أهداء اتمنى ان يتال رضاكم
[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
هلّت هماليـل المطـر مـن سماهـا = لين ارتـوت قـاعٍ شكت من ضماها
وهبـت هبايـب هاجـس لادعيتـه = فاحـت بساتيـن القصيـد بشذاهـا
الهاجس اللـي طاعنـي ماعصانـي = مثل البحر عصا النبـي ماعصاهـا
قوافي يطـرب لهـا مـن سمعهـا = ويدرك جزالة نظمهـا مـن وعاهـا
اختـار ماجمّـل قصيـدي وحرفـي = ونتـاج فكـري مثّلـه محتـواهـا
وانا قصيدي يطربه وصف عـذرى= الله هو اللـي بالجمـال اصطفاهـا
عذرى لها وصف على القاف يصعب= يضيق وصف القافية فـي فضاهـا
لكن ابوصفها لـو الوصـف كايـد= لعيـون قلـب هايـم فـي هواهـا
مزيونة لبسـت مـن العـز تاجـه = مصيونـة ثـوب الوقـار اكتساهـا
عظيمـة درب الفخـر هـو طلبهـا= كريمة مثـل البحـر فـي عطاهـا
دار هـي اللـي بالرخـاه احتمتنـا= وحنّا بوقـت المعضـلات نحماهـا
شرابها عنـد القسـا مـن دمانـا = وشرابنا عند الرخـا عـذب ماهـا
اسيادهـا خـدّام مـكـه وطيـبـه = ومكـه وطيبـه كـل ابونـا فداهـا
اطهر مكانيـن بـدت مـن ثراهـن = رسالـة ختـام النبيـيـن طـاهـا
دار بهـا خيـر البـريـة محـمـد= سار بوطاهـا واندفـن فـي ثراهـا
بنت الشجاع اللـي حماهـا بسيفـه= وجمّـع حبايبهـا وفـرّق عـداهـا
عنها تغـرب مسكنـه فـي شبابـه = لكن فـؤاده ماسكـن بـه سواهـا
عنها ابتعـد لكـن غلاهـا بروحـه= متبين ٍ مثـل البـدر فـي مساهـا
صاحت تبيه بعالي الصـوت تكفـى= ومن غير ابو تركـي يلبـي نداهـا
قال ابشري بالخيـر وانـا معـزي= وبدا الأمـل برقـه يلـوح بسماهـا
ومن دار اخو مريم بستيـن فـارس= مسيـرة المجـد التليـد ابتـداهـا
مجده حضن نجـد العذيـه بصـدره= ووجد التلاقي كـان معـه ومعاهـا
مسيـرة حبـر المعـالـي كتبـهـا = ويقرا حروف الطايلـه مـن قراهـا
لاتطلـب التاريـخ يخبـرك عنهـا = لأن حـاضـر وقتـنـا مانسـاهـا
وشلون ينساها ولـو كـان لحظـه= ولافيـه لحظـه مـرّتـه ماتبـاهـا
لاشـك منهـو بالتباهـي يلـومـه= وشمسه ملا هالكون باهـي ضياهـا
مرحوم ياعود على الديـن شيّد = الدوله اللـي شامخـه فـي بناهـا
عود غرس غرس الغلا والمعـزه = بـارض الوفا واليوم كلـن جناهـا
امن وامـان وعلـم ممتـد نـوره= ونهضـة بـلاد عالـي مستـواهـا
في ظل حكـام مشـو درب ابوهـم= نحـو الفضايل ماتوانـت خطاهـا
من سعود لافيصـل لياعهـد خالـد= لعهد الفهـد والـدار ينعـم رخاهـا
وعلا خطاهم سـار ليـث العروبـه = والقمـه العليـا بعـزمـه رقـاهـا
وصرنا بفضل الله نعيـش بسعـاده = قـل للنكـاده يحسـن الله عزاهـا
غيث سقا عطشا الصحاري بوبلـه = ليث الوغاء "طب العيـون وعماهـا
عيـن يداويهـا وعيـن لطمـهـا = مقـدام ينهـي خطوتـه لابـداهـا
وحنّا تحت امـره ونمشـي بامـره= ونفوسنـا للـدار يرخـص غلاهـا
ولاهمنـا فـكـر تبـنـاه جـاهـل = ولاهمنـا نــار تـوقـد لضاها
نقضي علا الفتنـه ونمحـي اثرهـا= ونقضي علا ناس سعت من وراهـا
ياشـلـة التـخريب وشو هـدفهكم = هـاذا جـزات ام ٍ سـكـنتو رباها
ام ٍ قـضـيـتو عـمركم في كنفها = واللي اشـتـكى برده يـلاقي دفاها
هي قـدّمت عـطـف الأمومه ولكن = جـاهـا بـلاها مـن فعايل ضناها
راعي نوايا الشـر يجـزى بشـره = وراعي نوايا الخيـر ياخـذ جزاهـا
حنّـا رجـال المملكـة بالمـواقـف= امجادنـا بالكـون توحـي صداهـا
صحيح مايبدي خطـا مـن طرفنـا= لكن نجـازي كـل نفـس بخطاهـا
اقوالنـا وقـت المعـارك فعـايـل= وافعالنـا بالعـز تسـمـع نبـاهـا
يـوم الكويت انضام من كف طامع = بـيـارق الـفزعـه عـقدنا لواها
امـانـةٍ بـعـنـاقـنا مـانـسـينا= لـ ارض الكـويت ترد حزة قضاها
المملكـة دار الفـخـر والبطـولـه = هي فزعـة اللـي باللـوازم نخاهـا
هي فزعة الجيـران لاصـار شـده= شجرة وفاء للجـار يـذري ذراهـا
يالله تحميهـا وتحـمـي ملكـهـا = وتحمي بجاهك من يسيـر بوطاهـا[/poem]
رد مع اقتباس
المشاركة الأصلية كتبت بواسطة بنت برقا
-new.gif)
