..
مساجله خفيفه من الشاعر القدير / ناصر الجنيبي
إليكم :
[poem=font=",5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يابومحمد رحت للصيدليه=أبغى أتداوى ماقدرت أتداوى
والنفس عن بعض الأمور محميه=مير الذيابه فوق راسي تعاوى
من يوم شفت الورده النرجسيه=اللي على فكري وقلبي تساوى
ماعاد ابه شرهه ولامنقديه=قامت مشاهيب المحبه تهاوى
وأليا برى كيه تحفويت كيه=والقاف مع كل المشاعر تلاوى
قلبي خضر وانا على حسن نيه=وعجزت عن بعض الجروح أتداوى[/poem]
وهذا ردي عليه :
[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يابوحسين إن كان تشكي عليه=لاعاد تقعد يالجنيبي تراوى
النفس ماموره بحسنه وسيه=كب المراره عقب ذقت الحلاوه
تقول فيه يالعصيمي وفيه=وأقول ساير دنيتك بالهداوى
مادمت في نعمه وعيشه هنيه=لايجرفك درب الغوى والمغاوى
لوشفت حالي بين هاذي وذيه=ذكرت حرب أهل تربه والشلاوى
حضي محاربني وشفت الأذيه=بين الحضاره موقعي والبداوى[/poem]
رد مع اقتباس
