[poem=font="times new roman,5,black,normal,normal" bkcolor="transparent" bkimage="" border="double,4," type=1 line=0 align=center use=ex num="0,black""]
مثلك مكانه عندنا من على الراس= وإن جيت تنزل يالغلى داخل العين
ولاترى غيرك مثل جملة الناس=حاضر وغايب ماعلي وين هو وين؟!
تدري لماذا ياقمر كل لجناس؟=جيت الوحيد اللي سكن مهجة حسين
يااغلى من الغالين ياعذب لنفاس=ياخوخ يارمان ياتوت ياتين
يازهرة النرجس لما هب نسناس= ثم أنتشى منها الشذى في الميادين
مادام مافي الحب حدٍ ومقياس=هاك العمر لو تمضي سنيين وسنيين
يامالك مني المشاعر ولحساس=ياعلتي ودواي ياكامل الزين
لك نظرة كن وسطها رمح جساس= ورموش عينك كن بها حرب تشرين
وخدودك أللي لونها لون قرطاس= وحراسها غمزات بيسار ويمين
يافاتنه يازاهيه كل للباس= إلاّ بعد يابنت ناسِ سلاطين
خذتي الجمال وخذتي المجد نوماس= من كل بد وند والطاق طاقين
حتى النجوم تغار منك وتنحاس= زاحمتها بالنور من غير تدرين!
وحتى الجواهر من ذهبها الى الماس=تضيع لانك ترجحيين الموازين
قولوا لها تبقى على العين والراس= وإن جات تنزل ضمها الرمش بالعين
[/poem]
وسلامة قلوبكم
رد مع اقتباس
