[align=center][/align]
»«»«»«»«»«
♣خذني بحضنگـ ♣ 31
«»«»«»«»«»
لفصل الاول
║║║ لاإلـہ إلا انتـ سبــــحانـگ
إني گنـتـ من الظـالميـــن║║║
... ... ... ... ... ...
... بيت أم حاتم ...
... ... ... ... ... ... ... ...
-- كانت جالسه بجناحها مع ميهاف
وشادن نايمه على رجلينها أما احمد وخالد في الصاله عند الجده وحاتم ومازن ومعتز ونواف وهند وتوأمها
بشاير/ أقول ميهاف وش رايك نروح لسوق بكره بعد المغرب
/ وش عندك؟
/ بقضي ملابس صيفيه لشدونه وخالد
بتفكير/ مدري
/ أنتي ودك تروحين؟
/ماابي أوعدك وارتبط مع معتز.
تدرين نروح بس نرجع بدري عشان عيالنا مايلجون أمي
/ زين
/بشاير
/ هلا
/ مرتاحه هنا؟
بدهشه/ كيف هنا؟
/اقصد بين أهل البيت؟
/ إي والله وراحه ماتتصورينها
صح كان ودي اسكن ببيت يسمى بسمي وأصير ملكه فيه بس يمكن كان خيره على اقلها خالد يلعب مع عيال خالي وشادن أحطها عند هند لاصرت مشغوله ....
****
****
****
****
****
**** في الصاله ****
مازن/ نواف أشوف أهل سعود جايين من جده
/إيه دق علي وقالي وجابه أبوه عندنا مرتين ولعبنا مع العيال كوره في الشارع...
معتز بسخريه/ دقلــــي ... وش هالحركات الصعبه ياولد
حاتم/ تراه رجال معاد هوب بزر
رز عمره بفرح
الجده/ الله يخليه لعين ترجيه
ضمه حاتم لصدره وباس راسه
صد معتز لمازن/ أقول مزون تذكر يوم نخطفه ونحطه رهينه
مازن/هههه تصدق هالسالفه قبل مانعرس
حاتم/ يومكم دلوخ
احمد / نواف
/هلا
/ حبيبي جب خالد يمكن طلع لشارع
/إن شاء الله
الجده/ أبو معاذ
/سمي
/ورا ماجبت بنتي أشوفها؟
/ قلتلها بس قالت مشغوله
هند /الله يعين
دخل نواف جايب خالد
/ احمد شفني دخلته ورجع للحديقه وتراه فاتح المويه
قام احمد وطلع له
معتز/ مازن
/هلا
/بالله افتح بلوتوثك
يضحك/ وش عندك؟
/افتح وتعرف
فتحه مازن وجاه رساله
( شف فارس عند الباب حق المطبخ وش رايك ننحاش به)
رد (لا بناخذ كادي الولد عنده غيره بس البنت مايصبر عنها)
( طيب وشلون وهي بحضنه)
( اصبر شوي وانتبه لااشرت لك شلها وانا بسبقك اشغل السياره)
ضحك معتز وضحك مازن معه
احمد بتعجب بعد ماجلس/ وش فيكم؟
معتز/ قرينا نكته
نواف/ بابا بروح لسعود
/ حبيبي الساعه9 متى بترجع لو رحت الحين؟
/إذا مشوا العيال دقيت لسواق
/ بتجلس ببيته وإلا بشارع؟
/لابنلعب بلايستيشن بملحقهم
/ طيب يوديك السواق ويجيبك؟
بعدم اقتناع/ طيب
طلع ولحقه ابوه
دقايق ودخل نزل كادي وجلس جنب هند وخذا جوالها ودق لبشاير
بشاير/ هلا هنود
حاتم/ شوفي انتي مرسله السواق مشوار
/لا
/يالله اجل
سكر وصد لاحمد/ ماتدري وين راح السواق
سمعته الجده/ انا مروحته للجمعيه الخيريه يودي ملابس لعيالك مايبونها واغراض لسمر ونعال وشناط
حاتم /متى راح؟
/قلتله يوديها لافضى
/ اجل بروح اودي نواف لربعه
قام ولحقته كادي صد وشالها
استاذن مازن ومعتز وطلعت ميهاف معها راكان ( ندى ونوره جلسوا في بيت جدتهم مع عيال ثامر)
... ركبت ورا وسدحت راكان جنبها إلا وتشوف معتز ومازن جايين ركض ومعهم كادي تبكي
ركب مازن وشغل على طول
وفتح الباب لمعتز وحرك بسرعه حتى مابعد سكر معتز الباب وماتوا ضحك
على حاتم اللي جاي يركض لانهم مشوا مالحق عليهم طل معتز من الدريشه /بنوديها تعرف على سواقكم إن كانه مخطوف .
ميهاف بشفقه/ حرام عليكم
مازن يضحك/ احسن
صد معتز وعطى كادي لميهاف اللي حضنتها تهديها/ خلاص ياقلبي ...وين بتنومونها؟
مازن/ ماراح تلحق تنام ابوها بيطب عليكم ينغص نومتكم
معتز/ اجل خذها انت؟
/لا ياحبيبي سوري مااقدر ناسي ان ريمو بنته يعني متى ماطب علي بتفتح له ويمكن تساعده علي ... إلا وشرايك نكمل السهره عندي
ميهاف/ لاتكفى مازن انا نزلني ببيتي بناتي هناك
بعد ½ ساعه
/ ادخل حياك
وراح سيده لغساله اليدين وغسل وصد على شهقة معتز اللي واقف على الباب وماسك يد كادي شافه يشيلها ويركض برا
استغرب بس تذكر انه ابطا على ماوصل ميهاف فأكيد خاله وصل قبلهم وقبل لاتخمر هالتوقعات بذهنه إلا خاله طالع قدامه يركض ومن شاف مازن حول عليه كان بيركض بس الطريق مسكر فضحك وسوا نفسه مطنش وقدم لخاله إللي مسكه ولف يده بعنف لورا صرخ بالم وجتهم ريماس تضحك/ هذا جزا من يتعدا حدود خاله
بصوت فيه نبره استعطاف
/آ آ آ ه خالي كسرت يدي
/ وبكسر رقبتك بعد عشان لابغيت تخطط تخطط بعيد عني
/هذي خطه ابو راكان انا لاخططت ولاخطفت
بسخريه /بس سهلت دربه
يضحك/شسوي افزع لولد عمي
بدهشه/ على خالك!!
يضحك /انت بعد لو بغيت تنتقم منه ابشر بالفزعه
ريماس بدهشه /خاين
طالعها/ انتي اسكتي يالمتستره على ...
زاد على يده وبلع باقي كلامه
/ آ آ وه تكفى خالي التوبه
/التوبه ماتنفع الحين
جت غاده من غرفة العابهم
بعد ماسمعت صوت ابوها(غرفه النوم اللي تحت حولها لغرفه العاب وباحد اركانها سبوره لارسم وعلبه الوان مائيه وخطاطات فلومستر)
شافته يتألم بسبب خالها راحت لامها ومسكت يدها بشفقه لحال ابوها/ ماما خليه يترك بابا
جلست القرفصاء جنبها/ لاخليه عشان مره ثانيه يتوب
انقهرت من امها وبكت/ بابا
مازن /لبيه ياقلب بابا ...
يضحك/ خلاص رح لابو راكان عطه حقه بعد
رحم غاده ودف مازن بقوه / اشوفك عايدها
يمسج يدينه /ابشر
صد لها ومن شافته درت انه ناوي على شر راحت عند خالها
/ خليه يفكك لا لعنت خيرك
ضحكت / اكيد بيفكني
بس فاجئها خالها لما طنشها
وطلع يدور بنته
صدت لمازن وغمزت له/ وحشتني
بمكر فتح يدينه/ يابعد قلبي وانا اكثر ..
قربت منه بخوف مسكها وسوا نفسه بيبوسها وعضها بقوه
وتركها لانها قرصت يدينه وضربته /ههههه تعورك
دفته عنها إلا ويصدم بخاله وراه توه بيصد إلا ويصرخ خاله بنفاذ صبر / كااااااااااااااادي وينهـــــــــــــا؟
/ ههههه مالقيتها؟
دفه بقوه على الكنب وخنقه
قام يصرخ ويتوسل بس خاله معصب حده
/ وينها؟
/ والله مدري ابو راكان انحاش برا كح كح كحححح كحح
بخوف دفت خالها عن صدر مازن ولما بعد عنه جلست جنبه وباهتمام وخوف /عورك؟
فهم قصدها وابتسم خاف خاله يحس بشي همس لها/ لا
/اكيد؟
اهمل سؤالها وجلس / صدق فيصل يوم قال عنك مفترس
طنشه/كادي وينها؟
/دامك مالقيتها فاكيد خذاها ابو راكان معه
طلع بعصبيه
ضحك مازن وصد لها/ بيذبحه
/انتوا اللي جبتوا هالشي لانفسكم
دخل يده يدور جواله بس مالقاه / الله يشهد كنت بحذره بس الموضوع طلع من يدي
... وين العيال؟
/زياد نايم ومعاذ طلع مع تركي لسعود ...
مسك يدها بحب/ خفتي علي؟
/بصراحه كنت مستانسه وخالي يأدبك بس من حط ركبته على صدرك وخنقك دق براسي ناقوس الخطر ماحسيت بنفسي إلا وانا دافته ...
رفع يده لمكان عضته بخدها
/تعورك؟
سحبت يده وباستها/ فداك
صد يدور غاده/ وين غدوي؟
/يمكن رجعت تلعب
فز فجأه/ لايكون خالي خذاها ثم اذبحه صدق
ضحكت/ بنتك غاليه عليك وبنته رخيصه
ضحك/ لا بس هو مفروض تعود على خطف عياله
بصوت عالي/ غــــــــــــاده
طلعت له وبنعومه / لبيه
/لبى قلبك
راح وشالها يدور بها وباسها/ ليش ماضربتي خالي يوم طقني؟
ببرأه / هو عنده عضلات وانا ماعندي
نزلها ومسك يدها /تعالي نروح نجيب معاذ ...........
صبــــــاح جديــــــد
~~~~~~~~~~~~~... دخل عليه بمكتبه /صباح الخير عالناس المصحصحه
رفع راسه وابتسم/ صباح النور عالناس المتأخره
مازن /ههههه
بدر /متى نمت البارح؟
بشك/ ليش؟
/دقيت عليك رد ابو راكان يقول عندنا حاله استنفار
ضحك/ تطاقينا مع خالي وعياله ...
/حرام عليك مايكفي وش سويتوا به في المزرعه
يضحك بدهشه/ عشان رميناه بالمسبح
/يكفي انه طاح مادرى ولا بثوبه وشماغه حتى نعاله
/ احسن ياهو البارح كسرني ... إلا جاك البريد
/ايه بمكتبك ومعه اوراق للموظفين الجدد .....
||||||||||||||||||||||||||||||||||| اللهــمـ ان مغفرتك ارجى من عملي وان رحمتك اوسع من ذنبي اللهــمـ ان كان ذنبي عندك عظيما فعفوك اعظم من ذنبي ياارحم الراحمين
* من دعــــاء بها عقب كل صــلاه لا يطــــلعه الله يــومـ القيامــــه على قبيــــح اعمالــه ولا يفتــــح ديوان سيئاتــــه* ||||||||||||||||||
|||||||||||||||||||||||||||||
_____________ __________________________________________________ ___
بيــتـ امـ حـاتـــمـ
الظهــــــر
بعـد يـومـيـــــنـ
~~~~~~~~~~~
... / هاه وش قلت؟
/ اقول ماطلبتي .. بس اشوف رجاجيل بناتك
بعجله/ دق الحين؟
يصرف / خافهم يتغدون!!
بنقمه /والتليفون بيرده عن الغدا ..
بإنهزام/ ابشري
خذا جواله ودق على ابو هيثم/ الو
حاتم/ هلا سلام عليكم
/ وعليكم السلام
/ عسى منت تغدا؟
/ لا مابعد تغدينا
/طيب وش رايك نتعشا الليله بالمزرعه كلنا
/حريم ورجال؟
/ايه امي ملزمه تقول عشاكم علي
/ ياحليلها عمتي هالمره مبطيه عن غرسها
/ هههه هاه ادق اعزم
/ اعزم .. الله يعينها
/طيب بلغ ام هيثم وعيالك بدق لابو ثامر ومهند يجيب جدي معه
/ ابشر
... سكر وصد لامه/ تمموا لك
بثقه/ اعرف عيال اخوي مايردوني
دخل احمد وسلم وجلس جنب جدته باس راسها/ وشلونك يمه؟
/زان لونك ..ترا العشا بالمزرعه حريم ورجال
يطالع عمه/ وش الطاري؟
حاتم /امي عازمتنا
باس راسها/ بعدي والله
طلعت هند تقول لحاتم يدق لاحمد إذا بيتأخر بس شافته
احمد بمكر / حيا الله ام كادي
/اولا ليش تأخرت؟ ثانيا اسمي ام نواف
الجده/ اقديتي فيه
احمد بدهشه/ افا ا ا ا ترضين لي بتفشيله
حاتم يقهره/ بعدي والله يأم نواف
ابتسمت/ احمد ناد بشاير للغدا
/ ليش وينها؟
/ تقول بتنوم شادن قبل الغدا
قام /ابشري
دخل جناحه وعلى غرفه النوم سيده
كانت متربعه على السرير ومعطيه ظهرها للباب وعلى رجلينها شادن نايمه وقدامها خالد منسدح يلعب بجوالها
قرب ومسكها من كتوفها باندفاع
فزت وصدت له ضحك وباس خدها/بسم الله عليك
بعصبيه /سخيف
ضحك/ وحشتيني
/....
جلس جنبها/ العشا بالمزرعه
بفرح/ حلو وافق خالي
/ ليش رافض؟
/لابس قلنا من زمان عنها قالت جدتي بتقول لابو نواف ..
/ ابشرك وافق ...
قامت وسدحت شادن وغطتها ونزلت خالد وتوجهت للباب
بتعجب/ ويــــــن ويـــن!!
/بنطلع نتغدا
/ وانا صايم اجل
ضحكت/ بس انت بتطول
قام لدوره المياه/ انتظريني
جلست على الكنب / طيب بسرعه
دخل الحمام من هنا وطلعت بخالد من هنا
... جاهم كانوا على الطاوله والجده تشرب مويه بعد كبسولاتها
جلس وطالع جدته/ صحه يام احمد
ضحكت/ بيغارون بعض الناس
حاتم بكبريا/ اغار من هذا ،،،
ضحك نواف وطنشهم احمد و صد لبشاير وطالعها بنظره لو كانت تحكي قالت حردها لك ابتسمت وقامت تلعب بحواجبها فجــــــأه فزت مع صرخه صدوا لها وانحرجت /اشوا حسبت العصير بينكب علي
هند إللي كانت منتبهه لهم قالت بمكر/ بسم الله عليك ..... ..... ...
..... ..... ..... ..... ..... ..... ..... ..... .... ..... ..... ..... .....
العصـ..... .. ..... ...ــر
ـــــــــــــــــــــــــ ــام هيثم/ يالله ياريناد خلينا ناصل قبل المغرب نتمشى فالنخل
تلبس نوف جزمتها ( وانتوا بكرامه)/ انا خلصت بس ابوهم وينه؟
/طلع لسياره معه الوليد
ريناد تكلم نوف/ يالله ماما اطلعي مع يمه لسياره
ركضت لجدتها اللي مسكت يدها وطلعوا
بصوت عالي /تــــــركــــــي
دخل عليها/ لبيه
/بابا شل شنطه اخوانك بلبس عبايتي
شالها وصد /بننام في المزرعه؟
/ مدري.....
+++++++++++++++++++++++++++++++++++
§ بجنـــاح .ـ.ـ.ـ. §جالس عند التلفزيون وبيده الريموت والثانيه فوق كتوفها
وهي بيدها خيوط من طرف جلابيتها(موديلها كذا)
وتلفها على اصبعها وتفكها نزل يده ومسك يدها حسها بارده وابتسم / ليش متوتره؟
تصرف/ انا
/ايه
هزت كتوفها بمعنى مو متوتره
/طيب قومي اجهزي بنمشي بعد شوي انا وانتي وجدي
قامت ودخلت الغرفه وجلست قدام التسريحه ويدها على بطنها تنهدت بأحساس فرح
بس دايم يشغلها حياها الزايد كثير تقول مافيها شي زوجي ولازم اتجرأ عليه ومن تشوفه تنسى كل هذا ابتسمت لما شافت انعكاس صورته بالمرايه
بدهشه/ ماخلصتي؟
قامت / لابسه بس قوم سعود بروح للعنود شوي
مسكها /وش تبين منها؟
درت انه كاشف كذبتها ابتسمت /طيب خلاص بجيب ملابس لسعود
/ ايه كذا
تركها وانسدح جنب سعود/ بابا سعودي ...((3 سنوات))
باس خده وشاله وسدحه على بطنه /بابا حبيبي
قام وخذاه معه للحمام غسل وجهه وجابه لسمر تلبسه وبعد مابدلت له شاله ونزل يركب جده على ماتنزل ........
######
remas
######
بطفش/ مازن يالله
منسدح بسرير غاده
وعياله معه يلعبهم/.....
قربت وضربت كتفه بعصبيه/ لما كنت بروح مع خالي رفضت والحين منسدح
يكلم غاده وهو لازال منسدح على بطنه والكيرم على السرير قدامه / صبر صبر طلعي اللي سرقتي
ببرأه/ حقتــــــي
معاذ بدهشه/ لاتردين اصلا هو بعد سرق الخمسين على باله ماشفته
شهق بتصنع/ انا
غاده بزعل / ياحرامي
ضحك وكب الحبوب حقته
على الكيرم
/هونت اجل انا حرامي
سوا نفسه زعلان وقام
/ معاذ نزل زياد وانزلوا بلبس واجيكم عشان نروح للمزرعه
بفرح/ طيب
دخل شافها جالسه وبيدها برواز صوره ضامته
ابتسم وجلس جنبها بعتب/ ليش صايره عصبيه؟
صدت له/ وعدتني تروح للمستشفى ولا رحت
بعد فترة تأمل
مسح على شعرها/
( قل لن يصيبنا إلا ماكتبه الله لنا)
/ونعم بالله بس ا.....
وقف باعتراض وسحب يدها معه/ تأخرنا
نزلت صورته ومشت معه بانقياد ....
__________________________________________________ ____________________________________________
المـــزرعــــــه
... حاتم بجنبه امه وماسك يد كادي إللي لازقه برجله من الخوف ومعتز وامه وعلى كتوفه نوره بنته جنبهم
وهند وميهاف واقفين بعيد شوي
اما ندى ونواف داخلين بوسط شبك النياق بس قريب من الباب
ميهاف/ معتز
/هلا
/هاوش ندى تطلع
/ ماعليه خليها
ودخل مع امه وجدته وخاله فجأه قامت كادي تصارخ وتبكي بعكس نوره اللي مستانسه يوم دخلوا
فزت هند تجيبها بس حاتم عيا/ حرام عليك هبلتها
/خلي قلبها يطلع قوي
تبكي /ماما تعالي
مدت يدها ورفض/ تطلع تدخلين انتي؟
تصرف/ بدخل انا بس هاتها بوديها عند ميهاف
خذتها وشافها بتجلس راح ومسكها غصب/ لا ابو نوااااااف لا ... تكفى لا
صدت امه وضحكت/ وشبلاك عليها؟
ام ثامر بمزح / إلا جبها خلها تحلب لنا
بهمس/ والله بزعل
طنشها وسحبها قاومته وصد/ لاتحديني اشيلك قدام ابو ندى
استسلمت ودخلت معه
ومروا بين النياق كانت ماسكه يده بقوه اما هو يسولف على امه واخته ويعلمهم لمن هذا ولمن هذا والوسم اللي على رقابهم وهذي اولدت وهذي مات ولدها ومن هالكلام كانت بقمه خوفها وقلبها شوي ويطلع من فمها ووصلوا لواحد من الجمال من جابته امه من شهر مامشى والبيطري قال عيب خلقي
حست بقشعريره وصدت وصرخت بخوف
صد يشوف وش فيها كانت النياق مقربه من جهتها وواحد وراها بالتمام سحبها قدامه بخوف عليها ودفنت نفسها بصدره وحس برعشتها
سمت عليها امه عشانها حزت مغرب وبوسط الجمال / خلاص هبلتيهم ونحاشوا
اشر لمعتز ونزل نوره عند امه وراح لهم يبعدهم
بحنيه/ ارفعي راسك راحوا.
رفضت ترفعه من صدره وبخوووووف همست / طلعني
صد لمه/ خلنا نطلع
طلعوا
صدت ام حاتم تدورها
باهتمام/ حاتم وين هند؟
صد شافها تركب/ في السياره
/رح شفها
راح لها وفتح الباب اللي ورا السايق كانت تبكي استغرب ورفع راسها / وشفيك؟
بقهر/ فشلتني بابو ندى
ضحك/ عادي تراه مثل اخوك
/ ولو بيقول ضامته قدامي ماستحت
/ عيال خواتي يغضون النظر
/....
/بس ترا جد صرختك روعتنا حسبتك مقروصه
/.....
/ طيب ليش ركبتي تراهم بشبك ماهم طالعين
/مابي ابو ندى يشوفني ودني للفله عند بشاير اكيد فارس صحى
/ابشري بس انزلي اركبي جنبي
طنشته وضحك
صد لهم كانوا رايحين بعيد لجهت الحيوانات(غنم وخيول ودجاج)
/كادي
صدت له وناداها جته تركض ركبها ووصلهم للفله وانزلوا
احمــــــد وو بشايــــــر
على الفراش بوسط قسم الحريم وعندهم بوسط الفراش فارس نايم وراكان يلعب بلعبته بيده وخالد جالس على بطن ابوه وقدامه شادن وطبعا احمد متوسد رجل بشاير
حاتم من وراهم/ ترانا جينا
جلس احمد وتعمد يطرح خالد وشادن على بعض
خالد يضحك وهو طايح على ظهره/ با ا ا ا با قوم الدوبيه عني ....
&& بعد المغرب &&
&& && && && &&
... طلعوا الحريم بعد الصلاه على فراشهم وجاهم معاذ ونواف على الدبابات وحاتم راكب ورا ولده
نزل عند الحريم
/ هند نبي ترمسين قهوه جديده
مابي قهوه ترامس وسوي شاهي مر
/إن شاء الله
قامت ولحقتها العنود وريناد يجهزون الاغراض
جلس على مايجيبون اغراضه
/يمه بتجي ام اسامه؟
/موصيه ابو اسامه يجيبها ويجيب عياله(اخو هند)
ام هيثم تذكرت/ يمه تراني عازمه ام سعود وعيالها
بشك/ خاف اخوك ماعزم رجلها!!
/إلا عازمه وعزمه مازن...
الجده/ مابعد جاكم احد
/ لا مغير حنا بس الربع واصلين
جت هند بسله فيها 3 ترامس خذاهم حاتم ومشى بيرجع شاف فارس يبكي يبي يروح معه
/ تعال يالله
راح له
ام هيثم/ انتبه عليه من الجمر ولو انك تخليه احسن
بشاير/ فروسي تعال هاك عط خالد علكه وانت الثاني جاها وراح حاتم عنهم
ولحقه نواف لانه يستحي من البنات
: : قريب منهم : :
معاذ بطفش/ تركب ورا وإلا لا
ندى/ ماما شوفيه
معاذ/ روحي جيبي دباب ابوك والعبي عليه
ريماس قامت له لانه ماركب احد /رح وده عند الرجاجيل
باعتراض/ بابا قال خذه ورح لاتغبر علينا
بهمس/ يعني ادق لابوك اقول امبكي البزارين
بزعل/ خلاص بركبها
نزل وركبت يارا قدام وندى وراها وبعدهم تركي ثم عزوز
راحت لهم بشاير
ام هيثم/ لاتودين ولدك يصدمونه
بمكر /بخليه يشوفهم وبجيبه
راحت لهم كانوا بعيد شوي بس الحريم يشوفونهم بوضوح شوي ونزل معاذ عزوز وركبت بشاير بحضنها خالد ولدها و وراها غاده متمسكه بخصرها
اما عند الحريم يضحكون على بشاير وام هيثم تناظر لغاده وخالد وتقول بتطرحهم
ام ثامر تضحك/ مهيب طارحتهم
جت نوف تبكي /ماما ماركبوني إلا مره
ام حاتم بنقمه/ بعد تبين غيرها
ام هيثم تطالع العنود/ اجل سمر نامت؟
/ايه
/ وولدها وينه؟
ام ثامر/ مع ابوه حلفت يخليه عندي وعيا
... جت بشاير للحريم بعد فتره ونزلت غاده ونادت نوف
ام هيثم بجديه/ والله ان تعطيني ولدك ماتروحين به
تضحك/ ماسكته
طمنت له/ تروح عند يمه
باندفاع/ لا
/ يمه عيا
/ والله ان رحتي به لانا امك ولاتحكين علي
جتهم ريناد ومعها ميهاف نزلوا الشاهي والبيالات
وخذت ميهاف خالد غصب وحطته بحضن امها
وبشاير راحت بالدباب عند البزارين .....
شوي دق جوالها ولانها عرفت صاحب النغمه وقفت وردت/ هلا
/ ليش ماناديتيني العب معك
صدت تشوف جهت المطبخ ماشافته عنده/ وش دراك؟
احمد/ امك داقه تقول نزلها غصب تراها بتطرح ولدك
بدهشه/ ولدي عندها
ضحك بخبث/ لا الثاني
بثقه/ تحــــــــــــلمـ ......
رد مع اقتباس
