افااااااااااااااااااااااا ااااااااااااااااااااااااا اااااااا
توكم تدرون ان ابو نوال احسن مفحط..
الله يسامحكم .
عاد دايم يجي للخرج . ويفحط هناك . وطول الطريق واهو قاعد ينطل (يجدع) قديمه صح عام 1408
عموما ماعلينا .. الرجال اطقع مايشوف . ماعليه من احد . ولا بعينه اطلق دوريه ماتجيبه يعني ماتجيبه . بعدين يقدر الجماهير ويمووووووووت لما ينادونه الهطفة ..
يؤؤؤؤؤؤؤؤؤؤؤؤؤؤؤؤؤؤؤ
ابعدوا عنه ماتشوفون إلا دخان الكفرات ..
عاد تعرفون إن لكل جواد كبوه صح .
عاد كبوته خبله اهو..
جاني مره البيت على الكامري حقته . طبعا لاعن ام ام ام امها انواع الاصوات كأنك بغابه ..
المهم الرجال جاني وقام يتميلح ويحك راسه ويناظر لسيارة الشايب .. طبعا انا توقعته يبي يشتري
<<=== على نياته والله حرام.
هو : بدر
انا : سم ابونوال
هو : ماشاء الله سيارة الشايب رايقه بيني وبينك .
انا : الله يسلمك والله ماتغلى عليك .( ولو دري ابوي اني قايل كذا وطى على رقبتي )
هو : هههههههههه لا لا الله يسلمك مشكور ماتقصر .. يقطعها بالعافيه ( ساقط بالسوالف )
انا : الله يعافيك تسلم والله .
هو : كم موديل المبروك .
انا : 2001 VXR
هو : ماشاء الله (قالها ونزلت سعبوله منه )
انا : اقول لا تناظره بقوه تراك بتنظله وباتوهق انا .
هو :لا ماعليك عيني بارده .إلا اقول الشايب مايخليك تآخذه .؟ خلنا نآخذ فره على شارع القاعده ونروح ندور محلات ( كان يدري اني ابي افتح محل كوفي ) ونروح لسليمان ونوطى على وجهه لانه ماعطاك المحل اللي تحت الجمعيه .
انا : (( جتني البكوه )) تكفى لا تذكرني بسليمان .
هو : افا ليه .
انا : ياخي ماهو راضي يعطيني المحل يقول تدخنون فيه يالشباب ..طيب الحين ترك كل شئ وجا للدخان .ياخي والله انه فاهي .
هو : ماعليك ولا يهمك . يالله انقز جب المفتاح .
انا : ياخي وين والله ابوي مايعطيني اياه .
هو :ياخي رح وتل المفتاح من الثوب ولا من شاف ولا من دري ..
انا : لا لا . ماني برايح .. طيب خلنا نروح على سيارتي ؟؟
هو: لا ياشيخ من زين سيارتك .. كابرس 96 ولونها اسود من زين الطبايع . لا وشاريها من حوطي من معارض الشفا .
انا : خخخخخخخخخخخ وش دراك ( وفعلا موضوع السياره تراي شاريها من حوطي )
هو: ماعليك انا مافيه شئ يصير إلا ادري عنه ..
انا : ياخي انت مانت بصاحي والله انك منسم .. كيف تع...(قاطعني ابو نوال ..
هو : ياخي لا تقعد تتفلسف علي جب المفتاح وإلا باطلع بلحالي .
انا :طيب طيب يالله باروح .
طبعا رحت انا وشلحت المفتاح من الشايب .. وجبته ... ( ينلعب علي بسرعه )
ركبنا السياره واهو مبطط عيونه وينزل من فمه سيل لا ينقطع من السعابيل .. يلعن ام الفقر ياشيخ (قديييييييييم ) وش السياره هذي يابدر . .يعلن شكلك من وين لكم الفلوس هذي..
انا : اقول اذكر الله ..
هو : اقول انقلع مصدق انت ووجهك اني بانظلك . من زين حلاياك
انا :داري انك مانت بناظلني . بس السياره تكفى .
هو: بدر ........ تكففففففففففففى تكففففففففففى لك وإلا للذيب .
انا : طبعا طلعت علامه استفهام فوق راسي . وش يبي ذا ؟افا عليك ابو نوال يخسى والله الذيب .آمرني.
هو: بعد قلبي والله بدووووور ابي اسوق تكفى .
انا :حسيت انه طفولي .. طبعا حنيت عليه وقلت يالله . باوقف واخليك تسوق .
طبعا اهو لما كان يبي يسوق . كان ملعون الشكل يبي يفحط .. المهم اول مانزلت إلا واهو لازق بالمرتبه ..
وقعد يناظر يمين ويسار داخل السياره . وقام يمسك فرامل . ويكبس النور الزينون ..
وكل لفة . ينطل ويصرخ بالكفرات .....
عوووووووووووووووووووووووو وووووووووووووع
هو: ياهووووووووووووووووووووه حبتين يعلن ام العزم يارجال مو سياره هذا طياره .
انا : الله لا يوفق عدوينك .. اذكر الله اولا ولا تفحط ثانيا .
هو: ( مكشر عن انيابه ) لا تفحط .. ياخي انت عندك امل . وش اللي لاتفحط.. حبيبي إذا ماخليت السياره اول مااوقفها تطقطق المكينه ساعه .. احس اني ماسويت شئ ..
طبعا واهو يسولف . حاط ايده على الجلنط وكل ماله يزيد السرعه .
انا : ههههههههههههه ( ضحكه خوف ) لا لا ابونوال خل المزح هذا عنك يالله الشايب تأخرناعليه خلنا نرجـــــــــــــ.................
عوووووووووووووووووووووووو
عوووووووووووووووووووووووو ووووووووووووو
عععععععععععع
عععععععععع ععععععععععععععععععععععععع ععع
عععععععععوووووووووووووووو و عععععععععععععععععععععع
انا : ابو نوااااااااااااااااااااااا ااااااااااااااااااااااااا ااااااااااااااااااااااااا اال
هو: مين اللي ناداني .. يالبيه يالبيه .
انا : ولعن الخامس . انا يالخبل . وش سويت .
هو: ماعليك معاك سواق . وانا ماأخذت الرخصه إلا بعد ماقلبت اربع دوريات لومينا على الدائري الشرقي..
انا : وريقي ناشف .. خلاص عاد ابو نوال يالله انزل
طبعاصار تجمع وتجمهر غير طبيعي .. واللي يدق بواري واللي يطمر قدامه .
عاد الخبل تهيض ورجع مره ثانيه يبي يفحط .
عاد الله يسلمكم انا نقزت على الدركسون ومسكته ولفيته يمين عشان يوقف .
درررررررررررررردب .. على وجهي .
هو: يالمجنون بغينا نقلب .
انا : ياولد ابلع العافية وخلني اسوق . نبي نرجع للبيت .
هو: مافيه .. اول مره جبت عقده ونص .الحين .. لا ابي عقدتين ونص . اويك
عوووووووووووووووو
طبعا دعس ابو الشباب لين سمعت الجرس .
120
125
130
140
150
عوووووووووووووووووووووووو ووووووووووووووووووووووووو و
انا : لالالالالالالالالالالالال الالالالالالالالالالالالا لا
هو : لالالالالالالالالالالالال الالالالالالالالالالالالا لا
طبعا صار غبار وزحمه ومادري ايش .
انا : ابو نوال الله يرجك وش سويت .
هو: ..............................
انا : ؟؟؟ ابو نوال وينك فيه ؟
هو:.......................
انا : ناظرت جهت السائق إلا ماهو فيه . افا .
فكيت الحزام .. اوووووووووووووووووووووووو ووووووه
طع طع . إلا وانا على الارض . ياولد وش السالفة الارض بعيده ......
تعرفون وش صار؟؟؟؟؟؟؟؟؟؟؟؟؟؟؟؟؟؟؟؟
يتبع الجزء الثاني قريبا..
بدر