اخواني وأخواتي الغالين في منتدى غرابيل
لقد الحو علي بعض الاخوان الغالين بأن تكون هذه القصيده في منتدى غرابيل
علماً انها ليست من القصايد الجديده
ونزولاً عند رغبتهم اضع هذه المتواضعه تحت انظاركم امل ان تحوز ولو على بعض رضاكم
وهي بعنوان لبيت صوتك
[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=1 align=center use=ex num="0,black"]
لبيت صوتك جاك صوتي ولبـــــــــــــه =ياهاجسا بالشعر كلن تمنــــــــــــــــــــاه
الشعر نسبح به على كل غبــــــــــــــــه =موج المحيط الاطلسي قد عبرنــــــــــاه
هب النسيم اللي يذعذع مهبــــــــــــــــه =وهاجوس شعري يوم ناداه خـــــــــاواه
بقولٍ مثل وصف الذهب من مصبـــــه =يشرح اصدور اهل المعاني بمعنـــــــاه
ياهاجسي دكتور صدري وطبــــــــــه =إليا لمس جرحا عصى الطب شافـــــاه
امدح وفي الناس والنذل سبـــــــــــه =وراع الزرايا لاتهمك زرايــــــــــــــاه
شق الطريق وطيب الدرب ذبـــــــــه =اشعل فتيل النار تكبر ضوايــــــــــــاه
شب اللهيب بصدر حاسدك شبـــــــه =حتى توهج شعلتك في حنايـــــــــــــاه
يموت وجهه والبلا يقتلب بــــــــــه =العن ثواه ولعنت اللي ترجـــــــــــــاه
كوب الردى سمه على من شربـــه =وجه الردي وش يفرقه عن مقفـــــــاه
وراع المطب اللي يسوي مطبــــه =الله ومر حتى مطبه توطـــــــــــــــــاه
شاله سما من سرعته ثم ضربـــه = ولاتشمتونه جاه بالعلـم ماكفــــــــــــاه
وابليس لو واجهك في الدرب هبه =عليه بسم الله ويرجع لمربـــــــــــــــاه
إليا ركز ذيله لشخصاً لعبـــــــــه =واكبر عدو لبليس فالامر يعصــــــــاه
ساس المذله من عبد غير ربــــه =ليا صعبت الدعوى تنحى وخــــــــــلاه
مثله مثل خبل تفاخر بعبـــــــــه =وافلس وفلس لا معزه ولا جـــــــــــاه
المال مايبقى لناس تحبـــــــــــه =قارون مات وزايد المال ما غنــــــــاه
وحبل يوصل لانذل الناس جبـه =مقدار يمنى الخبل مقدار يــــــــــسراه
واليا تعذر بارد الحيل كبـــــه =غيره يفز ويعتزي لا نخـيـنـــــــــــــاه
ينبني راعي المراجل وانبــه =والا دنافيس البشر ماتـنـاصــــــــــــاه
ماقل دل ونلتقي بالمحـبـــــه =واغلى تحيه للوفين مهــــــــــــــــــداه[/poem]
صالح المحقني
رد مع اقتباس
