الدرس الخامس من دروس الشعر النبطي ( الهـجيني الطويل ) ... أمل عبدالعزيز ...

[وجــــدان]

مساء الخير

أعلن إشتياقي وتقديري لهذا المتصفح

فاتني الكثير ولكن سأحاول اللحاق بالصحب هاهنا

إنتظري عودتي بالتطبيق

هلا ومرحبا فيك يالهيفاء

ونحن بشوق لحضورك ولمشاركاتك وسأعود لتطبيقك

حيّاك الله مجدداً

وتحيتي لك

[وجــــدان]

الله يسعد صباحك الأخت الغاليه
<< وربي مقهور على إسمي الأول عشرة عمر
<< وده يبكي

بس ولا يهمك يمكن هالخطوه تصير فاتحة خير علي

القصيده بنزلها اليوم بحول الله
وبتكون فيها مفاجأه بإذن الله.

ماجد نصّار

هههههههههههههه

متحسف على الاسم

بسيطه اسمك احلى منه وبيكون فال خير عليك بحول الله

تحيتي لك

[وجــــدان]

,
,

هلا وغلا
يالله حيها راعية الطلة العسل

.


الحبيبة الغالية ( وجدان ) ...
ماشاء الله لاقوة إلا بالله
صح الله لسانك
وبيض الله وجهك
وبصراحة والله مالومك
لو أنك لعنتي خيرة في الأبيات
موب لشيء بس المنتخب قهرنا
ولكن ياعسى بالامر خيرة
.


المهم
وين غطستي؟ حطيتي الرد ومعاد لك شووووووووفة <= بدأت تحاسب وجدان:احم:

وربي يسعد قلبك على هيك أبيات رووعة
وياعساه هالدلخ يستاهل بس:هاها:

معلمتنا الرائعه أمل

الله يسعدك ويجبر خاطرك يارب وصح بدنك

والجدول ملخبط على الأخير والله

ههههههههههههههه

والدلخ يستاهل وبقوه

هههههههههههههههههههههه

تحيتي لك

[وجــــدان]

الأخت الغاليه إلى يوم يبعثون ,
أشكرك على هذا التشجيع الدائم
لكِ ماطلبتي قمت بتغيير معرفي إلى إسمي ( ماجد نصار)
ولكِ وللجميع أقول لكم هذه المعلومه
هذا البحر كتبت عليه بعض القصائد ولكن يعلم الله لا أعلم ما إسم هذا البحر
ولكن وجدت هنا الفائده الكبيره ليس بهذا الحبر فقط بل بجميع البحور السابقه
وجدت الصوره تتضح لِي شيئاً فشيء
فكل الفضل بعد الله يعود لكِ أنتِ وبقية زملائك في هذه المدرسه
( صلاح الأحمدي , نيايف العتيبي , وجدان)

وسوف نكون معكم إلى النهايه. .

ماجد نصّار الشاعر القادم بكل روعه

اخوي انت ماشاء الله عليك شاعر من قبل ولكن كنت متردد شوي في الافصاح عن نفسك وكنت يمكن متهيب من الخطوه الاولى وتواجدك معنا هنا كسر يمكن هالحاجز واضاف لمعلوماتك الشي البسيط ولكن موهبتك أصيله والله

بالتوفيق ولك تحيتي

[وجــــدان]

السلام عليكم ورحمة الله وبركاته

كيف حالكم مع المدرسه

وهذا انا رجعت مره ثانيه

انا لي شهر ماكتبت قصيده

لاني مليت من كثر مايقولون الشعرا عندك كسر

وان شاء الله في هذا المحاورلة تحسنت لو قليل

اسف على اني طولت بالهرج

محاولتي[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

قلات لي حاني وقت الودااعي=ولابعده شوفه ولا صدفه
الحب من بيننا ماله دااعي=مانبنا على ساس ن ولا خفه[/poem]

حياك الله شاعر مبتدي

أبياتك ياعزيزي بعيده صراحه عن الوزن المطلوب بالهجيني الطويل اضافه للغلطات الاملائيه الكثيره واعتقد انك ماراجعت الأمثله الغنائيه اللي بالدرس لاني متأكده لو حاولت تغنيها على لحن منها بتكتشف الشيء هذا بنفسك وبتكون أبياتك بعد التعديل :

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جت ودعتني بزياره وزادت أوجاعي=وقالت لي مابعدها شوفه ولاصدفه
والحب من بيننا ماله أبد داعي=مات الهوى اللي بنيناه ولقى حتفه[/poem]

ملاحظه ثانيه وهي القافيه لابد تنسجم مع بعضها البعض فكلمة صدفه لاتتفق مع خفّه لأن الفاء في كلمة خفّه مشدّده بخلاف كلمة صدفه

بانتظار تطبيق آخر منك يفي بالمطلوب بس انت حاول تكرار التفعيله ومراجعة الأمثله الغنائيه

شكراً لحضورك

ولك تحيتي

[وجــــدان]

شكراً لك أخي ماجد نصار على ترحيبك

وإن شاء الله أستمر للنهاية

\
/
\
/

غاليتي وأستاذتي / أمل

لك الشكر لترحيبك الحار و لسؤالك عن زوجي

تقديري لمشاعرك الأخوية وهذا تطبيق كيبوردي ينتظر نقدك :


أمل سألتيني خالد وش اخباره
قلبي اناديه ومايقدر يلبيني

يا لله ياعالم بالغيبِ واسراره
تشفي حبيبي اللي بالحيل يغليني

بانتظارك غاليتي

هلا بالهيفاء

وبنراجع تطبيقك لحين حضور معلمتنا ياغاليه

بصراحه تطبيقك أكثر من رائع صح لسانك ماشاء الله عليك وموزون بشكل صحيح على الهجيني الطويل ماعدا الشطر الأخير فقط وبنعدّله تعديل بسيط :

[poem=font="Simplified Arabic,5,burlywood,bold,normal" bkcolor="teal" bkimage="" border="ridge,4,teal" type=2 line=0 align=center use=ex num="0,black"]
أمل سألتيني خالد وش اخباره=قلبي اناديه ومايقدر يلبيني
يا لله ياعالمٍ بالغيبِ واسراره=تشفي الحبيب الذي بالحيل يغليني[/poem]

والحين غنّي الشطر الأخير قبل التعديل وبعده وبتلاحظين الفرق

الله يحييك مره ثانيه ودعواتنا القلبيه لزوجك بالشفاء العاجل ان شاء الله وربي يخلّيكم لبعض

وبانتظار أبيات أخرى منك وتواصلك معنا يسعدنا يالهيفاء

وتحيتي لك

[وجــــدان]

اموووووووووووووووووله انا ضيعت

اغنيت تفارق لعبد المجيد عبد الله توها جديده
اذا تفارق شخص عادي مصيبه
وشلون لو فارقت منهو تحبه
انتي قلتي انها على المسحوب
بس غنيتها على الهجيني الطويل وجت معاي
؟؟؟؟؟

الأخت ساره السامر

حيّاك الله عزيزتي وبالنسبه لهالبيت :

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اذا تفارق شخص عادي مصيبه=وشلون لو فارقت منهو تحبه[/poem]

هذا على بحر المسحوب ولايمكن يتغنى على بحر الهجيني الطويل لاختلاف الوزن وعشان أوضّح لك الصوره بعطيك مثال غنائي لبحر المسحوب وهو أغنية خالد عبدالرحمن :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أهلاً هلابك يابعد كل من لي=يااغلى من الغالين ياروح روحي
يفز لك قلبي وارحب واهلي=تطيب في قربك جميع الجروحي[/poem]

لو غنيتي البيت على لحن خالد بيضبط الوزن معاك تماماً
وبالمناسبه أيضاً قصيدتك ( تبت يد الحب ) اللي بشعراء المستقبل على نفس بحر المسحوب والاخوان هناك ماقصّروا بالتوجيه ولكن حاولي نفس الشيء تغنينها على لحن اغنية خالد وبنفسك بتلاحظين مواطن الخلل في القصيده وهذا أسهل لك من التفعيله بكثير بس المهم تضبطين لحن الأغنيه وتغنين ابياتك عليها

وتحيتي لك

[الهيفاء]

الغالية وجدان

لك الشكر الجزيل على مشاعرك الطيبة أسأل الله له العافية العاجلة

وجميع مرضى المسلمين

ولدي استفسار حينما أغني البيت

يا لله ياعالم بالغيبِ واسراره
تشفي حبيبي اللي بالحيل يغليني



وأصل كلمة حبيبي بما بعدها على النحو التالي لا أشعر بما يعيق اللحن

تشفي حَبِيبَاللي بالحيل يغليني

أرجو توجيهي غاليتي وسيكون لي تطبيق آخر بمشيئة الله

[وجــــدان]

الغالية وجدان

لك الشكر الجزيل على مشاعرك الطيبة أسأل الله له العافية العاجلة

وجميع مرضى المسلمين

ولدي استفسار حينما أغني البيت

يا لله ياعالم بالغيبِ واسراره
تشفي حبيبي اللي بالحيل يغليني



وأصل كلمة حبيبي بما بعدها على النحو التالي لا أشعر بما يعيق اللحن

تشفي حَبِيبَاللي بالحيل يغليني

أرجو توجيهي غاليتي وسيكون لي تطبيق آخر بمشيئة الله

غاليتي الهيفاء

تسلمين على حضورك وسؤالك ياعزيزتي

ولو رجعتي لردي الأول تلقين اني طلبت منك غناء الشطرين قبل وبعد التعديل وكان هدفي من كذا انك تلاحظين الفرق ويمكن ماكنت انا واضحه في ردي وهو ان الشطر ليس مكسور ولكن فيه ثقل عند الغناء وفيه فرق بين الكسر والثقل

اذا كان الشطر مكسور فمن المستحيل غناءه بأي طريقه وعلى أي لحن أما اذا كان فيه ثقل فستجدين ان اللسان يثقل نوعا ما في موطن ثقل البيت اثناء الغناء بينما اذا كان سليم من الثقل ستجدين انك تغنينه بكل ارتياح وبدون أن يتعثر اللسان في أي كلمه منه

وبطلب منك نفس الطلب الحين بغناء الشطر على اللحن المناسب معاك قبل تعديله وبعد ولاحظي الفرق في خفة البيت أو ثقله واعود واكرر الشطر ثقيل فقط وليس مكسور ياغاليه

وبانتظار عودتك وتواصلك الدايم معنا

تحيتي لك

[نياف العتيبي]

السلام عليكم ورحمة الله وبركاته

كيف الاحوال ايها الاحبه


اعتذر وبقوه عن تأخري عن الحضور مبكرا ً

ولكن يعلم الله من مناسبات هالصيف وترحاله

واحب اهني اموله على القسم ولوهي متأخره

لكن يبقى القلب الكبير يتسع للجميع

واشوف الغالي اللي منورنا باسمه الجميل

واقول مبدع ياماجدنصار وحياك وحي حضورك

وفعلا ً شاعر تستحق الاحتفاء هنا وهناك
ودي اشكر اخوي صلاح على اضافته واقول تبقى مميز باضافاتك ومداخلاتك

المشاغبه كيف احوالك .. قالت دلخ .. الغيبه احذرن منها خخخخخخخخخخخخ

لي عوده بتطبيق خفيف


النااااايف

[ماجد نصار]

تسلم والله الغالي نياف
الله يبارك بعمرك وبأيامك
والله لك وحشه
وانشاء الله يخلص الصيف
ونشوفك زي اول واكثر.,

[أمل عبدالعزيز]

,
,
,

الله الله عليكم وبس

وجدان الله لايحرمنا يارب من تواصلك الرائع

بالفعل هنا مدرسة شعرية

وتبادل أكثر من رائع للكل.
.

الله يعطيكِ العافية يارب ويسعد قلبك ياغلاتي

نياف هلا والله

وين الناس؟

المهم والله وحشتنا ياخي وشكلي باخصم عليك بدل هروب
وتسرب
.
.

وربي يوفق الجميع

وجدان الله الله فيهم
وموفقين يارب

[نياف العتيبي]

تطبيق إن شاء الله يجتاز ونفتك من المديرهـ



[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خليـّه قلب ٍ همومه مالها تالي = يشيل همك على همه ويشقابه
تريحي يابعد من قيـّل له غالي = الهم ماله على حلياكم طلابه
إن كان له دين انا سداد بالمالي = وإن كان ماله بلاش يحدّ في نابه[/poem]

[ماجد نصار]

السلام عليكم ورحمة الله وبركاته
الصبح مدري ليش كله دعاوي
ماخليت احد مادعيت له

وفي الاخير جمعت كل الدعاوي
ولقيت انها بس لواحد:مزون:

أتمنى اشوف النقد عليها مو بس في الوزن والقافيه, حتى في المعاني ابي نقد

[poem= font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله يعذبك في حبي ويغفرلك =ويبعدك عن قصي الناس والداني

ويقبل صلاتك وصومك ثم يجبرلك=كل بيت مكسور ماتعرف له اوزاني

ويقبل زكاتك ويرحم جفن يسهر لك=ويزودك من غرامي لين تهواني

ويقبل طوافك وحجٍ لو تيسر لك =ويهدي ابن عمك ويهدي اكبر اخواني

ويفك حجر ابن عمك يوم يحجر لك=ويزوج لبنت عمي واحدٍ ثاني

ويجمع قليبي بقلبك يوم سير لك=في بيت واحد على دستور رباني

والله يجيب المطر حتى اني انطر لك=عند الغدير واشيل الشوق بحظاني

ويارب ترسلني امي لجل اشقر لك =حتى لو اضطر أدس الملح بالعاني [/poem]:مزون:

[أمل عبدالعزيز]

,
,
,

الشاعر العذب والمبدع والقادم بقوة إلى هذه الساحة الراقي ( ماجد نصار )...

في القصيدة فكرة جديدة ومعاني متناسقة
بالفعل ياماجد أشكرك من كل قلبي على تمكُنك من وحدة القصيدة وهذا قلَّما نجد من يجيده
تساؤولك وطلبك للنقد هو الطريق الحقيقي للوصول للقمة ولتحقيق كل الأماني ...
ماجد
أنت شاعر مبدع
روحك راقية نقية
.
.
على فكرة الملح لو سمحت لاتدسه هههههههههههههه

ومتى نشوف الحلاوة هذي في النبطي؟

ربي يسعد قلبك وبس