وصايا شاب

[عبد المجيد بن عريج]

السلام عليكم ورحمة الله وبركاته

هذا مقطع من قصيده كنت قدمتها إلى واحد من الشباب وافي شرواكم
لكن كانت تشوبه بعض الصفات اللي ماحبيتها فيه
فحاولت أقدم له النصيحه بشكل غير مباشر من خلال ذكر الصفات اللي أحب أشوفه يتصف فيها وإلقاءها أمامه لكي يفهم ويعي ماأريده أن يسمعه,

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

أبني على صدق النوايا صروحي= والله يعلم وش تدس النوايا
مقدام وعزمي يشعل الدرب ضوحي= يسرج على روس المعالي مطايا
القمه العليا تمثل طموحي= ومن دونها والله تربت يدايا
والرايه اللي فوق عالي تلوحي= هاذيك ضوي فوقها للبرايا
يشب منها كل كفو وسموحي= ويصد عنها كل نذلن تعايا
هذي علومي ومن بغا العز يوحي= يتبع طريق أهل الوفا و السوايا
يسلك طريقن للمعزه تروحي= يتوب قبل اتجيه سود المنايا
خل الكبر ياصاح وكثر المزوحي= وأترك هروج أهل النمم والحكايا
وسلم على أقرابك وواصل وروحي= واصبر ولاتجزع من أقوى البلايا
واظفر بذكر الله وعنك يروحي= هم الكدر والضيق وتجزى جزايا
هذي علومي ومن بغا العز يوحي= يتبع طريق المتصف بالسجايا
محمد اللي بالعظايم له أوحي= صلوا عليه وسلموا يالبرايا

[/poem]

وسلامتكم

بن هادي شرواك الطيب .. يالقرم

وبيض الله وجهك عزالله انك وفيت وكفيت ..

وجبت وصبت .. وقلت ونلت

لاخلا ولاعدم يالقرم


حكيم من عود حكيم ..

بنتظار جديد يابوهادي

[فخر أهلها]

صح لساانك ياسلطان

ابيات فيها الكثير من الحكم

بانتظار جديدك