مساءكم سكر :
.
.
مرروا هذه الهاربة من أعماقي .. قبيل العشر الأواخر .. كل عام والخير أنتم :
.
.
[poem=font=",6,blue,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""]
اليوم مريتي إبالي = ياأغلى ( بنات السعوديه )
ومن الوله كنك قبالي = ويدينك تضمها يديه
خيال .. والواقع الحالي = حزن البشر موطنه فيّه
غدى لي أقرب من ظلالي = بالعين شوفيه ماريّه
وأنتي ياحلي وترحالي = ياأم العيون العسليه
نبرات صوتك بجوالي = أرقى الكلمات الغنائيه
لو ينقطع عنه الإرسالي = صورتك تكفيه ( خلفيه )
لامر صوتك يورالي = تطير بالجو آذاااانيّه
إن قلتي بشوق : (( ياغالي = لولاك بالناس من ليّه
لغيرك القلب مامالي = ولاعرفت الرومنسيه ))
قلبي من أهل الهوى خالي = وإقامتك فيه جبريه
ضميه يابنت .. وإختالي = الشمس .. بضيافة .. الفيّه
وراعيه مثله مهو سالي = وحكايته معك مقضيه
جمّعت لك يابعد حالي = أشياء جداً خياليه
أحلام عمري وآمالي = والذكريات الأساسيه
والحزن وأشباح غربالي = والأمنيات الحقيقيه
والشوق بكل الأشكالي = وعزفتها لك سيمفونيه
تشهد على أقوالي أفعالي = على الوفاء معك مبنيه
وإن كانها وصلت هبالي = بالراس .. مليار جنيّه
أخذيني ظالم ومتعالي = وأخذك ( أنثى حديديه )
وأصير لعيونك هلالي = إن قلتي إنك هلاليه
ولاهمني هرج عذالي = بعض السواليف كيديه
عالي وإسمي بعد عالي = مثلي .. وروحي رياضيه
لاشك بالحب ما أبالي = ولانيب أنا مخلف النيه
يابنت لاجاك مرسالي = لاتجزي الحسنه بسيّه [/poem]
.
.
وسلامتكم ..!!
منصور الحربي ( مغترب )
18/9/2008م
الثالثة صباحاً