(ة_ة)للي يصير باااااص نقل المعلمااااااااااات حق ابو علي (ة_ة)

[جلانار]

هيييييييييييييييه

ياناااااااااااس

ياعاااااااااااالم

وقسم بالله طااقتن الوناااسه

وووه يأألبي

تسني ابحلم

مابغينا نقضي

ووه حزن عيني

بطلعت الروح قضينا

باركووولنااااااااااااااا

وقسم ودي اصررخ

بس اخاف امي تسطرن

تقول يالعوباا ترا بوه جيران جنبنا

استحي على وجهتس

عشان تسذا تنازلت

ولا صرخت

ولا يووم جيت من آآخر امتحااان

اقول لأختي تفففكيين

تفكيين اولاااه طلبتس

لا تردينن

قالت ايه ايه طيب وش تبين

قلت اسطرين ودي اصدق

عاد يعني تعرفون الكشخاات طلعنا من الثانوي

والتسايده اما رجعنا

لا ان شالله فال الله ولا فالي

المهم

دوكم هالموضوع المليح


بسم الله الرحمن الرحيم ..
اقسم بالله العظيم .. ان اغض بصري واغمض عيني ..
وان لا اُناظر المدرسات وهن يركبن أو ينزلن ..
وأني مالتفت وراء حتى لو كنت اباريوس ..
وأن اوقف قدام الباب بمترين علشان ما أشوف المدرسات وهن يطلعن ..
وأن لااتكلم أثناء الرحلة من والى المدرسة ..
وأن لااجلس بالسيارة اذا كان بها مدرسات وانتي ماركبتي ..
والله على ما اقول شهيد
..

{ هذا القسم اللي يؤديه ابو علي لأم علي علشان تسمح لوه انه يشتغل بنقل المعلمات } :هاها:





بعد ما ادى ابو علي القسم .. راح للمعارض واشترى بااااااااااااااااااص ..
وكتب عليه (( ابو علي .. لنقل المعلمااااااااات ))

ولصق اعلاناته على جدران مدارس البنات وعلى بيبان الكليات ..
وبعد اسبوع اكتمل العدد .. وبداء ابو علي وحرمه المصون بنقل المعلمااااااات ..

عند الاشارة تكون الساعة الخامسة واربع وعشرون دقيقة وثلاثون ثانية ..
خخخخخرررررررررشششششششششش <<<ذي الساعة قامت تخرش ..

قامت ام علي ورفست ابو علي وقالت لوه قم يالله تأخرنا على المدرساااات يالله يمدينا نقعد نقشقشهن هاللحين ..

قم يالله انت ووجهك لاتقعد تبلشنا ابله فوزية مثل امس .. تصير متهاوشة هي ورجله وتحط الحرة بنا ..:واو:

قام الدرايفر ابوعلي .. وغسل وصلى الفجر ومسك الطااااااره ..
ومن حاره لحاااااااره .. بس ماهنا تفحيط وعيارة على قولة حامد الضبعان ..
وتبداء معاناتهم اليوميه ..


*** *** ***


طططااااطططط .. طططااااااااااططط .. هذي أول وحدة ابله نوره ..

وجت ابله نوره ويوم ركبت قاله ابو علي ..
ابله نوره ياعيوني ياللي لابسه الليموني ..
تصكه ام علي بطرااااق مع علباااااااته وتقولوه خير انشاء الله وش جاك.. وين الحلوف والايمان .. يالله سق بسرعة لانشب
سنونك بالدركسون ..<<< عرردزي والله ياام علي تجوزين لي وقسم

مشى ابو علي وهو خايف ..
وابله نورة تضحك عليه ..



*** *** ***



وبعد خمس دقايق ..
طططاااااااااططط .. ططططاااااااططط .. ويوقف عند بيت ابله لولوه ..

وتجيك ابله لولوه مسرعة وعباته طايرة وراه .. وتبي تركب وتمسط عند الباب :هاها: وتقوم وتركب ابله لولوه وهي مسرعة وتقول أوف اعوذ بالله عجزت اطلع من هالولد بس بساقتي حتى دفتر التحضير من الخبه نسيت اجيبوه .. سلااام عليكن يابناااااات ..
<<وش عقبوه السلااااااام توه تفطن .. عقب ما اعطتهن الموجز ..

ويبرق ابو علي بالحوش اثر ولده سليمان يركض وراه ويصيح والشغالة تركض ورى سليمان وتمسكه عند الباب ( تئالي .. ماما الهين يجي ):icon_bigg




*** *** ***



وبعد سبع دقايق ..
ططططااااططط .. طططاااااااططط .. ويوقف عند بيت ابله نوف ..

وتطلع لك هاك الدلوعة اللي يالله يالله تمشي ..
مغرورة وشايفة روحه علشانه مدرسة رياضيات .. صايرة زبده ..
ولا تبي أحد يقرب له وبتله مزكومة ومنديله بمخباته ..
ومهبلة بأبو علي اذا جاء الحساب .. تطلع روحوه بالجذور والكسور وس+ص
عاااااااااد ابو علي يسميه ابله ( نق تربيع )
وركبت ابله نوف وقبل تقعد تنفض المرتبه وتفرش منديل وتقول صباح الخير وتقعد ..
ويمشى ابو علي ..





*** *** ***


وبعد ثلاث دقائق ..
ططططاااااطط .. ططططااطط .. يوقف ابو علي عند بيت ابله نوره ..

عااااااااااااااااااد ابله نوره توه معرسه ..
كل يوم تركب وعليه طقم ذهب جديد .. واذا ركبت بدت توري هالمدرساااااات الطقم اللي عليه ..
شوفي هذا من خالتي أم زوجي .. والاهذا من بنتنا هيله ..
واذا صار الطقم غالي قالت .. هذا من عمتنا اللي مع العثيم ..
وكل يوم شنطه جديد وجزمة جديده ..
وتشوف زوجه ياقف له عند الباب الين تركب الباص .. ماينلاام يخاف تخطف دافعن به 50 الف ..
وماغير مطلعة هالمراية وإتكحل واتمكيج وحالته حاله .. ناسية الناااااااااس ..



*** *** ***




وبعد ست دقايق ..
طططططااااااااططط .. طططططاااطط .. يوقف الباص عند ابله فطيمة ..

عااااااااااااد ابله فطيمة مسوية رجيم ..
من قبل ماتركب تشم ريحة الخيار وهي عند الباب
ماغير تقرض بهالخياااااااااار ماتسمع الا جغ جغ وفسحته موز ..
تقول متطنزه بقرد يادافع البلى ..
وكل شوي وهي ملتفتة على اللي بجنبه وتسأله أقول مانحفت شوي عن أمس ..
والله ياهي دبلت تسبد .. همن تقوم وتقعد على هالكرسي .. تقول ابسوي رياضة ابنحف ..
وتجيه ام علي وتقوله يابنت الحلاااااال اجلسي والا والله اني لااربطتس بحزام الأمان .. همن تقعد ..





*** *** ***



وبعد أربع دقائق ..
طططططااااااااططط .. طططططاااطط .. يوقف ابو علي عند ابله حصه ..

وتجي ابله حصه مطنقرة معه ..
وتسأله ابله نوره وشبتس شكلتس مانمتي زين ..
همن تقوله ابله حصه .. ايو والله مانمت زين ..
خالتي جايه عندنا راح ابونا وجابه ..
وكل شوي .. ودين للحمام جيبين ..
ودقيلي على نورة الدحيم ابشوف بنته وش صار عليه ..
ودقيلي على عايشة الحمود ابشوف عن رجله هو جاء من البر أو لا ..
وأخر شي تنبطح وتقول همزي رجليني ..
والعشاء ( حكم ) ماتبي الا هامبورقر تصليح البيت ..
أنا قايلة لأبونا لاتجيبه الا اربعاء وخميس وجمعة ..
.. وهاللي تشوفين مانمت ..




*** *** ***



بعد عشر دقائق ..
طططططااااااااططط .. طططططاااطط .. يوقف الباص عند بيت ابله بدريه ..

وتطلع ابله بدريه وتركب وعيونه بجبهته ومحمراااااااااات ..
وتقعد وبه الصيحه ..
ويقولن له وراتس ياكاااااافي جاية تسذا وين قشتس الدفاتر والكتب ..
عااااااااااد تنفجر ابله بدرية وتقول ..
ابونا امس عنده رجااااااااال ولا راحوا الا بنص الليل ..
وهذي دلة رايحه وهذا ابريق جااااااااااااااي ..
وماصححت الدفاتر ولا حضرت لدروس اليوم ..
ومايبي العشاء الا من البيت ..
قضى ليلي وأنا اسبع بهالمواعين ..





*** *** ***



وبعد ثلاااااااااث دقائق ..
يوقف ابو علي عند باب المدرسة ويقول .. يالله يابنات وصلنا ..

همن تلصه ام علي بطراق مع جبهته وتقولوه .. وش حنا قايلين ..
مالك دخل انت تسوق وتنثبر وبس ..

يالله يابناااااااااات وصلنا .. يالله حولن ..


والسلاااام ائليكم ..
جوليتيييي





تابعونا في الحلقة القادمة .. ابو علي يرجع المدرسات للبيت .. بدون ام علي ..

[سعد النخيش]

من وين طالعو بها لسوالف


الله يرج بليسك


مسكين ابو علي

[جلانار]

سعد

الله حيووووووووووووووووه

ارررحب

طلعووبهن عاااد

ياحليلك

مايخلون شي

افطن لروحك بس وانا اختك

ترا مابهوم ملح لا طلعوبك موضوع

انتبه بس

هع

يسسسسسسسسسسسسسسسسسسسسسسسس لموولي خيووو على المرور الحلوووو

[ولايـــف]

ههههههههههههههههههههههههه هههههههههههههههه
ههههههههههههههههههههههههه هههههههههههههههه
ههههههههههههههههههههههههه هههههههههههههههه
ههههههههههههههههههههههههه هههههههههههههههه
ههههههههههههههههههههههههه هههههههههههههههه
ههههههههههههههههههههههههه هههههههههههههههه

ترا اذاجاني شئ فهو منتس ؛؛قسم بالله جاني فتق في ركبتي من كثر الضحك يااعليتس ذباات كوويسه <===

ابو الا لفاظ اللي تعرفينها

<<<<<< ترا كل هذا ما بعد قرت الموضوع

ولكن أقل ما يقال عن موضوعتس أنه:

[blink][grade="FF0000 FF0000 FF0000 FF0000"]موضوع بطلللللللللللللل[/grade][/blink]

يثبت لحين اكتمال القصه:واو:

وووشوووكرن جلوووو ومبرووك العطله

[سعود]

هههههههههههههههههههههه

وركبت ابله نوف وقبل تقعد تنفض المرتبه وتفرش منديل وتقول صباح الخير وتقعد ..

<<== وصف بليغ



منتيب صاحيه يابنيه انتي ومواضيعك وبس


انتظر الجزء الثاني بكل شغف


تحية عطرة

[نـــادر]

ههههههههههههههههههههههههه هههههههههههههههههه


الله يعطيكِ العافيه


بس كيف قدر يصرف ام على في الرجعه


ننتظر التكمله



تحياتي




نادر

[بياله بدون عروة]

ههههههههههههههههههههههههه ههههههههههههههههههههههههه ااااااااااااااي

الله يرجك رج الميلك شيك

والله مصايبكم مصايب وانواع القلق ما فيه وحده مهويه مفهيه كلهم هم وغم يا ساتر

الله يضحك سنك دووووووووووووووووووم

اخوك اكرر اخوك
بياله بدون عروة

[جلانار]

جرووح

الله حييييييييييييييه اختتي

الله ابدززززه

اقووول

ابقولتس شين إيهبلللللل

بس حستس عينتس تقولينوه لاحد

هماااه

عردزي انتي والله

ايه اقولتس

انا لامني حبيت الوحده

<<قولي قااا

منب اسميه اختي

من حبي له اسميه اختتي

هع

<<<إيقالوه شي ذا الحين ياشين الفاضيين

اقول انت بس لو تكرمينن ابسكوتس يكون اصرف

<<<سمي طال عمرتس

ايه تسذا

وياااحليلتس ياجروح اجل ثبتيه يابعد حيي وميتي انتي

وانا زااد اول مادخلت عقب ماحطيت موضوعي

قلت هييييييييييييي

فرقا عييين جدييي

ورااوه صايرن احمر

انهبلت

مير اشوا صار هذا وش اسموه امثبت

ترا اذاجاني شئ فهو منتس

بسسسسسسسسسسم الله علييتس الرحمن الرحيييم

ووه ميير وش هالفاال

عسااوه ابعدوينتس

حزن عيني

لو يجيتس شي انتسان انا اللي اببلش بتس

<<<عليه تسذب مهوب صاحي هالعوبا

لا والله اني صادزه بسم الله عليتس

لو يجيتس شي ان انغث

؛؛قسم بالله جاني فتق في ركبتي من كثر الضحك يااعليتس ذباات كوويسه <===

ههههههههههههههههههههههههه هههههههآآآي

لا عااد كلش ولا الرقبه

تبين اقولتس شين مايفتق ارقبتس بسم الله عليتس

لاتضحكين ابقوه

اضحكي على الصامت

امنه ماتنكسر ارقبتس ومنه تستانسين

<<<إيقاله جابت شي ذي

ابو الا لفاظ اللي تعرفينها

خخخخخخخخخخخخخخخخخخخخخخخخخ خ

ماشفتي شييييي

اقولتس بعض الأحيان لا قعدت اقرا موضوعي

اقول ناااهن وش انا كااتبه

وش عاد انتم

<<<<<< ترا كل هذا ما بعد قرت الموضوع

هئئئئئئئئئئئئ

شيطانن طااربتس

بسم الله علييتس

انتسانوه كل ذا ولا قريتي شي

اغديتس اتهونين

ترانا وقسمن عضمن

ماعندنا جروحن ثانيه

همن عاد نفقدتس

همن وش يصير بن

ان انغث وانلهد من المغثه

هع

ولكن أقل ما يقال عن موضوعتس أنه:


موضوع بطلللللللللللللل

ياااااااااااااااااااااااا اااااااااحيااة بقعاااا والله

ووووه عسا مايخليين

وابد

ماابطل من الا انتي


يثبت لحين اكتمال القصه

وووشوووكرن جلوووو ومبرووك العطله

اله يبارك بتس ياأألبي

وعفواً يابعد حيي

ويسسسسسسسسسسسسسسسسسسسسسسس سسسلموولي ياغضاة روحي على الطله الحلووووه

<<<ترا غضاة جايتن عرض معتس علم

ايه ادري

بس عاد معتس علم من زود الحب اقول غضاة

هععععع

يسسلموولي خيتووو والله






سعوود

الللللللله حيوووووه

ارررررحب وانا اختك

يااحبييلن بس

وانا ماعندي غير هالتسلمتين الله حيووه وابدزووه وارحب

ويخبن بعد

مير وعد ان شالله ان اجيب كلمة ترحيبن جديده

<<== وصف بليغ

هووو شف

انتساانك تبي الصدز الصدز

فاانا يعني اكره مااشوف ابلة الرياضياات بسم الله علينااا

عشان تسذا خليناه مليحتن بالحييل ووينه عند رويحته

عاد وش خليت يسميه ابو علي ابلا نق تربيع يالله الجنه

هههههههههههههههههههههه

والله ياهو فلله ابو علي ذااا

احس انوه امفححط وانا ماادري


منتيب صاحيه يابنيه انتي ومواضيعك وبس

هو انتسانك تبي الأصدز من ذا وذاك

فالحقيقه الأحق من الحقيقه

<<<وش تبين انتي

فهو انكم انتم اللي هبلتوبن الله يجزاكم خير

فا يعني انا اقولك العلاقه وشلون

انا طاال عمرك

من حبي لغربولاااتي

صرت امهبووله

انت ماتسد سمعت

عن اللي يحبون انهم انهبلووو

وانا احس اني تسذا

هع

انتظر الجزء الثاني بكل شغف

ابد ولا يهمك

ان شااالللله

تامر امررر وتاكل تمر

بس عاد ماادري عنك وش تحب

سكرري

بررحي

روثاانه <<<ووه طعععمه

يسسسسسسسسسسسسسسسسسسسسسسسس سسسسسسسسسسلموولي خيووو على المروور الحلوووو

[جلانار]

نادر

الللللللللللللللللله حيوووووووووووووووووه

يالله ابدزووووووووووووووووووووو ووووووه

اسفرت وانورت ياحبييلن واله

هع

الأدااره ابكبره جايتن لمني

ووههن بس

توي ادري ان كللي ملح

ليتكم جاينن منذو مبطي

عشان ادري اني ملييييحه

ووه يالله الجننننننننه

يالله من فضللللك

ههههههههههههههههههههههههه هههههههههههههههههه

اقووول

قل آآميين

قل آآمين انت بس

جععععععععل هالضحتسه ماتفتر من خشتك

وجععل الناس يشوفون ضرس العقل من زوود الونااسه اللي بك

خخخخخخخخخخخخخ


الله يعطيكِ العافيه

الله يعاافيك ان شالله

ويبدزيك

بس كيف قدر يصرف ام على في الرجعه

خخخخخخخخخخخخخخخخخ

ياحلييييييييلك

قدر ماشالله عليييه

هذا ابو عليييي

موهب اي شين ثانيه

واحبيلوه والله هالمهبووول

ننتظر التكمله

ان شاللله

ابد

كله كمن بووم ونشوف الجزعع الثاني


تحياتي

الله حيووووووووووووووووه والله

بس اهاا وانا اختك

لا تقوول تحياتي

لأن التحيات لله بس

قل مع التحيه تسذا بلحاله

حاااف

اطعمله بعد وانا اختك

يسسسسسسسسسسسسسسسسسسسسسسسس سسسسسسسلمووولي لك خيووووو على المرور اللي إيجنننن






بياله بدون عروة

يااااااااااااابعد حيي وميتي انت

وينه عروتك يادااافع البلاااا

عاد كللش ولا البيالات بدون عراوي

والله انهن يتسون

هععع

لا وش اللي يشب التسبد

لا صبيت لأحد وهو والله مادري عنك

قاعدن يسوولف

والعروه من لموه

قسم بالله ودك تقوم تسطروه

ياخي انا تنتسوي إيدي وهو مادري

ياخي انتبه يااخي

<<<طيب بشويش على الرجال وراتس فتنتي

هع

ههههههههههههههههههههههههه ههههههههههههههههههههههههه ااااااااااااااي

دوووووووووووووووووووووووو وووووومز هالضحتسه وانا اختك

جعل خشتك ماتفكه

خخخخخخخخخخ

وهذي خشتي ان شفت العافيه عقبه

ههههههههههههههههههههههههه ه

ياحزززنك

ياويييلك

الله يرجك رج الميلك شيك

أحوووووووووووووووك

ياداافع البلاا

ياكاافي الشر

يالله لا تدزلبنا يالله

يالله لا تخسفبنا يالله

اللهم حولينا ولا علينا

<<وش تبي ذي هالحين

ابد ماابي شي سلاامتس

والله مصايبكم مصايب وانواع القلق ما فيه وحده مهويه مفهيه كلهم هم وغم يا ساتر

ههههههههههههههههههههههههه هههههههههههههههه

ايييييييييييييييه

الله المستعااان

كل وحدتن اهبل من الثانيه

يعني وش رايك يعني

مدرساات

ماينلامن من هاللي يشوفنوه

بس سااده

ماينفعلهن الا البناات

هن اللي امأدباتهن

الله يضحك سنك دووووووووووووووووووم

واضحك الله ضرسك ادوم وادووم وانا اختك

اخوك اكرر اخوك
بياله بدون عروة

ههههههههههههههههههههههههه هههههههههههههههههههههه

ووه يااخلف جدااااني انت

شكلك امتكسف

ههههههههههههههههههههههههه ههههههههههههههههههه

<<<وقسم بالله فاطستن ضحك

تدري ورااه احين تسذااا

هي وحده من ثنتين

ياانوه اسمك

يانوه ماادري وشو

هع

عاد الباقي عليك انت اختاار

وانا عجزت تختار

عادي عد بــ حقرا بقرا

الله حيوة والله

يسسسسسسسسسسسسسسسسسسسسسسسس سسسسسسسسسسلموولييييي على المرور الحلوووووووووووووووووو

[اسيـل]

ههههههههههههههههههههههههه هههههههه
ههههههههههههههههههههههههه هههههههه

<< ميته ضحك

كلها المسكين ابو علي

[فهده]

بالله ييييييا جلانار كم بالعتلك هندي وكم متغدية راديوا والله ماقد شفت اكثر منك ثرثره مو بس في هذا المنتدى على مستوى جميع المنتديات ............. وترا موضوعك مزين بس انا ما قريته كله بس اقرا طاط طاط

[جلانار]

اسيل

هلااااا وولله

هلا بالطش والرش

والبيض المفقش

الله ابدززه

وووووووووووووووووه يالله الجنه

ووه يالله من فضلللك ياعاالم

يازين البنااات كل ابوو امهم

<<<ههيه انتي خير ان شالله عسا ماشر ان شالله

لا ابد سلامتس ياعردزي ماهنا الا العافية

والله حيه اسوول

ههههههههههههههههههههههههه هههههههه
ههههههههههههههههههههههههه هههههههه

دوووووووووووووووووووووووو وووووووم هالضحك ياابعد ألب ألببي

<< ميته ضحك

بسسم الله علييتس

لاعااااد كلش ولا الموت ياكاافي

كلها المسكين ابو علي

خخخخخخخخخخخخخخخخخخخخخخخخ

والله موب نافعن لوه غيره ياحبيله ام علي

ماعنده واطععمه

كف حلاقه على طوول

خخخخخخخخخخخخخخخخخخ

يسسسسسسسسسسسسسسسسسسسسسسسس سسسسسسسسسلموولي ياغلاااا على المرور الحلووووو






ذيبة عتيبة

هلااا والله غلاااااااا

هلاا بالعتيبياات كل ابووهن

الله حييييييييييييييهن

الله ابدزهههههههن

<<هيه انتي ترا البنيه وحده موب عشر

اييه خلااص

<<طييب

ياحبيلللتس والله ياذيبة عتيبه

بالله ييييييا جلانار

سمييي

آآمري

وشووو ياعردزي

كم بالعتلك هندي وكم متغدية راديوا

هع

ياداافع البلاااا

انتسانتس انتي اللي تقولين تسذا

حززن عيني

اجل اهلي وش يبون يسوون

فرقا عيييين

خخخخخخخخخخخخخخخ

والله ماقد شفت اكثر منك ثرثره مو بس في هذا المنتدى على مستوى جميع المنتديات

ههههههههههههههههههههههههه هههههههههههههههآآآي

خزااااااااااااااتن

من طول اذانن

ياخزيااااااااااااه

اثرن تسذاااا

واعيباااه

وقسم اني فشلت

هئ هئ

<<<ضااقت مابقى الا انتي تفشليين ايه هيين تسييف

لا وانا اختس بعد ماشفتي شي

انتي بس اقضبي عمرتس لا تقعدين معي

ان تنهبليين

ههههههههههههههه

واعيييباااتن

............. وترا موضوعك مزين بس انا ما قريته كله بس اقرا طاط طاط

هعع

اييه ميخاالف وانا اختس

موهب لازم

هو اهم شي الطااط

لأن لو ابو علي مايطنب انتسان ماطلعن الهبلاات

ولا صار الموضووع

شفتي ذهنن وشلووون

هع

يسسسسسسسسسسسسسسسسسسسسسسسس سسسسسسسسسسسسسسسسلمووولي ياغنااااااتي على المروور الحلووووووووووووووووو

[فهده]

[grade="008000 FFFFFF 008000 FFFFFF"]يابنت انتي كلامك حلو ماشاء الله بس ناقصك تحذفين السين انا قبل ما اقرا كلامك اسوي تصفيه لحذف الحروف الزائده [/grade]

[جلانار]

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههههههههه

يااقلييييبييي انتي

ووه بس

ههههههههههههههههههههههههه ههههههههههههههه

<<<والله العضيم فاطستن ضحك

ياعردزي انتي السين هذي موهب زايده

انتي يابعد عنوني ماكد سمعتي عن قوم يسموون القصمااان

هم كذا

لازم السين مع التاء

وعندهم قاعده تقول

س+ ت = تس

وقسم بالله ولا معادله كميائيه

ان تطق للمعادلات بأصبع

عشان تسذا يألبي انا اعلمك طريقه تفهمين عن طريقها لغة هاؤلاء القوم

انت لا شفتي السين والتاء مع بعض

يعني

زي ( تس)

مثال على ذالك كلمة

تسذا

و

تسيف

و

وش لونتس

لا شفتي الــ (تس) مع بعض

حوليها لكااف

فينتج لدينا

تسذا

تصبح

كذا

وتسيف

تصبح كيف

ووشلونتس

تصبح وش لونك

فهمتي ياغناااتي انتييي

اقول ذيبه يأألبي

يااخيتي احس اني احبتس

هو صدز

ولا تسذب

تحرينوه قلبي تسذووب

والله مااضنوه شكلوه صادز

هععع

ولامنتس مافهمتي شييي

ابد انا تحت امرتس

انتي أطلبي وانا اترجم

ياألبي

[شـــــووشـــــه]

:واو: ووه غدينا جامعيات لؤؤؤطه :واو:

ازيس ياعردززي:كلوش:

واحشتن موت بالحيل ويتفطر ماي قلب عليتس

خخخخخخخخخخخخخخخ

( تئالي .. ماما الهين يجي )

:كلوش: عالجرح عالجرح عالجرح


يابطه ان يجي ابو سرهد يقول كنتس تذبين علي هه هه كأني شاك انتس تحومين حول ربوعي :هاها:


يختشي عليسي منتيب هينه

اركدي حبتيين صرنا جامعيااات :اموه: لا لا ذي ازين ,, من ادخل موضوعتس انلحس

طااهووون نحن بانتزااار الجوزء التاني


ماتتأخريش يابت


تشاااو




في رعايتهـ