السلام عليكم ورحمة الله وبركاته
اخواني واخواتي هنا ..
اصافحكم بهذه الكيبورديه المتواضعه جدأ فاسمحو لها بالمرور بين روائعكم ..
.
.
.
[poem=font="Simplified Arabic,6,darkblue,bold,normal" bkcolor="transparent" bkimage="" border="double,4,burlywood" type=2 line=1 align=center use=ex num="0,black"]
راح ليلي على الذكرى تمر الدقايق = كود نزف القصيد العذب مالي طريقه ..!
لين شعشع علي ّ النور والصدر ضايق = كل ماطاح هم ٍ بات فالصدر ضيقه
اتخيّل زمانٍ فيه مليون ( عااايق ) !! = وصار فيه الصديق ايحب هزمة صديقه
وكيف راحت عهود الحب فـ يدين بايق = عقب صدق الموده والعهود الوثيقه
يازمان الهواء صرنا بحبك طرايق = يوم خان الرفيق اللي يداوي ( رفيقه )
ابتدينا على حفظ العهد و الوثايق = وانتهينا بعد ضاع الغلا في دقيقه
كم تمنيت تبقا لي برغم العوايق = رغم نزف الجروح اللي بقلبي عميقه
بس عافك خفوقي بعد كشف الحقايق = وان بغيت الحقيقه قلت هاك الحقيقه
لاتمثل علي ّ الدور ماهوب لايق = الوفاء ياحسين الوجه مخلف طريقه !![/poem]
وسلامت هالوجيه الطيبه
اخوكم ...!