يابن براك /// فقر الذيب والا غناته

[محمد ابن براك العطاوي]

الاخ الشاعر / عواد العلي صح لسانك

وتشرفت باللعب مع شاعر له مكانته

وعز الله ماقصرت وبيض الله وجهك

واشكر الوطن ومنوخ العمودي مره ثانيه

وتمسوا على خير

[منوخ العمودي]

تلقى خير يالعطاوي

صح السانك لاهنت

وصح السان المبدع ابو صالح

بيض الله وجهك

[عوادالعلي]

[poem=font="arial,6,darkred,bold,normal" bkcolor="white" bkimage="http://www.g111g.com/vb/mwaextraedit2/backgrounds/4.gif" border="double,2,darkblue" type=0 line=0 align=center use=ex num="0,black""]

عواد = العلي

الا يامحمد شب نـار الطواريـق=انا اقول فقر الذيـب والا غناتـه
اباخذ معك صوره على قمة طويق=ومن رافق الطيب يسوي سواتـه


محمد = العطاوي

الا يالعلي لاجات من دون تدقيـق=اذا كان عندك علم للنـاس هاتـه
انا وانت في درب الرجال المطاليق=لكن العمى يمشي ويتبع عصاتـه


عواد = العلي

انا ودي اكتب شي بحضورك يليق=كلام الرجل يعكس للانظار ذاتـه
عسالله يضيقها على طالب الضيق=ولا اظنها تحسب علينـا شماتـه


محمد = العطاوي


انا مابحثت اللي بوسط الصناديق=لو ان العلي جت له جميع امنياته
تجيك الدعاوي كلها دون تفريق=وصاحبك ياعواد تعرف صفاتـه



عواد = العلي



وانا مانكثـت عهـود والا مواثيـق=ولاني بمن يندم علـى شـي فاتـه
ترى الدرس يبغى شرح وافي وتطبيق=ودكتورنا المعـروف هـذي وصاتـه


محمد = العطاوي


ليامن بغيت تعلق الوضـع تعليـق=انا اعرف سويس القاهره من قناته
وترى الدرس يبغى بعد ماقلت تعليق=لكن المعلـق مايجـي مـن قناتـه


عواد = العلي


ردى حظ والا ياعرب قل توفيـق=سوات النسيب الياابتلش مع حماته
لياارضيت عبدالله زعل منك توفيق=رجال الشعر ينسب لها ملحماتـه

محمد = العطاوي


ياعواد بعض الروس تحتاج تحليق=ومن يتبع الواشي تصيبـه وشاتـه
اشوف الحرار الشقر من دون تحليق=وذاك الجبل معروف ذيبـه وشاتـه


عواد = العلي


انا لو كتبت البيت من دون تنسيق=تورطت مع (أنا) وتالـي خواتـه
ومن حاول بشره يقد الفتن سيـق=سوات الطلي لو ينتخي بنخواتـه

محمد = العطاوي

علامك تعرض للسهوم الزواريق=ومنهو توقـى ماتفيـده وقاتـه
تبا تروح يالزاروق قدمك زواريق=وبه باخره فيها اليماني وقاتـه
[/poem]

[عوادالعلي]

الشاعر الاستاذ / محمد بن براك العطاوي

بيض الله وجهك وصح لسااااانك ملايين


الاخوان /

الوطن


منوخ

الغنامي


وكل من تابعنا

لكم مني الشكر والتقدير ونخدمكم بالافراح

[محمد ابن براك العطاوي]

الغنامي نسيت اشكرك على وقفتك في صفي

وشرفتنا طال عمرك

ـــــــــــــــــــــــــ ـــــــــــــــــــــــــ ـــ

منوخ العمودي تنويه

العطاوي وليس العطوي

[منوخ العمودي]

خطا مطبعي يابن براك

وانت رجل معروف

[االرااهي]

عوااد العلي
ابن براك
شعار من الوزن الثقيل
وصحت السنتكم جميع

تقبلوا مروري

[ماني بشاعر شويعر]

الله الله ابداع ابداع وصحت اللسنتكم كلكم


وكل الشكر ع الشقر الي عليييه الكلااام