العنا والغرابيل ... مصافحة أولى

[فهد المصارير]

شكراً

للجميع

وغمرتوني

بما

لاأستحقه

[نياف العتيبي]

فهد مطلق


مبسم حمر والرمش هدبٍ مضاليـل
والعين حـورا كـن فيهـا سرابـي



صح لسانك صح لسانك على هذه الرائعه

تحياتي لك


اخوك


النااااااااااااايف

[مهدي بن مسفر الحبابي]

صــح لـسـانـك مـليوووون وبيض الله وجهك


سـلمت ودمـت وجمل الله حالك


قصيده جزله من شاعر جزل


تقبل خالص تحياتي وتقديري

[عبدالله محمد]

مصافحة أولى أتمنى أن تلقى استحسانكم ..

[frame="7 80"][poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياليل انا ذقت العنا والغرابيل=من عقب فرقا الزين ضاق الفضا بي
ضاق الفضا عقب الصفا والتعاليل=شفت النوى عقب الهوى والتصابي
لولا السهر في صحبة البن والهيل=انا اشهد اني كان فاقد صوابي
ولولا القمر والنار والثالث سهيل=لكان شبت وتوني في شبابي
شوف الدلال وشبت النار بالليل=ونور القمر ساطع يشق السحابي
في راس طعس حاير وسطه السيل=تشفي عليل يشتكي من عذابي
ياليل انا عيني تهل الهماليل=تبغى تشوف العين زين الجنابي
يا زين شوفه ماشيٍ في المداهيل=كنه غزالٍ تايهٍ في المرابي
الزين كامل والعقل والتفاصيل=والكامل الله مير مابه عيابي
مبسم حمر والرمش هدبٍ مضاليل = والعين حورا كن فيها سرابي
الله على ذيك العيون المكاحيل=لاسلهمت تجرح بها بها جرح نابي
والخد نوره نور مشكاة قنديل=مشكاة قنديل سناها سطابي
والعنق عنق اللي طليق من الخيل=يطري على عنق الفرس ماتهابي
الله يجيبه في الليالي المقابيل=ويطيب قلب باين به صوابي[/poem][/frame]

أخوي فهد صح لسانك أبدعت فأمتعت جميعنا أستمعنا بكلماتك الرائعه جميعنا سوف يرى شاعر كبير وكبير فعلا إنت مبدع ومبدع ومبدع فدعني أهنئك على إبداعك الكبير ودعني أهنئ نفسي على وجود شاعر مبدع معنا وأهلا وسهلا بك بين أخوانك الشعراء وأتمنى من كل قلبي أن أرى لك كل جديد وبالتوفيق .
وتقبل خالص تحياتي ،،،،،،،،،،
أخوك الشاعر : عبدالله محمد