صح لسانك يافخر على هالكلمات الرائعه اللي تغري اي شاعر لتكملتها
واستلمي لاهنتي
,,,,
ماباقي الا شوي والجرح يبرى
ياللي جرحت القلب حاول تداويه
لو بعت قلبي روح لكنّ (حـذرا)
حذرا تجيني بعد بعته بتشريه
اصبرت لين القلب ماطاق صبرا
والصبر مر ونفسنا ماتدانيه
هجرك يهين الحب والحال خطـرا
حالي نحل باسباب حبك وماضيه
بعيش وادري لازم الشوق يطرا
لاكن بقطع كل حاجه تطرّيه
وان كان حن القلب لابد يضرا
لازم يعيش العمر من غير غاليه
زرعت حبك في حناياي بذرا
وزرعت فيني جرح واليومه اجنيه
سريتني في ليل مافيه مســرى
مافيه غير الهم واللي يعانيه
وسلامتك واعذريني على القصور
رد مع اقتباس
