[align=center]صباح/مساء الشعر للجميع
!
!
![/align]
[poem=font="Simplified Arabic,7,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياالله ياللي تعلم الجهر والغيب=ياجاعل ٍ مع كل ضيق انفراجه
ياغافر الزله وياساتر العيب=يا واحد ٍ ماله مع الناس حاجه
لكن لكل الناس عنده مطاليب=وكل واحدٍ يدعيك تقضي احتياجه
تفرج هموم اللي غزا راسه الشيب=وظروف وقته مثل (عنق الزجاجه)
يارب مالي عن معونتك تجنيب =لا صار في بعض الدروب انعواجه
سدد خطاي واهدني درب ٍ مصيب=درب ٍ بعد ممشاه نلقى نتاجه
وانك تثبتني على منهج الطيب=وحسن النبا وقت اللقا والمواجه
وتعيذني من هقوة ٍ يمكن تخيب=وتعيذني كثر الحكي و السماجه
ماللرجل في دنيته من مكاسيب=ياكود علم ٍ طيب ٍ به يواجه
عند الرجال اللي تعرف المواجيب=والطيب منهاج ٍ وسيعة فجاجه
وكلن بهالدنيا مضى له تجاريب=والمستفيد اللي يحصل خراجه
هذي هي الدنيا صدوف ومتاعيب=وياسعد منهو طاعة الله سراجه[/poem]
[align=center]املي ان تنال ميسور رضاكم[/align]