كيرلا .. فآتنة الهند ..

[( وجـه القمر )]

تابع المحطة الثالثة :

تكدي

الحلقة الثانية

.

.

خرجنا من أكواخنا مع شأشأة الضوء .. وفيئة العصافير :)
فطرنا وخرجنا لأول أنشطة برنامجنا

رحلة سفاري

وأي رحلة .. من جد كأني في فلم .. جيب مكشوف .. طرق جبلية وعرة .. طبيعة خلابة .. صوت الطبيعة .. طيور أشكال وألوان تطير هنا وهناك .. سناجب تراقبنا من فوق الأشجار .. باختصار .. حلم ..



ركبت الجيب دا .. ووقفت على المقعدة .. ونص جسمي فوق .. وجوالي في يدي .. أحاول القط كل شي في طريقي ..







وكان سواق الجيب ولد حلال .. يوقفنا عند كل منظر حلو عشان نصور .. وننزل نستمتع بهوا الصباح المنعش .. والمناظر الخيالية











ومشينا شوية ..





وقابلنا بقراتهم اللي شايفين نفسهم :)



وشوية الا احنا قدام الموقف دا



شاحنة في وجهنا والطريق يادووووب يكفي سيارة وحدة .. ايش نسوي دحين ؟؟ اضطرينا بما اننا احنا الصغار نرجع ورا مساااافة .. وبغينا نتزحلق ونطيح من الطريق .. بس الحمدلله ربي سلم .. وعدت المحنة .. قصدي الشاحنة .. على خير .. وكملنا طريقنا

وقفنا عند بداية طريق موحل .. يودي لفوق .. وقال السواق السيارة ما تقدر تطلع هنا بسبب الوحل .. حتتزحلق .. فحنطلع برجولنا .. وطلعنا برجولنا .. ووقع حادث بسيط .. اتزحلق أحد أفراد فريقنا هنا .. يريت كنت انا فديتهم كلهم



اتجاوزنا الموقف بسرعة .. وكملنا طرقنا لفوق .. كان الطريق طويل شوية .. بس خياااااااااااال









ووصلنا لقمة الجبل .. هنا اسيبكم مع الصور .. لأني أعجز صراحة عن الوصف .. ما اقول غير .. سبحان الله .. الله لا يحرمنا الجنة









وبعد ما متعنا أنظارنا بالمنظر .. وأسماعنا بنغم الطبيعة .. وأجسامنا وأنفاسنا بأنقى هوا .. رجعنا نازلين لجيبنا .. وفي الطريق لقطتلي كم لقطة لبعض النباتات والاشجار



شجرة فلفل أسود



موز



وركبنا جيبنا وكملنا طريقنا ..





وفي الطريق قابلنا كشك يبيع شاهي و خفايف .. أخدنا شاهي وطلعنا استمتعنا بيه في الجلسة الحلوة دي ..









وكملنا طريقنا راجعين لتكدي .. ومن هناك التقطنا سونين .. وودانا للفقرة التانية من برنامج اليوم .. اللي هيا الـ boating ..

ووصلنا للمدخل ووقفنا السيارة وكملنا الطريق مشي .. وكان المجال خصب للتصوير .. كل شي في طريقي حلو ويستاهل التصوير .. وطبعا انا ما قصرت :)



























قطعنا التذاكر .. وجلسنا في الاستراحة نستنى البوتات تجي







وهادا الأخ شكلو جالس يستنى معانا



وركبنا البوت .. ونسيت اصورو مدري ليش .. ومشينا في النهر ومرينا بجزر محمية .. شفنا فيها غزلان ع الطبيعة .. المرة دي غزلان من جد مو وعول .. وهادا اللي خلاني انقهر بزيادة ع الكاميرا .. لأني ما قدرت اقرب الصورة وآخدلها صور واضحة ..







شوفوا قطيع غزلان هنااااااااااااااك .. شايفينهم ؟؟



ودا بيت في وسط جزيرة منعزلة .. روووووووعة ..



غزالتين يرعوا ..





برضو غزالتين يرعوا ..



غزالة .. لا لا غزال يرعى



هنا شكلو منتجع في جزيرة منعزلة .. اتمنيت ادخل .. بس البوت فيه يمكن 100 واحد .. وما حيمشي على كيفي .. والا كان سويتها :)



ورجعنا مرسى القوارب .. ونزلنا على ضفة النهر .. استمتعنا شويتين بالموية وصفاءها ..







ترا دي مو كرة جولف .. هادا فطر :)



ولما بعدنا شوية



وفي طريق رجعتنا للسيارة ماما تعبت .. قام بابا وقفلنا تاكسي ..



أخيرا ركبت التاكسي أبو تلاتة عجلات .. اللي نشوفو في الأفلام الهندية
حتى الدركسون .. حقت دباب



مرينا السوق .. واشترينا شوية هدايا .. و شفت عشق النساء الأبدي .. الألماس .. وما قدرت اقاوم .. واشتريت لنفسي تعليقة ذهبية مرصعة بالألماس والياقوت ..



ورجعنا كوخنا الحبيب .. و ........ ياللهول ... تمساح فوق سريرنا















اكتشفنا بعدين انو مجرد مناشف

ونمنا استعدادا لرحلتنا الى محطتنا الرابعة .. كوماراكوم

.

.

و من الهند .. .. لكل من مر وسيمر من هنا :)

[خــــالـــــد]

[align=center]


ايش الهرجة ؟

وششششلون يعني ما أنزل تقريرنا ؟

كل شيء صورتيه يا وجه القمر .. أحس انك معنا في السيارة

ما شاء الله عليك تقريرك روووووعة

وسفرة موفقة

والحمدلله على سلامتكم

ما أقول الا يا زين طقة بشير هههههههههههه

المهم أنا رفعت نص الصور .. يعني بنزل تقريرنا ما علي منك

موفقة خيتو

[/align]

[( وجـه القمر )]

^^

اهلين بالاستاذ خالد

لا كيف .. جالسين نستنى تقريركم بشوق :)

ترا انا مختزلة الصور لـ 20% تقريبا .. والا لو بنزل كل الصور ما كفتني غرابيل هههههه

الله يسلمك .. والحمدلله على سلامتكم كمان

يلا شد حيلك ونزل التقرير .. أكيد بيكون حلو لأنو أبطالها كلهم من غرابيل .. بعكسي :)

وكمان عشان نقارن بين بشيركم وسونيننا خخخخ

نورت خيو

[أنامل الخير]

&& قمر غرابيل &&

صور خرافية

وجمال الطبيعة ساحر



واصلي يامبدعة غرابيل


وفقك الله

[( وجـه القمر )]

^^

ياهلا والله بفاتن

وربي منورة التقرير

وجودك وتعليقك يسعدني جدا

زورينا دايما :)

يسعدك ربي

[( وجـه القمر )]

منصور

حياك الله مرة تانية :)

نورت

[أبوعبدالرحمن]

بعلمك سر

رحنا لسفاري في تكدي

ومن الساعة 5 الفجر الى المغرب

وما شفنا حتى فار

متوقعين نشوف اسود وغزلان وزرافات


في النهاية ندور سنجاب وقرد ولا لقينا

ياخسارة البرد اللي جانا في السيارة المكشوفة


برد ومطر وطلعات تقطع الظهر

وفوق هذا لعب فينا ( العلق )


والعلق هذي طفيليات او دودة صغيرة تمص الدم وخطيره جدا


كل واحد كان نصيبة اربع علقات

لكن ابن ضاوي اخذ النصيب الاكبر وكان بيموت من علقة لعبت بحسبته

[ريـمـانـاآ]

؛



الحمدلله على السلامة وجه القمر
ما شاء الله صور تفتح النفس

واسلوبك حلو بالشرح :)

عيشتينا الجو
ننتظر البقيّة

[سعود]

يازين الغربه اللي خلتكم تطبخووون

طيب وين السلطات والحلااا ؟




سامي هههههههههه

كأنك محارب روماني


عموماً انتظر تقريركم بكل شغف


لان في جعبتي ضحك كثيررررررررررررررر



تحية عطرة

[سعود]

أحس غزلانهم عايشه في رفاهيه


عندها الخضره والمويه البارده وش تبي غير ؟


عكس غزلاااانا اللي عايشه بالربع الخالي في صحراء قاحله بدون مويه





والله صدقتك حسبته تمساح محنط وملفوف


والله هالحركة صعبة


طيب كيف خلو المنشفه راسها واقف ؟


إذا انتي ذكيه اكيد تعلمتي سر هذه الحركه وطبقتيها


تسلمين ياوجه القمر على هيك تقرير دوووخنا مع الطبيعة



تحية عطرة

[( وجـه القمر )]

بعلمك سر

رحنا لسفاري في تكدي

ومن الساعة 5 الفجر الى المغرب

وما شفنا حتى فار

متوقعين نشوف اسود وغزلان وزرافات


في النهاية ندور سنجاب وقرد ولا لقينا

ياخسارة البرد اللي جانا في السيارة المكشوفة


برد ومطر وطلعات تقطع الظهر

وفوق هذا لعب فينا ( العلق )


والعلق هذي طفيليات او دودة صغيرة تمص الدم وخطيره جدا


كل واحد كان نصيبة اربع علقات

لكن ابن ضاوي اخذ النصيب الاكبر وكان بيموت من علقة لعبت بحسبته

ههههههههههههههه

حتى انا ما شفت فار .. شفت طيور وسناجب وكلاب وبقر وبط بس

الله يعوضكم خير

بس كويس شفتو علق .. أنا ما شفتو :(

عموما الرحلة نفسها ممتعة وسط الطبيعة الحلوة

والحمدلله على سلامتكم وابو ضاوي من العلقات :)

[( وجـه القمر )]

؛



الحمدلله على السلامة وجه القمر
ما شاء الله صور تفتح النفس

واسلوبك حلو بالشرح :)

عيشتينا الجو
ننتظر البقيّة

ريمي

انتي فين يابت .. وحشتيني

الله يسلم قلبك .. ويفتح نفسك كمان وكمان :)

وانا انتظركم في البقية :)

نورتي ياعسل

[غـــربة الــروح]

نفسي اعرف وش يفكر فيه


قمري دخلت لاجل عيونك الحلوة

بس على فكرة اقطع ذراعي انك ما فهمت ايش معنى علق


انا ما فهمته الا بشرح ابو عبدالرحمن << اصدقيني القول


والله تقرير رهيب وصور اكثر من رائعة واسلوب مافيه اجمل منه


اموت بالتلقائية اللي توصل للقلب بدون استئذان


بسرق الوقت وادخل عشان تقريرك

يالله كملي والحمدلله ان العلقات ما جتكم

[سـااامي]

[align=center]


ايش الهرجة ؟

وششششلون يعني ما أنزل تقريرنا ؟

كل شيء صورتيه يا وجه القمر .. أحس انك معنا في السيارة

ما شاء الله عليك تقريرك روووووعة

وسفرة موفقة

والحمدلله على سلامتكم

ما أقول الا يا زين طقة بشير هههههههههههه

المهم أنا رفعت نص الصور .. يعني بنزل تقريرنا ما علي منك

موفقة خيتو

[/align]

تقولها صادق يا خالد ..... ماقول الا الوعد ... لا جينا بنروح لرومانيا

بناخذ الرحلة ... الرياض .... كوتشين ... نصفق بشير ... بعدها الى رومانيا

وبالنسبه لتقرير وجه القمر .... اووه .... اتعبت من بعدها <<< ما اتوقع ان وجه القمر بتفهم معنى

الجمله هذي بس ترى معناها مره حلو هههههه

.....

سعود

يا انت بتضحك ..... مابقى شي ماسويناه

نكت مقالب اصابات عنيفه وكدمات

ورح تسمع قصة (tell him) تل هيم هههههههههههههههههه


دمتم بود

[мαηѕoя]

**






وجه القمر
يــ سلآم ، روعه و قسم




:

على فكره ..

أحس وانا اطالع بموضوعك أني بشوف موكلي هنا و لآ هنا
متخبي و مسوي بيس ،،
هههههههههههههههه