صباح الخير للجميع
هاذي مصافحه لتواصل بينكم
اذكروا الله
وصلوا على محمد
والعنوا ابليس
بسم الله الرحمن الرحيم
السلام عليكم ورحمة الله وبركاته
[poem=font="ms dialog,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الحب له لسعه مثل لسعة الداب=والموت كُله لنتشر فيك سمّه
إن جيت تطلع منه بالحيل كذاب=وإن جيت تصبر هذي اكبر مطمّه
وآلحب له نظره ومفتاح وابواب=وارواح عاشت بالفرح مستتمّه
مخلوق ماميز قريبين وآجناب=تقريب كل الناس للناس همّه
حلقة وصل مابين صاحي ومنصاب=ونقطة تفاهم في حياتك مُهمّه
مثل الهواء في الكون يمشي وينساب=وإذا نواك يحطك بجوف كُمّه
لا يمتلك مخلب ولا يمتلك ناب=هيئة حقوق إنسان في راس قمّه
ماهوب رايح لك كذا ماله آسباب=لابد له موّال جابه وخمّه
آطاح في حكام وشيوخ وآشناب=وفتاوي الدعوه وروس الأئمّه
ويكرم عن الأذناب وعيال الأذناب=ومحشوم عن درب الردى والمذمّه
واقلبي إللي يحتضر بعد ماذاب=وآعيني إللي نومها ماتضمّه
وآراسي إللي من عنا المعركه شاب=وآجرحي إللي مالقى من يلمّه
وآحظي إللي طول الأيام منصاب=وآعمري المحظور في زود غمّه
وآجرحي إللي بين الأظلاع ماطاب=ينزف ولو ماشافت الناس دمّه
ياللي سرقت القلب من بعد ماتاب=ونسّيت قلبي عن خواله وعمّه
درب آلهواء ماهو مثل درب الأعجاب=درب الهواء يبغى تواصل وهِمّه
تعال دام الجوّ صافي وجذاب=وقلط على قلبي ورُكه وصُمّه
وإن كان تبغاها مجازر وارهاب=إطعن خفوقي واستحله ودِمّه
وإن كان تبغاها سعاده وترحاب=فالسالفه- دقه -وشوفه-وضًمّه
مابيني وبينك فواتير وحساب=بيني وبينك حب صادق وذمّه
تبغى الكلام إللي بلآ شرح وخطاب=مافيه غيرك صرت اشوفه واشمّه
في غيبتك كني محاصر بسرداب=لا درب قدامي ولا فيه يمّه
تايه ولا لي عن مفاليك مجناب=ضامي وانا اشرب من غيابك وآعمّه
مبطي ولك في عين شاعرك مرقاب=عالي ولا لحقك من الناس نًمّه
ياعود كمبودي وياطيب الأطياب=ياغيمةٍ تمطر علىّ مدلهمّه
صحيح مالك عندنا جد وانساب=لاشك حرف الشين على متمّه
الرابط إللي يربط آعراب باعراب=عيال جاك العون وآخوان شمّه
وآهل المراجل ماهي بمرجلة ساب=إلا مراجل إنحره وآلعن أَمّه
فديت كبدش من اغسطس إلى آب=وفديت كبدش كل موعد ولمّه
ياهاجري والحب له خيل وركاب=ودم الوفاء معكازه إللي يزمّه
آبغاك تحفظني بقلبك والآهداب=وآنا بحفظك حفظ ياااامي لدمّه
ياللي هواك آشد من قطع الأرقاب=وآعظم من الوحده بعينين الآمّه
مشتاق واللي زادني هم وآتعاب=لاجاتني لبيه من وسط فمّه[/poem]وسلامتكم
سالم اليامي