السلام عليكم ورحمة الله وبركاته
مساء الخير للمنتدى الغير ولأعضاء الخير
أحباب لأ شتاقوا دروا عــنهم أحباب
وأنــــــا أشتياقي صاحبي مادرابه
ياحظ حظه لا لــــفى الليل وأنـــساب
ترتاح عينه ما يـــــــــعرف الكآبه
وأنا ســـهير الليل مجروح منصــاب
أروح وأرجــــــــع دايمن عند بابه
ماهوب يفقد كــل شخصن اذا غـــاب
وماهوب يعوض كل شخص بغيابه
كم واحد غايب ولا أحسب لـه حساب
وكـم واحد موجود ماحسب حسابه
وأنا فــــــقدته دون حــــــجة وأسباب
وماحـــدن معوضني بحضرة جنابه
أحــــن له وأشــتاق له وأبدي أعجاب
قلبن ألا مـــــن شاف وجهه سهابه
شيّب براسي مـــــــن بعاده وأنا شاب
عزي لــــــراسي مـــا تهنى بشبابه
لا قلت أنــــــــا صابر بفرقاه كــــذاب
لا ما تحمل عـــــــــن عيوني ذهابه
أرسلت له ناسن عـــلى قلبه أقـــراب
يعطونه أخــــــــباري ويــاتي جوابه
تكفون قــــولوله مـــــــــدام أنه يهاب
ربـــــي قـــــــوي الباس كلن يهابه
اذا لـــــقى جثة حبيبه عــــلى الــــباب
هــــــــــذا ترى كـــــله بسبة غيابه
وسلامتكم ورضاااااكم............(المعنّى))
رد مع اقتباس
