المال اصبح ضروره من ضرورات الحياه ..ولا يختلف اثنان على ذلك
لكن في وقتنا طغى ذلك حتى على العلاقات الاسريه ووصل الرحم ..من هذا المنطلق كانت هذه المتواضعه
مدخل[/align]
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من عالمك يالنت قرب وداعه=الشاعر اللي مايبا الناس يدرون
عن خافي اهمومه وكثر التياعه=خايف تعرف الناس ماكان مكنون[/poem]
[align=center]اتمنى ان ترقى الى مستوى الذائقه الشعريه لديكم [/align]
.
.
.
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا قل مالك قل وصل الجماعه = والواجبه لا جتك عنها يصدون
بدال وصل الرحم تلقى قطاعه=وبدال فزعتهم معك عنك يقفون
ولا زاد مالك جوّك في كل ساعه=ومن قبل تدخل فالمجالس يهلون
امر وتلقى عندهم كل طاعه =لوّك تصلي شرق خلفك يصلون
لوّك ردي مافيك ذرة شجاعه=كلن ايقول ابشر ..وحاضر ..وممنون
المرجله صارت سوات البضاعه =كلمة (نعم) تنقال للي يزيدون
مركب زمنا المال يرفع شراعه=والطيب واهله فيه دايم يعانون
القرم غصبٍ فيه تقصر ذراعه=ياعزتي له..لا انتخى وقال : تكفوون
محدن بيفزع له يقدم شفاعه=ياكود..صك اعسار لا صار مديون
هذا الصحيح وكاسبٍ لي قناعه=من دون عشنا فيه ونموت في دون
يقوله اللي ماتغير طباعه=سوا ..سوا بريال ولا بمليوون
عصر التقدم والتطور صناعه=تشد لي واقطع غدت فيه قانون
الوقت الاول راح واعلن ضياعه=دام العرب مع سكة الغرب يمشون
وشلون منا القدس نرضى انتزاعه=وصدام ضحوبه قبل لايضحون
قلته وانا شاعر وعندي براعه=قافي يجي وافي ومعناه مضمون
ماهمنى نشر الصحف والاذاعه=ومن عادتي ماسمع وكالة يقولون
كم هاجسٍ فكري يرد اندفاعه=واهل الشعر في كل وادي يهيمون
عندي خيالٍ لو تعرف اتساعه=في ذمتي لتقول مبدع ومجنون[/poem]
سعد الحويماني
اسمحلي ان اقول :هذه ليست قصيده؟
نعم...هي أروع القصائد وأجملها
كل المعاني هنا وكل الإبداع