المشاركة الأصلية كتبت بواسطة أبوعبدالرحمن
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ما عندنا في ديننا غير عيدين =عيد الفطر يتبعه عيد الضحيّه
وأنا ما اقول العيد موعده هالحين = لكن أبهدي لقلبك أحلى هديّه
واكتب وأبارك واحتفل بك بعامين =بعامنا الهجري وبعده خويّه
باركت لك بالعام من قبل يومين =محسوب ضمن الهجرة الهاشميّه
عامٍ جديد وكان في يوم الاثنين = وقلنا هذاك اليوم يا الله حيّه
واليوم راس العام من غير تخمين = راس السنه للدوله الاجنبيّه
وأنا بهني اليوم باللي تحبين= واختاري أنتي والقصايد عليّه
يا وردةٍ ما مثلها فالبساتين =راحت عليكم يالعطور الشذيّه
اللي عشقوا غيرك تراهم مساكين = يا ليتهم ذاقوا غرامك شويّه
كان عرفوا إن الحلا موطنه وين = في زينك اللي ما على الناس زيّه
أبسألك تدرين وألا ما تدرين =غلاك سبب في كياني قضيّه
سببتي أزمة بين كل الشرايين =كلن يقول إحساسها مر فيّه
وألا ادخلي قلبي دقيقة ,, وتلقين =صورتك من زود الغلا شاعريّه
وألا الخلايا في غرامك مجانين =ما غير أصبّرهم ,, خليه خليّه
وألا أقول أخذي شهادة من العين =على غلاك تقول ميه بميّه
ولو كان تنطق بالغلا راحة يدين = تكلمّت يا بعد عمري يديّه
لرضاك أنا أصبحت ( جملة محبين ) = واحد وفيني لاجل حبك سريّه
يعني فرضتي في حياتي قوانين = ارضخ لها دام العلاقة قويّه
[/poem]
رد مع اقتباس
