه ويخاف من ان يحتك بالاخرين ..

طيف ...

اتمني ان اسمع خبر تخرجها من الابتدائيه قريبا .. ههههههههه

طيف الولــه ..

تحب التخمين ولكنها دوما تخطـــئ ... عندها جانب من الجديه ... عندها حبة خال بخشمها اتمنى انها تزول
في اقرب فرصه ..... :D


هـــــــذي لست النيمز اللي في ماي مايند دحينه ... او بالاصح هذي لست الاعضاء اللي احتكيت بهم وتابعت
مسيرتهم منذ رئيتهم ....

طبعــــــــا الزعل ممنوع والصدر الوسيع مطلوب ... واللي مو عاجبه تحليلي له .. يرسل رساله خاصه على الرقم المكتوب في باب المنتدى ....

اتمنى ان اكون وفقت في رسالتي المتخصصه في علم النفس والتي انوي اقدمها للجنة التحكيم في شهار
بغرض الحصول على شهاده معتمده منهم ....

خوباال لابس نظارات جدته ومطفي النوور ....

[أمل عبدالعزيز]

زين ياخوبال دامك تحرشت فيني فابشر بالتحرير لك:


خوبال بن هوبال:

فريد من نوعه( يقرب لفريد شوقي أيام طفولته) تحس أنه يكتب بالفطرة ( وهذا فيما يخص الغربلة) أى شيء يجي على باله يقطه بس بالفعل لو ضاق صدرك خذ لفة بس على ردوده إن ماضحكت ألى النعلة فتعال سطر خوبال هنا.............

في العام تحس أنه ماله شغل بالى يصير فيه , يمكن يمر بس يسلم ويطلع........

فى الطبخ تحس ان خواله لبنانيين, يموت ويطبخ , الله يعين عليه بس...........

قلبه طيب بس لاحد يغلط عليه لأنه يخربها ,

مخلص , داج نوعاً ما مع قليل من الزيت, تحس أنه دب زيادة عن اللزومهههههههههه:o

[بدر]

مافيه احد حللني الله يحلكم ويبيحكم .؟؟


ابي اللي حللتهم يحللوني ........واللس لسه ماحللتهم لا يحللوني ......بس ابي احللهم وبعدها اهم يحللوني ...واللي ماحللتهم اقدم لهم اعتذاري واقول لهم التحليل جاي بالطريق ..


بدووووووووووري

[saud-m]

لي 4 أيام وانا على الهواء مباشرة :)

بس شكلي غلطان في القناة او التردد :D



تحية عطرة

[أمل عبدالعزيز]

ههههههههههههههههههههههههه ه الله يسعد قلبك ياسعود والله ضحكت من قلبي أجل التردد هاااااااه

زين خوذ لعيونك ............

سعود:

شخص غير متوقع رده , يعنى ممكن يفاجأك , مرة معك ومرة ( مهوب ضدك بس يخالفك)........

دمه خفيف فى الصرقعة , مواضيعة قليلة , بس لها وزنها.........

عرفناه من عقب ساندويتش سعود............

لو حط في باله أحد ياويله , ممكن أنه مايرد لو حس بزعل , ولو رد فالله على الرد ,

قلبه طيييييييييييييب إلى مالانهاية,,,, له وزنه فى الصرقعة ...........

تحس أنه صريح لدرجة أنه ممكن يحصل له مشاكل بسبة صراحته...........

سريع الإنفعال...........

هذا بس ألى قدرت اوصل له...............

هاه وش رأيك فى التردد؟

[طـــــارق]

ههههههههههههههههههههههههه ههههههههههههه


الرهيبه الله يرجك ...على هالتحاليل ...


سبحان الله زي ماقلتي بالزبط( بكسر الفتحه ) ............




والله المفروض انهم يحطونك محلله ... في cnn


وعسيب محلل في w.c


ooooooooooooo>>>>>>>>>>>>>> هذى خخخخخخخخخخخخخخ بالانقلينزي ..........


سعود على هالتحليل مايكسر راسه سيفين لمدة ثلاثه شهور ...


وانا اشاطرك >>>> حلوة اشاطرك صح

الرأي في هالولد.. احس لما أقرأ اسمه بكم هائل من الحب تتجمع في صدري وتتجه له ... على نفس التردد اللي هو قاعد عليه......



شكرا يامحلحلتنا ....




اخوكم الصغير
مغربل

[مخاوف قلب]

اقوووول



ابي رهيبه تحلل شخصيتي


جاي على بالي










صي يوووو خوبال والله من الهبال اللي براسك اوريك

[أمل عبدالعزيز]

أبشري بسعدتس يامخمخ:

<============= دقت اللطمة وبتقط ألى في قلبها وتنحاش.........

طبعاً أحس أنك تستقوين ولأ أنتى طيبة بالحيل , بس يمكن ظروف الحياة حكمتك ;)

ردودك لاتخلوا عن كلمة مكرر وينشات , وهذا من حقك طبعاً, بس بعض المواضيع تستحق تبقى بسبب الردود ورؤية الأعضاء لها لأن بعضها تنزل ومن كثرة نزول المواضيع معاد نلمحها لامن قريب ولامن بعيد...

دائماً تختصرين فى الرد أحيان يكون حلو وله طعم مثل ال........عسل, وأحياناً مثل برطمك ناقص ( للأهمية مخمخ ببرطم واحد وبس لذى جرى التنويه).......:p

سريعة الزعل, وبنفس السرعة ترضين......

أحس أنك كبرتِ قبل وقتك,,,,,,,,,<======= تقول عليها طلعات مهيب صاحية ههههه

طفولتك ماكنت هذيك , يعنى ماخذتي راحتك فيها , علشان كذا أحس أنك للآن بريئة برآة الطفل .......

تحبين بعمق, أصدقائك نصهم مش حالك هههههههههههه <====== دخلت جو مهوب طبيعي يمكن كهانة ؟ اللهم اغفر لى........

أحس بعد فيكِ مني كثير, وهو:

أنك مستغلة من قبل الكثير, طبعاً أنا من ناحية المادة , وأنتى من ناحية الحصص ( علشانتس مطفرنة فمالقوا غير الإحتياط وحايسين جدفك فيه) بس لأنك تتعاملين بطيبتك......

ردودك فى العام شبه منعدمه , تتسترين خلف الضحك والمزاح والصرقعة , ولا أنتي شيء مهوب صاحي بس مافيكِ حيل , لا للنقاش , ولا لطولة البال, يعنى تقدرين تقولين( أنك زولة ) هههههههههههههه

أتمنى أشوفك مرة كذا مسوية عاقلة ومنزلة قضية فى المجتمع تحتاج إلى حل من خلال تجربتك التعليمية وانخراطك فى سلك التعليم ( سواء مع طالبة, أو همموم معلمة) سيَّان...... بس أهم شيء تطلعين خشتك الثانية ولا توزينها , ولاتبخلين علينا .............

<=========== يحلفون أنها طولتهاااااااااااا

آخر نقطة:

أحس أنه مافيه أحد دمعته أسرع مني فى هالدنيا غيرتس.................

ملحوظة:

ياليت كل واحد حلحلته يجي يتكرم ويقول وش الصح وش الخيال ههههههههههههههههه

صي يوووووووووووووووووووووووو ووصورة طبق الأصل من مخمخ

[بدر]

الرهيبه ..



وراتس ماتحللني ؟؟

يالله حللوني .

بدر